2010 оны 12 сарын 9 өдөр Дугаар 550

1. МОНГОЛ УЛСЫН
БОЛОВСРОЛ, СОЁЛ, ШИНЖЛЭХ УХААНЫ
САЙДЫН ТУШААЛ
2010 оны 12 сарын 9 өдөр Дугаар 550 Улаанбаатар хот
Зөвлөмж батлах тухай
Монгол Улсын Соёлын тухай хуулийн 13 дугаар зүйлийн 13.1.14 дүгээр заалт, Боловсрол, соёл, шинжлэх
ухааны яамны 2010 оны бүтээгдэхүүн нийлүүлэх төлөвлөгөөний 4.22 дугаар заалтыг хэрэгжүүлэх зорилгоор
ТУШААХ нь:
1. "Номын сан хооронд ном солилцох үйл ажиллагаанд баримтлах зөвлөмж"- ийг хавсралтын ёсоор
баталсугай.
2. Энэ тушаалын хэрэгжилтэд хяналт тавьж ажиллахыг Соёл, урлагийн бодлогын газрын даргын үүрэг
гүйцэтгэгч /Б. Наранзун/-д даалгасугай.
САЙД Ё. ОТГОНБАЯР
Боловсрол, соёл, шинжлэх ухааны
сайдын 2010 оны 12 дугаар сарын 9-ны
өдрийн 550 дугаар тушаалын хавсралт
Номын сан хооронд ном солилцоо хийх үйл ажиллагаанд
баримтлах зөвлөмж
Нэг. Нийтлэг үндэслэл
1.1. Номын сан нь сан хөмрөгийн нөөцөө бусад номын сантай хамтран ашиглах, фондын эргэлт, ашиглалтыг
сайжруулах, үйлчилгээг тэгш хүргэж, хүртээмжийг нэмэгдүүлэх, уншигч, хэрэглэгчдийн хүрээг өргөжүүлэх үйл
ажиллагаандаа энэхүү зөвлөмжийгбаримтална.
1.2. Энэхүү зөвлөмжийгбүх төрлийн номын сан,түүгээр үйлчлүүлэгч байгууллага, уншигч дагаж
мөрдөнө.
Хоёр. Номын сан хоорондын ном солилцоо
2.1. Номын сан нь байгууллага, уншигчдын захиалга, хүсэлтийн дагуу өөрийн сан хөмрөгт байхгүй номыг
бусад номын сангаас тодорхой хугацаагаар захиалан уншуулахыг номын сан хоорондын ном солилцоо гэнэ.
2.2. Номын сан дотоодын номын сантай гэрээ байгуулан номын сан хоорондын ном солилцоогзохион
байгуулна.

2. 2.3. Ном солилцоонд үнэт ховор, гар бичмэл, барын номууд, диссертаци,эрдмийн ажил,лавлах материал,
гурав хүртэлх хувьтай ном,тогтмол хэвлэлийг олгохгүй.
2.4. Номын сан бүр сан хөмрөгтөө хадгалагдаж буй ном, хэвлэлийн нэгдсэн жагсаалтыгцахим болон хэвлэмэл
хэлбэрээр солилцоо хийхээр гэрээ байгуулсан номын санд харилцан хүргүүлнэ.
2.5. Номын сан нь уншигч хэрэглэгчдэд эрэлт хэрэгцээтэй байгаа ном,хэвлэлийн судалгаа, захиалгыг авсны
үндсэн дээр үйлчилнэ.
2.6. Солилцоо хийж буй номын сангууд "Номын сан хоорондын ном солилцоо хийдэг номын сангуудын
бүртгэл", "Номын сан хоорондын ном солилцоогоор уншигчдад үйлчилсэн ажлын бүртгэл"-ийг Боловсрол,
соёл, шинжлэх ухааны сайдын 2005 оны 441 дүгээр тушаалын 12,13 дугаар хавсралтаар батлагдсан маягтын
дагуу хөтөлнө.
2.7. Солилцоо хийхээр гэрээ байгуулсан номын санд захиалсан номыг20-30 хоногийн дотор хүргүүлнэ.
2.8. Илгээгч номын сан нь захиалагч номын сангийн захиалгыгүндэслэн Боловсрол, соёл, шинжлэх ухааны
сайдын 2005 оны 441 дүгээр тушаалын 17 дугаар хавсралтаар батлагдсан дагалдах баримтмаягтыгүйлдэн
буцаах хугацааг заан номоо илгээнэ.
2.9. Захиалагч номын сан гэрээнд заасан хугацаанд номоо буцааж өгөх боломжгүй тохиолдолд ашиглах
хугацааг сунгах тухай хүсэлтээ гэрээ хийсэн номын сангийн удирдлагад бичгээр гаргана.
2.10. Захиалагч номын сан гэрээнд заасан хугацааг зөрчвөл гэрээг цуцлана.
2.11. Номын сангийн эрхлэгч ном хэвлэл олгох болон буцааж авахдаа номын бүрэн бүтэн байдлыгшалгана.
2.12. Номын санд хадгалагдаж буй ном хэвлэлд "Даатгалын тухай хууль"-ийн дагуу даатгал хийлгэсэн
байна.
Гурав. Уншигчийн эрх үүрэг
3.1. Уншигч хэрэгцээт ном хэвлэлээ захиалгын дагуу түргэн шуурхай үйлчилүүлэх эрхтэй.
3.2. Уншихаар авсан ном,бусад материалыгариггамтай хэрэглэх ба хуудсыг нугалах, зурж тэмдэглэл хийхгүй
байна.
3.4. Тогтоосон хугацааны дагуу номыгбүрэн бүтэн буцааж өгнө.
3.5. Номын сангийн ном,хэвлэлийг гэмтээх ба үрэгдүүлбэл Боловсрол, соёл, шинжлэх ухааны сайдын 2007
оны 415 дугаар тушаалаар батлагдсан "Алдагдсан буюу гэмтээгдсэн ном,хэвлэлийг төлүүлэх журам"-ын дагуу
төлж номын сангхохиролгүй болгоно.
------------------------------0-------------------------------