Еўрапейскі гуманітарны ўніверсітэт у Вільні запрашае абітурыентаў на завочныя бакалаўрскія праграмы.

1. 1. Ці магчыма знаходзіцца ў любой
кропке свету і адначасова навучацца
ў ЕГУ?
Вядома, так! Ты можаш жыць у Беларусі ці любой іншай краіне свету і
адначасова атрымоўваць вышэйшую адукацыю ў ЕГУ. Завочныя праграмы ЕГУ
набольш пасуюць тым, хто ўжо мае працоўныя ці сямейныя абавязкі і не можа
ўвесь час знаходзіцца ў Вільні. Калі ты ўжо навучаешся ва ўніверсітэце, то
завочныя праграмы ЕГУ даюць табе выдатную магчымасць паралельна атрымаць
другую вышэйшую адукацыю. Нашыя студэнты як вочнага, так і завочнага
аддзялення выніках навучання атрымоўваюць літоўскі дыплом бакалаўра, які
прызнаецца ў краінах Еўропейскага Саюза і Паўночнай Амерыцы. З такім
дыпломам перад табой адкрываецца нашмат больш кар’ерных магчымасцяў і ты
маеш шанец уладкавацца на працу і ў Беларусі, і за мяжой.
Звычайна навучанне на завочных бакалаўрскіх праграмах ЕГУ доўжыцца
на адзін год больш, чым на вочных, але калі твае здольнасці дазваляюць і ты
можаш паспяхова адолець больш курсаў за семестр, то ты можаш скончыць
бакалаўрыят датэрмінова!

2. 2. Ці складана паступіць у ЕГУ і якую
спецыяльнасць магчыма атрымаць
завочна?
ЕГУ прапаноўвае абітурыентам пяць бакалаўрскіх праграм
дыстанцыйнай формы навучання: «Візуальны дызайн і медыя», «Культурная
спадчына і турызм», «Медыя і камунікацыя», «Сусветная палітыка і эканоміка»,
«Міжнароднае права і права Еўрапейскага Саюза».
Для таго каб паступіць на любую завочную праграму ЕГУ, табе не трэба
здаваць ЦТ ці іншыя іспыты: дастаткова запоўніць электронную анкету
абітурыента, падаць атэстат з адзнакамі, а таксама прайсці сумоўе анлайн.
Выключэннем з’яўляецца праграма «Візуальны дызайн і медыя», для
паступлення на якую ты мусіш здаць іспыт па кампазіцыі. Паспяшайся!
Электронныя анкеты прымаюцца да 5 ліпеня.
ЕГУ намагаецца быць больш даступным для студэнтаў з Беларусі, таму
грамадзяне і рэзідэнты нашай краіны маюць магчамасць навучацца бясплатна
пры ўмове, што іх акадэмічны рэйтынг дастаткова высокі.

3. 3. Жадаеш ажыццявіць свой
сацыяльны, культурны ці
адукацыйны праект?
На працягу 11 гадоў Еўрапейскі гуманітарны ўніверсітэт у Вільні штогод
аказвае падтрымку студэнцкім праектам. Асабліва актуальнымі праектамі
з’яўляюцца тыя ініцыятывы нашых студэнтаў, якія накіраваныя на пераадоленне
сацыяльна значных праблем: падтрымка дзіцячых дамоў і дзетак з парушэннямі
аўтычнага спектра, развіццё бязвыплатнага донарства ў Беларусі і г.д. Мы
ганарымся сваімі студэнтамі і ўсебакова падтрымліваем іх ініцыятывы.
Пачынаючы з 2014 г., падтрымка праектаў аыццяўляецца ў межах
кансорцыума з 7 ліберальных універсітэтаў: Бард-коледж (ЗША), Факультэт
вольных мастацтваў і навук СПбДУ (Расія), Цэнтральна-еўрапейскі ўніверсітэт
(Венгрыя), Еўрапейскі гуманітарны ўніверсітэт (Літва), Еўрапейскі коледж вольных
мастацтваў і навук Бард-коледжа (Германія), Амерыканскі ўніверсітэт у
Цэнтральнай Азіі (Кыргызстан) і Бард-коледж мастацтваў і навук Аль-Кудс
(Іерусалім).

4. 4. Жадаеш атрымаць сапраўдны
міжнародны досвед і паехаць на
канферэнцыю ў адзін з еўрапейскіх
гарадоў?
Студэнты ЕГУ маюць магчымасць прымаць удзел у разнастайных
міжнародных канферэнцыях. Кожны тыдзень усе студэнты атрымоўваюць
прынамсі некалькі абвестак пра міжнародныя магчымасці. Напрыклад, студэнтка
1 курса завочнай формы навучання Яна Паляшчук распавядае пра свой
«Фларэнтыйскі цуд» і ўдзел у воркшопе Heritage Integrated into the Liberal Arts &
Sciences: Communicational and Cultural Strategies in inter-Educational Cooperation
Nowadays у складзе каманды ЕГУ: «Воркшоп праходзіў у Фларэнцыі і быў
прысвечаны таму, як ліберальная адукацыя і культурная спадчына
ўзаемадзейнічаюць сёння. Гэтае пытанне актуальнае ў ЕГУ, бо ў гэтым годзе
ўніверсітэт перайшоў да новай мадэлі ліберальнай адукацыі, якую
прадстаўляюць курсы Агульнаўніверсітэцкай падрыхтоўкі. У першы дзень
воркшопа мы мусілі прадставіць ЕГУ і нашу ліберальную мадэль, а ў апошні дзень
— па выніках адукацыйнага тыдня паказаць, якія высновы мы зрабілі. Мы
вырашылі, што ліберальная адукацыя не можа існаваць асобна ад культурнай
спадчыны. Дзякуй ЕГУ за такую магчымасць».
ВІДЭА: Першакурснікі ЕГУ ў Фларэнцыі

5. 5. Ці магчыма навучацца на завочнай
праграме і ўдзельнічаць у праграмах
міжнародных студэнцкіх абменаў?
Так! Нават калі ты навучаешся на завочнай праграме ЕГУ, ты можаш
удзельнічаць у праграмах студэнцкай мабільнасці Campus Europae і Erasmus+.
Асноўная мэта праграмы Erasmus+ — спрыяць супрацоўніцтву ў галіне
вышэйшай адукацыі ў Еўропе. Гэтая праграма дае магчымасць студэнтам
навучацца цягам 2 семестраў у адным з 57 партнёрскіх універсітэтаў у Еўропе,
вывучыць яшчэ адну замежную мову і знайсці новых сяброў з усяго свету! У сваю
чаргу, Campus Europae – гэта праект Фонда еўрапейскіх універсітэтаў, створаны з
мэтай паглыблення акадэмічных стасункаў у межах Еўрапейскай прасторы
вышэйшай адукацыі. Па гэтай праграме студэнты маюць шанец павучыцца ў
адным з 9 партнёрскіх універсітэтаў цэлых 2 гады. Не хвалюйся: усе курсы, якія ты
праслухаў падчас навучання па абмене ў замежным універсітэце, будуць
залічаны ў ЕГУ.

6. Не сумнявайся і смела падавай заяўку, калі:
• Твой сярэдні акадэмічны бал складае не менш за 8,0.
• Твой узровень валодання англійскай мовай не ніжэйшы за В1.
• Ты не маеш акадэмічных запазычанасцяў.
Праўда, гэтыя праграмы не прадугледжваюць выплату стыпендый для студэнтаў-
завочнікаў, але, тым не менш, гэта выдатная магчымасць атрымаць досвед
навучання за мяжой, пазнаёміцца з іншымі культурамі і ўдасканаліць веды
замежных моў.
ВІДЭА: Навошта вучыцца па праграме абмену?

7. 6. Колькі разоў на год я буду
прыязджаць у Вільню на сесіі?
У цябе будзе 5 вочных сесій на год! Не трэба думаць, што студэнты ЕГУ
вучацца па прынцыпе «ад сесіі да сесіі». Навучанне ў ЕГУ — гэта бесперапынны
захапляльны працэс, разлічаны на людзей, якія здольныя рацыянальна
размяркоўваць свой час і энэргію ці жадаюць гэтаму навучыцца. Рэгулярныя
анлайн-семінары, відэалекцыі, кансультацыі з выкладчыкамі і студэнцкая супраца
праз сістэму BlueJeans, інтэрактыўныя матэрыялы і Skype-канферэнцыі,
штотыднёвыя тэксты і тэсты — вось толькі частка штодзённага навучальнага
працэсу студэнтаў завочнай формы ў ЕГУ.
Мы таксама ладзім разнастайныя адукацыйныя і навуковыя
мерапрыемствы ў Беларусі. Сачыць за нашай дзейнасцю прасцей за ўсё ў
Фэйсбуку і VK.
ВІДЭА: «Дзень з ЕГУ» у Мінску

8. 7. Ці магчыма наведваць заняткі ў
Вільні разам са студэнтамі вочных
праграм?
Натуральна! Студэнты завочных праграм ЕГУ атрымоўваюць бясплатную
шматразовую Шэнгенскую візу і могуць прыязджаць ва ўніверсітэт не толькі
падчас сесіі. Дамаўляйся са сваім выкладчыкам і прыходзь на вочныя заняткі ў
Вільні. Удзельнічай ва ўсіх сустрэчах, выступах, адкрытых лекцыях і воркшопах,
канферэнцыях і іншых праектах, якія ладзяцца для студэнтаў-вочнікаў. Не
забывайся, што на некаторыя сустрэчы трэба адмыслова рэгістравацца. Сачы за
інфармацыяй аб усіх магчымасцях у сістэме Moodle.
Калі раптам табе спадабаецца і ты пажадаеш перавесціся на вочную
форму навучання, звяртайся ў Цэнтр падтрымкі акадэмічнага працэсу — табе
абавязкова дапамогуць.

9. 8. Як эфектыўна вывучаць літоўскую
мову, не знаходзячыся ў Літве?
Вучыць замежную мову складана, асабліва літоўскую. Таму ЕГУ пры
падтрымцы Міністэрства замежных спраў Літвы ладзіць вочныя заняткі па
літоўскай мове ў Мінску. «Для мяне гэтыя курсы сталі перадусім крокам наперад
у валоданні мовай, — кажа Рацібор Бягун, слухач моўных курсаў, выпускнік ЕГУ
2012 г., а цяпер дактарант Універсітэта Вітаўта Вялікага ў Коўне. — Ведаць
літоўскую мне неабходна для прафесійнага росту і паспяховага навучання ў
дактарантуры. Хоць мову нельга назваць простай, але ўсё ж я ўпэўнены — хто
вывучае, той атрымае».
Больш за тое, падчас навучання на бакалаўрыяце студэнты завочных
праграм вывучаюць англійскую мову і могуць авалодаць ёй на ўзроўні В2. Гэта
вельмі карысна, бо каля чвэрці курсаў на спецыяльнасці чытаюцца на англійскай
мове. Добрыя веды замежнай мовы дазволяць табе без праблем знайсці
прэстыжную працу з годным заробкам і рэалізаваць свае кар’ерныя амбіцыі.

10. Паспяшайся!
Электронныя анкеты абітурыентаў бакалаўрскіх праграм завочнай формы
навучання прымаюцца да 5 ліпеня, магістарскіх праграм – да 8 ліпеня.
Па пытаннях паступлення звяртайцеся па эл. пошце recruitment @ ehu.lt ,
Skype: QuestionEHU ці тэл. +370 526 39 650.
Фэйсбук
VK