Сіманоўскі

Першаму дырэктару Бібліятэкі
прысвячаецца
Да 125-годдзя з дня нараджэння
Іосіфа Бенцыянавіча Сіманоўскага (1892-1967)
АСОБА. ПРАФЕСІЯНАЛ. ЧАЛАВЕК

Беларускі бібліятэказнавец, бібліёграф,
перакладчык
Адзін з арганізатараў і першы дырэктар
Дзяржаўнай бібліятэкі БССР імя У. І. Леніна
На пасадзе дырэктара Бібліятэкі
І.Б. Сіманоўскі працаваў амаль 40 гадоў
з 1922 па 1937 гг. і з 1941 па 1961 гг.
Заслужаны дзеяч культуры Беларусі (1957 г.)
Фота 1926 г.

Нарадзіўся 24 красавіка 1892 г. у сям’і рамесніка-смалавара
Месца нараджэння: г. Бабруйск Магілёўскай вобласці

Скончыў Віленскую другую гімназію – класічную рускую мужчынскую
гімназію, якая знаходзілася на вуліцы Замкавай.

Вучыўся ў Францыі (Парыж, Сарбона, літаратурны факультэт,
1910–1911 гг.)

У 1911–1914 гг. вучыўся ў Бернскім універсітэце ў Швейцарыі
(літаратурнае аддзяленне філасофскага факультэта)

Першыя крокі ў бібліятэчнай
справе І.Б. Сіманоўскі зрабіў у 1917 г.,
калі працаваў у Маскве, у рэдакцыі
энцыклапедыі Граната і гарадской
бібліятэцы імя А.С. Пушкіна
У 1918 г. стаў загадчыкам Цэнтральнай
бібліятэкі ў Бабруйску
У 1921 г. узначаліў бібліятэку
Беларускага дзяржаўнага ўніверсітэта,
якая ў хуткім часе набыла статус
дзяржаўнай
Пасведчанне пра перавод І.Б. Сіманоўскага на пасаду галоўнага
бібліятэкара бібліятэкі Беларускага дзяржаўнага ўніверсітэта

1 кастрычніка 1921 г. пры актыўным удзеле І.Б. Сіманоўскага
была адчынена бібліятэка БДУ, якая Пастановай СНК БССР ад 15
верасня 1922 г. была афіцыйна абвешчана Беларускай дзяржаўнай
і ўніверсітэцкай бібліятэкай
У 1922 г. пры Беларускай дзяржаўнай і ўніверсітэцкай бібліятэцы
для рэгістрацыі бягучай друкаванай прадукцыі арганізуецца
Беларуская кніжная палата, якая з 1924 г. выдае «Летапіс друку
БССР»
У 1926 г. У сувязі з інтэнсіўным ростам і развіццём функцый
Беларуская дзяржаўная і ўніверсітэцкая бібліятэка была вылучана ў
самастойную Дзяржаўную бібліятэку БССР
З гісторыі Бібліятэкі

Першы будынак Бібліятэкі – Юбілейны дом (пр. Незалежнасці, 24, раней –
вул. Захар’еўская)

Беларускі аддзел Бібліятэкі. 1925 г.

Іосіф Бенцыянавіч увесь час жыве клопатамі аб будаўніцтве Бібліятэкі
У 1929 – 1932 гг. вядзецца будаўніцтва
новага будынка Дзяржаўнай бібліятэкі БССР
па архітэктурным праекце Г. Лаўрова,
першым у Савецкім Саюзе, зробленым
спецыяльна для бібліятэкі
Архітэктар Г.Л. Лаўроў
Лаканічнасць, прастата і функцыянальнасць – асноўныя рысы стылю
канструктывізму

Новы будынак Беларускай дзяржаўнай бібліятэкі. 1932 г.
Архітэктар Г. Лаўроў.

Бібліятэка ў 30-я гг. ХХ ст.

Агульная чытальная зала Бібліятэкі. 30-я гг. ХХ ст.

У 1932 г. Іосіф Бенцыянавіч быў адзначаны высокай урадавай
узнагародай – ордэнам Працоўнага Чырвонага сцяга БССР.

Беларуская дзяржаўная бібліятэка імя У.І. Леніна. 1939 г.
Галоўная лесвіца

Да пачатку Вялікай Айчыннай вайны дзякуючы
намаганням І. Б. Сіманоўскага бібліятэка змагла сабраць
багатую кніжную калекцыю
У пачатку 1940-га года бібліятэчны фонд налічваў
1 млн 800 тыс. тамоў. Штодзённа Бібліятэка абслугоўвала ў
сярэднім 1800 чалавек. Установа займала пятае месца па
аб’ёму фондаў і чацвёртае па колькасці кнігавыдач сярод
буйнейшых бібліятэк Саюза ССР
Далейшае развіццё бібліятэкі перарвала
вайна
Па колькасці экзэмпляраў і каштоўнасці
выданняў Бібліятэка была сёмай у
Савецкім Саюзе і ўваходзіла ў лічбу
трыццаці лепшых бібліятэк свету

Пачатак вайны. Пажар у раёне бібліятэкі

Мінск пасля бамбардзіроўкі

У 1944 г., праз некалькі дзён пасля вызвалення Мінска, урад прыняў
рашэнне аб аднаўленні дзяржаўнай бібліятэкі, і ўжо ў кастрычніку
1944 г. яна была адчынена для чытачоў
Інтэр’ер бібліятэкі ў гады Вялікай Айчыннай вайны. 1943 г.

Папярэднія звесткі дырэктара Беларускай дзяржаўнай бібліятэкі імя Леніна
Надзвычайнай дзяржаўнай камісіі аб разграбленні і знішчэнні бібліятэк
г. Мінска ў перыяд акупацыі
За гады акупацыі больш за 80% фондаў было разграблена і
вывезена ў Германію. З амаль двухмільённага фонду
Бібліятэкі ўцалела толькі 320 тыс. экзэмпляраў.
Былі знішчаны каталогі

У жніўні 1942 г. адазваны ў Маскву для
выкладання ў Маскоўскім дзяржаўным
бібліятэчным інстытуце. Адначасова, з
красавіка 1943 г., пачаў работу па
аднаўленню Дзяржаўнай бібліятэкі БССР
У 1944–1945 гг. Іосіф Бенцыянавіч
Сіманоўскі прымаў актыўны ўдзел у
арганізацыі бібліятэчнага факультэта пры
Мінскім педінстытуце імя А.М. Горкага, дзе
шмат гадоў выкладаў бібліятэказнаўства i
да 1951 г. з’яўляўся загадчыкам кафедры
У 1941 г. І.Б. Сіманоўскі эвакуіраваўся ў
Сталінград, затым у Саратаў, працаваў у
навуковых бібліятэках
Пасведчанне аб працы ў
навуковай бібліятэцы пры
Саратаўскім універсітэце

3-ці курс бібліятэчнага факультэта першага набору. 1947 г.

Белорусская государственная библиотека, 1940-е.
Дзяржаўная бібліятэка Беларусі. 40-я гг. ХХ ст.

На працягу працы ў якасці дырэктара Бібліятэкі
І.Б. Сіманоўскаму выпала шмат няпростых перыядаў
развіцця ўстановы: этап арганізацыі і станаўлення,
узвядзенне першага спецыялізаванага будынку,
ваеннае ліхалецце і ўзнаўленне згубленых фондаў
Усё жыццё, творчыя сілы былі аддадзены служэнню бібліятэчнай
справе Беларусі

Значны ўнёсак зроблены Іосіфам Бенцыянавічам у распрацоўку
тэорыі і методыкі бібліяграфіі і бібліятэказнаўства.

І.Б. Сіманоўскі – аўтар грунтоўных прац, артыкулаў,
змястоўных паведамленняў, звязаных з развіццём
бібліятэчнай сферы і бібліятэчнага будаўніцтва

І. Б. Сіманоўскі садзейнічаў развіццю цэнтралізаванай
каталагізацыі беларускай літаратуры. Унёс значны ўклад
у развіццё бягучай i рэтраспектыўнай бібліяграфіі, падрыхтоўку
паказальнікаў бібліяграфічных дапаможнікаў. Быў ініцыятарам
выдання бюлетэня «Новыя кнігі Беларусі»
Распрацаваў пытанне аб ролі навуковых бібліятэк як цэнтраў
бібліяграфічнай работы, выступаў ініцыятарам
стварэння ў 1926–1933 гг. філіялаў бібліятэк у Віцебску,
Магілёве, Гомелі, якія ў 1938 г. былі рэарганізаваны ў абласныя
Вядомы яго заслугі i ў развіцці МБА, стварэнні цэнтралізаванай
сістэмы кнігазабеспячэння навуковых бібліятэк, даследаванні
гісторыі бібліятэчнай справы ў рэспубліцы

Дзяржаўная бібліятэка БССР імя У.І. Леніна. 50-я гг. ХХ ст.

Кнігі з бібліятэкі І.Б. Сіманоўскага
І.Б. Сіманоўскі – не толькі аўтар прац па тэорыі і методыцы
бібліятэказнаўства, але вядомы і як перакладчык твораў сусветнай
класічнай літаратуры (Г. Гейнэ, А. Міцкевіча, Э. Верхарна)
Яшчэ у перыяд навучання (1910 – 1914 гг.) пачаў займацца
перакладамі з французскай мовы. Перавагу аддаваў паэзіі
бельгійскага сімваліста Эміля Верхарна
Э. Верхарн

Э. Верхарн. Вершы. Зборнік з рукапіснымі паметамі І.Б. Сіманоўскага
У фондзе Нацыянальнай бібліятэкі Беларусі выяўлена
дзесяць асобнікаў твораў Э. Верхарна са шматлікімі
паметамі на палях алоўкам, якія належаць руцэ
І.Б. Сіманоўскага і выдатна ілюструюць творчую
лабараторыю перакладчыка

На беларускую мову І. Б. Сіманоўскі перакладаў таксама творы
Генрыха Гейнэ і Адама Міцкевіча
Г. Гейнэ А. Міцкевіч

Рукапіс пераклада верша Г. Гейнэ «Два
рыцары» на беларускую мову

14 снежня 1957 г. Указам Прэзідыума
Вярхоўнага Савета БССР
Сіманоўскаму Іосіфу Бенцыянавічу
было прысвоена званне
Заслужанага дзеяча культуры БССР

І.Б. Сіманоўскі сярод удзельнікаў канферэнцыі ЮНЕСКА. Вена. 1958 г.

І.Б. Сіманоўскі сярод старэйшых работнікаў Бібліятэкі. 1962 г.

І.Б. Сіманоўскі дома ў пакоі,
які знаходзіўся ў будынку
Бібліятэкі. 60-я гг. ХХ ст.
Сям’я Сіманоўскіх: жонка –
Рахіль Эмануілаўна Соркіна і дзеці - Аляксандр, Генрых

Генрых Іосіфавіч Сіманоўскі – сын
І.Б. Сіманоўскага
7 верасня 2012 г. у рамках Міжнароднага кангрэса «Нацыянальная
бібліятэка як феномен культуры» адбыўся круглы стол, прысвечаны
памяці Іосіфа Бенцыянавіча Сіманоўскага

У 2012 г. у музеі кнігі Нацыянальнай бібліятэкі Беларусі была
арганізавана выстава, прысвечаная 120-годдзю з дня нараджэння
Іосіфа Бенцыянавіча Сіманоўскага, якая стала часткай
пастаяннай экспазіцыі музея

Ёсць на свеце такія людзі, якія прысвячаюць сябе адной справе і
самааддана служаць ёй усё жыццё. Да такіх людзей адносіцца Іосіф
Бенцыянавіч Сіманоўскі – першы дырэктар Дзяржаўнай бібліятэкі БССР
імя У.І. Леніна (цяпер Нацыянальная бібліятэка Беларусі), які сорак гадоў
свайго жыцця аддаў справе развіцця бібліяграфіі і бібліятэказнаўства
АСОБА. ПРАФЕСІЯНАЛ. ЧАЛАВЕК

Пры падрыхтоўцы прэзентацыі выкарыстаны
матэрыялы з фондаў Нацыянальнай бібліятэкі Беларусі,
з асабістага архіва І.Б. Сіманоўскага, які захоўваецца ў
навукова-даследчым аддзеле кнігазнаўства

Сіманоўскі

More Related Content

What's hot

Viewers also liked

More from ander_temp

Сіманоўскі