1. ບົດຂາບໄຫວ້ບິດາມານດາ
(ລູກໆ
ທັງຫມົດນົມມືກົງຫນ້າອົກພ້ອມກັນ)
ຂ້າຂໍ...ຂາບໄຫວ້ຄຸນພຣະບິດາແລະມານດາ
ລ້ຽງລູກເຝົ້າຮັກສາ ແຕ່ກ່ອນມາຈຶ່ງເປັນຄົນ
(ຊ້ຳ)
ແສນຍາກລຳບາກກາຍ ບໍ່ຄິດຍາກລຳບາກຕົນ
ໃນໃຈໃຫ້ກັງວົນ ຢູ່ດ້ວຍລູກທຸກເວລາ (ຊ້ຳ)
ຍາມກິນຖ້າລູກຮ້ອງ ກໍ່ຕ້ອງວາງແລ່ນມາຫາ
ຍາມນອນບໍ່ເຕັມຕາ ພໍລູກຮ້ອງກໍ່ຕ້ອງເບິ່ງ
(ຊ້ຳ)
ຕົວເລືອດຍຸງໄຮມົດ ຈະກວນກາຍຮີບອຸ້ມຊູ
ອົດກິນອົດນອນສູ້
ທົນລຳບາກຫນັກບໍ່ເບົາ (ຊ້ຳ)
ຄຸນພໍ່ແມ່ມາກຫນັກ ປຽບນ້ຳຫນັກຍິ່ງພູເຂົາ
ແຜ່ນດິນທັງຫມົດເອົາ
ປຽບຄຸນທ່ານບໍ່ເທົ່າທັນ (ຊ້ຳ)

2. ເຫລືອທີ່ຈະແທນຄຸນ ຂອງທ່ານນັ້ນໃຫຍ່ອະນັນ
ເວັ້ນໄວ້ແຕ່ຮຽນທັມ ເອົາມາສອນພໍຜ່ອນບຸນ
(ຊ້ຳ)
ສອນທັມທີ່ຈິງໃຈ ຮູບບໍ່ທ່ຽງໄວ້ເປັນທຶນ
ແລ້ວຈຶ່ງສະແດງຄຸນ ໃຫ້ເຫັນຈິງຕາມທຳນອງ
(ຊ້ຳ)
ນັ້ນແລະຈຶ່ງນັບໄດ້ວ່າສະນອງເຊິງຄຸນຫນາ
ໃຊ້ເຂົ້າທີ່ປ້ອນມາ ແລະນ້ຳນົມທີດື່ມກິນ
(ຊ້ຳ)
ແທນຄຸນປະການອື່ນ
ຮ້ອຍພັນຫມື່ນເປັນອາຈິນ ຢ່າງໃດກໍ່ບໍ່ສິ້ນ
ພຣະຄຸນນັ້ນອະນັນເອີຍ (ຊ້ຳ)
ຄຳຂໍຂະມາ
(ລູກໆ
ທັງຫມົດກ່າວຄຳຂໍຂະມາໂທດນຳຫລັງຂ້າ
ພະເຈົ້າ)

3. ກາຍຍະກັມ, ວະຈີກັມ, ມະໂນກັມ,
ກັມອັນໃດ, ທີລູກໄດ້ລ່ວງເກີນຕໍ່ພໍ່ແລະແມ່,
ທັງຕໍ່ຫນ້າກໍ່ດີ, ຫລັບຫລັງກໍ່ດີ,
ທັງເຈດຕະນາກໍ່ດີ, ບໍ່ໄດ້ເຈດຕະນາກໍ່ດີ,
ຕໍ່ໄປນີ້, ລູກຂໍບວດຕອບແທນຄຸນພໍ່ແລະແມ່,
ຂໍໃຫ້ພໍ່ແລະແມ່, ໂປດອະໂຫສິກັມ,
ແກ່ລູກດ້ວຍເຖີ້ນ...
(ລູກໆ ຂາບພໍ່ແມ່ພ້ອມກັນ 3 ຄັ້ງ)...