1. SEM.BET PROIEKTU EUROPARRA
Testuingurua
Aldaketa sozialak direla medio, belaunaldiak elkarrengandik urruntzen ari dira
eta gainera, espazioa eta bizipenak partekatzeko guneak urriak dira. Beraz,
tokiko komunitate batean pertsona nagusiek belaunaldi berriei memoria soziala
transmititzeko gero eta abagune gutxiago dago.
Memoria sozialak tokiko nortasuna eraikitzean, gizarte kohesioa sustatzean eta
zahartze aktiboko testuinguru batean belaunaldien arteko elkar ulertzean duen
papera arakatzeke eta garatzeke dagoen alorra da.
Helburuak
Proiektuak, pertsona nagusiek iraganeko hamarkadetan bizi izandakoaren
testigantzen bidez memoria soziala berreskuratzea eta partekatzea du
helburu. Era honetan, ondorengo belaunaldien formatzaile bihurtuko dira,
bestela galdu egingo litzatekeen eguneroko bizimoduaren memoria transmitituz.
Banakako memorietatik abiatuz, proiektuan zehar tokiko komunitate baten
memoria soziala eraikiko da, XX. mende erdialdeko hamarkadetan gure
gizarteetan gertaturiko trantsizioa agerian utziko duten hainbat alor ikertuz:
familia, lana, aisia, eskola, maitasuna, genero sistemak, teknologia…
Horrela, zera espero dugu:
• pertsona nagusiek tokiko komunitatean aktiboki parte hartzea lortzea
• pertsona nagusiek, heldu gazteak barne hartzen dituen gizarteko beste
partaideen ikaskuntzan egiten duten ekarpena handitzea
• pertsona helduak bizi diren komunitateaz duten ezagutza eta
esperientzia agerian jartzea eta balioestea
• iraganeko bizimodua eta horrek gure gizartean zein eragin izan duen
hobeki ezagutzea
• belaunaldi arteko eta familiaren baitako ikaskuntza sustatzea eta
belaunaldien arteko hutsunea murriztea
• lekuko nortasuna eta komunitatearen partaide izatearen sentimendua
indartzea.
Lankide Europarrak
FUTURA (Italia)
Adam Mickievicz Universitatea (Polonia)
Kranj-eko Udal Liburutegia (Eslovenia)
Errumaniako Helduen Hezkuntzako Institutua (Errumania)

2. IMPLEMENTAZIOA ORION: EHUN SARE
Proposamena
Ehun sare: Arrantzaren inguruko memoria, herriaren memoria Orion.
Tratamendua
4 tailer, 4 ardatz. 4 jardunaldi iraila-urrian zehar.
Izotza apurtzeko
dinamikak
Sareak ehuntzen:
emakume
arrantzaleen
oroimena
Irteera historikoa
Ahozko
transmisioaren
bidezko
laburmetraia
Kontzeptu nagusiak
Memoria soziala. Ahozko transmisioaren bilakaera. Atsotitzak. Bretxa digitala.
Arrantzaleen historia. Genero ikuspegia. Orioko historia.
Parte hartzaileen ezaugarriak
Pertsona nagusiak: 65-70 urte bitarteko oriotarrak.
Gazteak: 20-40 urte bitarteko oriotarrak.
Kontaktua
“Esperientzia pilotu honetan parte hartu nahi? Oriotarra bazara, 20-40 edo 65-
75 urte bitartekoa eta euskalduna, deitu (943 466 142) edo idatzi
(komunikazioa@aranzadi-zientziak.org) Aranzadi Zientzia Elkartera.”

3. SEMBET proiektua Orion
Orioko historiak arrantzarekin zerikusi estua du, anguleroekin bereziki. Ogibide
zaharra oriotarren memoria pertsonal eta kolektiboaren zati garrantzitsua da,
eta memoria hura babestea ezinbestekoa da komunitatearen nortasuna
eraikitzeko. Honela, memoria intergenerazionala lantzen duen SEMBET
proiektu europarra Orion burutuko da 2014ko irailaren bukaeran.
Pertsona adinduak izango dira ekimen honen protagonistak, lau tailerren
bitartez anguleroen historia, emakumeen garrantzia arrantzan eta gaur egungo
gizartean adinduen eta gazteen arteko harremanak bezalako gaiak jorratuko
direlarik. Tailerrak pertsona nagusiekin (65-75 urte) eta gazteekin (20-40 urte)
burutuko dira.
Nazioarteko izaera
SEMBET proiektu europarra 2013ko urtarrilean abian jarri zen, belaunaldien
arteko komunikazioaren bidez gizarte-memoria berreskuratu eta
elkarbanatzearen helburuarekin. Horretarako, bost herrialdeetako erakundeak
bildu eta metodologia amankomun bat diseinatu zuten, komunitatearen
memoria soziala eraiki eta indartzen lagunduko duena. Adineko pertsonek
ondorengo belaunaldiak hezi eta gidatuko dituzte, bestela galdu egingo
liratekeen eguneroko bizitzako memoriak transmitituz.
Nazio arteko taldea FUTURAk (Italia) koordinatzen du, eta Aranzadi Zientzia
Elkartea, Poznango Adam Mickiewicz Unibertsitatea (Polonia), Adinekoen
Hezkuntzarako Institutua (Errumania) eta Kranjeko Udal Liburutegia (Eslovenia)
ditu partaide. Erakunde hauek guztiek gizarte-memoriarekin lan egiten dute edo
adinekoen hezkuntzarako jarduerak burutzen dituzte.
Webgunea: http://sembet.eu/eu/