1. Aliw-iw NG KUDLONG :PAGDALUMAT SA KATUTUBONG
INSTRUMENTO NG MGA MANDAYA SA DAVAO ORIENTAL
Republic of the Philippines
Department of Education
REGION XI
SCHOOLS DIVISION OF DAVAO ORIENTAL
BAGUMBAYAN AGRO INDUSTRIAL HIGH SCHOOL
Prk. Malipayon Barangay Bagumbayan, Lupon, Davao Oriental
2. Inihanda nina:
Krizzy Jane S. Dulos
Jan Michael E. Mangmang
Kyla G. Liva
Raul S. Duran
Icis Billy L. Gudes
Railly Anthony Solis
Lovely Joy Fernandez
Ronie Saganay
Ipinasa kay:
Gng. Alona R. Geonzon
Guro
3. Rasyunal
●Ang mga instrumentong pangmusika, instrumentong musikal, kagamitang
pangtugtog, o kasangkapang panugtog ay mga kagamitan o kasangkapang
ginagamit o tinugtog upang makalikha ng musika o tugtugin. Maaaring
ituring bilang kagamitang pangtugtugin o kasangkapang pangtugtugin ang
alinmang bagay na nakagagawa ng tunog, subalit pangkalahatang
nangangahulugan ang parirala na mga bagay na espesipiko, partikular, o
tiyakang gumagawa ng musika. Maipepetsa ang kasaysayan ng mga
pangmusikang instrumento mula sa mga simulain ng kalinangan ng tao.
Tinatawag na organolohiya ang akademikong pag-aaral ng mga
instrumentong musikal (Waykurat 2015)
4. ●Karamihan sa mga instrumento ay maingat na itinayo kasabay ng mga
paniniwala at pagpapahalaga ng komunidad kung saan ito tinutugtog. Ang
kanilang mga tunog ay nagreresulta mula sa maingat na pagpili ng mga
gumagawa at tagapalabas ng instrumento ng mga materyales na acoustically
resonant at aesthetically pleasing (Jennifer C. 2013)
●Ang Kudlong ay isang “two-stringed lute” na hugis bangka na may kahoy na
humihigpit na mga tungkod at “fret” na gawa sa pagkit (beeswax). Ang isang
string (lubid) ay gumaganap ng isang drone (isang tuluy-tuloy na tala ng
musikal na mababa ang tono) at ang iba pang string ay tumutugtog ng isang
himig.
5. ●Ang Kudlong ay matatagpuan sa mga katutubong pangkat sa timog – ang
Tiboli, Bilaan, Manobo, Ata, Bagobo, Mansaka, and Mandaya.Ang katawan ay
inukit din upang kumatawan sa isang gawa-gawa na hayop na may dalawang
ulo ng alinman sa naga (o ahas) o buwaya o ang sarimanok.
●Kabilang sa mga taga Ata sa Timog Mindanao, ang long-neck (mahaba ang
leeg) na kudlung ay karaniwang nilalaro ng isang lalaki na sumasayaw gamit
ang instrumento habang sinusunod ang mga yapak ng paa ng isang babaeng
naglalaro at sumasayaw kasama ang isang polycordal zither na tinatawag na
saluray. (Gracemary, 2021)
●Ang katutubong Mandaya ay isa sa mga pinakatanyag na grupo ng mga taong
matatagpuan sa buong Davao Oriental at Davao del Norte. Nagmula ang
katagang Mandaya sa salitang “man” (tao) at “daya” (itaas na bahagi ng ilog)
kayatinatawag itong Inhabitants of the Uplands singles (Reyes, 2020).
6. ●Sa probinsiya ng Davao Oriental, ang Sitio Sangab, Caraga Davao Oriental
lamang ang nagpapanatili at patuloy na napreserba ng katutubong kultura ng
Mandaya.Sa katunayan, sila ay naparangalan ng Certificate of Ancestral Domain
Title-01 (CADT-01) bilang pagkilala na isa sa mga namumukod-tanging
mayamang kulturang IP na komunidad sa Southern Mindanao na nagtagumpay
sa pagsubok ng panahon(Deloso, 2018).
●Bilang pagtugon sa mandato ng national Commision for Culture and
Arts(NCAA) na mapreserba, mapayabong at mapangalagaan ang mga kultura
kaya nabuo ang pananaliksik na ito. Ito rin ay pinagtibay ng Republic Act No.
10066 o National Cultural heritage Act of 2009 na layon ay mapanatili at
mapangalagaan ang isang kultura.
7. ●Bagamat may mga pag -aaral na ukol sa instrumento ng mga Mandaya pero
wala pang pag-aaral tungkol sa simbolismo at kahalagahan ng instrumentong
ginagamit ng tribung Mandaya. Ang pananaliksik ay naglalayon na
makakalap ng impormasyon tungkol sa mga simbolismo at kahalagahan nito.
8. Mga Layunin ng Pag-aaral
Layunin ng etnograpikong pag aaral na ito ay masuri ang mga simbolo
at kahalagahan sa pagamit ng instrumentong kudlong sa tribu ng mga
Mandaya ng Davao Oriental.
Nais malaman ng mananaliksik ang kahalagahan at pamamaraan ng
paggamit ng katutubong instumentong kudlong ng tribong Mandaya. Kasama
na rito ang mga simbolismo at representasyon na nakapaloob sa disenyo ng
mga instrumentong kudlong. Nilalayon din ang pananaliksik na ito na
malaman kung paano napapanatili ang pagamit ng kudlong sa Tribong
Mandaya.
9. Mga tiyak na layunin
1. Sa paanong pamamaraan ginagamit ang instrumentong kudlong sa tribu
ng mga Mandaya?
2. Ano ang kahalagahan ng kudlong sa tribo ng mga Mandaya?
Metotodlohiya
Ginamit sa pananaliksik na ito ang kwalitatibong disenyo na
gumagamit ng etnograpiyang sa dulog sa pagsusuri. Ang kwalitatibong
pananaliksik ay ayon sa paglalarawan ng mga obserbasyon. Ito ay
kinapapalooban ng pag-unawa sa katangian ng isang indibidwal o pangkat sa
isang panlipunang suliranin. Ito ay kinabibilangan din ng proseso ng
pagtatanong at proseso sa paglilikom ng mga datos sa konteksto ng mga
partisipante (Creswell, 2014). representasyon ng intrumento ng Tribong
Mandaya upang mapanatili at mapreserba ang kanilang kultura.
10. Kahalagahan ng Pananaliksik
Ang pananaliksik na ito ay magsisilbing gabay at makakatulong sa
mgasumusunod:
Sa mga mag-aaral - makatutulong ang pananaliksik na ito upang lalong
mapalawak ang kanilang mga kaalaman tungkol sa simbolismo at kahalagahan
sa pagamit ng katutubong instrumento ng Mandaya. Ito ay nagsisilbing gabay
upang magkaroon ng kabatiran sa tamang paggamit ng instrumentong kudlong
ng mga Mandaya.
Sa komunidad ng IP-mahalaga ang pag-aaral na ito upang mamulat lalong lalo
na ang mga kabataang Mandaya sa hamon ng pagpapanatili ng katutubong
instrumento.Ito ay maari ding maging batayan upang makakuha ng mga ideya at
konsepto ukol sa pagpapanatili ng kanilang mga katutubong instrumento ng
mga Mandaya.
11. Sa mga guro – magkakaroon sila ng kaalaman tungkol sa kultura ng Tribong
Mandaya na maaaring makatulong sa kanilang pagtuturo ng kultura.
Sa kagawaran ng Edukasyon - ang pag -aaral na ito ay magsisilbing lundayan
upang makapagsagawa ng angkop at wastong mga pang-akademikong
kaalaman na nagpapanatili ng mga katutubong kulturan at paigtingin pa ang
pagtuturo ng asignaturang Komunikasyon sa Wika at kulturang Pilipino maging
sa Pagbasa at Pagsusuri ng iba’t – ibang teksto Tungo sa
Pananaliksik,kontekstuwalisasyon at lokalisasyon na pagkatuto.Maaaring
makahikayat ang pananaliksik na ito sa halip nag awing pamantayan at
lundayan na sakop ng Sangay ng Davao Oriental.
Sa mga mananaliksik - ang pag-aaral na ito ay nagsisilbing patnubay sa mga
gagawin pang susunod na mga pag-aaral ukol sa katutubong instrumentong
kudlong ng Tribong Mandaya.Ang magiging resulta rin ng pag-aaral na ito, ang
maging batayan ng mga mananaliksik na nais magsagawa pa ng mga pag-aaral
ukol dito.
12. Mga inaasahang bunga
Pagkatapos ng pananaliksik na ito na makapagbibigay ng malawak na
impormasyon tungkol sa kultura ng Mandaya partikular sa kanilang
katutubong instrumento na kudlong. Inaasahan din na ibahagi ang resulta ng
pananliksik na ito sa iba pang komunidad ng IP upang magkaroon ng
kabatiran lalong lalo na ang mga bagong henerasyon ng mga katutubong
Mandaya sa pagpapanatili ng kanilang kultura.Sa pamamagitan ng
pananaliksik na ito mas magkakaroon ng kamalayan ang mga tao tungkol sa
kulturang Mandaya at malaman ng susunod pang mga henerasyon upang
mapapanatili at mapreserba ang kultura nito.
