1. “ OROSCOPO VENETO” SERCA EL TO SEGNO ASTROLOGICO E BON DIVERTIMENTO !!!

2. Renga (ARIETE) dal 21 Marso al 20 April Pianta: Carota selvatica Posto fortunà: Burundi Color: Salmone Descrission: Ti xe na persona che ga bisogno de assion: ti ga sempre voia de moearte, de far e de organizar; te piase esser indipendente e te dà fastidio se i te comanda. Rabioso, te piase dominar in situasson diffisii e ti ga un saco de iniziative ... ma continela tutta ... no ti sei miga bon de portar a termine proprio tutto quel che ti cominci! Ti dovaresi terminar quee prima piutosto che scominsiarghene altre dusento! Ti vol far sempre tutto in furia e ti xe anca un pocheto egoista. In più te manca anca quel sciantin de tatto che in certe situassioni el servaria: ma no xe colpa tua, el fato xe che no ti te inacorzi miga. Ti godi spesso de bona salute ma anche se ti ga energia da venderghene ti pol soffrir par i to eccessi. Bevi de manco !.

3. Tricheco (TORO) dal 21 April al 20 Magio Pianta: Geranio Posto fortunà: Polo Nord Color: Sedano Descrission: Ti xe reaista, tenace, testardo e possessivo. Un pochetin Spacca bae a dirla tutta. Ti xe ancha lento e ti tendi a eser pigro ma ti ga anca passiensa a vada e vegnia, e prima de far calcossa ti ghe pensi sempre do volte. Ti podaressi anca pensar de manco che te faria soeo che ben. Ti ga un spicato senso de l'economia e el dono de saver usar i schei co parsimonia. Se i te fa dei complimenti no ti te assi abbindolar facilmente parchè ti xe ‘ na persona semplice e conservatrice. Te piase impuntarte quando ti pensi de aver ragion, ti ga ‘na bona memoria, par questo quando ti perdi calcossa ti ea trovi subito. Ti ga un gran magnetismo nei confronti del sesso oposto, attension a no starghe masa tacà che ti podaressi stufar.

4. Gnu Striato (GEMELLI) dal 21 Magio al 21 Giugno Pianta: Camomia Posto fortunà: Sotoscala Color: Blu azteco Descrission: Te piase meter el naso dapartuto, te piase saver tante robe ma a dirla tutta ti xe un pochetin superficiae e no ti va mai a fondo in queo che ti sà. Ciacoeon, ti parli un casin, ti ga ‘na bona diaetica che spesso te salva e ea te da ‘na man a mascherar quel che no ti xe bon far. Ti xe intuitivo e rapido nel rivarghe, ma spesso ti xe impaziente de conoser tutto e in furia. Fate i cavoli tui qualche volta! Se ti xe dona mejo par ti, se ti xe omo... ti xe come na dona parchè ti riessi a far e organizzar tante robe in un colpo solo. Te piase sogar con ea setimana enigmistica ma anca star fora e sogar a balon. Ti soffri masa de nervosismo: sta tranquio !!!.

5. Tachin (CANCRO) dal 22 Giugno al 22 Lujo Pianta: Fior di Cuculo Posto fortunà: Engazzà (intraducibile dal padovano) Color: Maron Descrission: Ti xe sensibie e na persona emotiva. te piase dove che ti xe nato, dove che ti vivi e ti si tacà a e to raise e a ea to fameja. Ti xe un fiantin capriccioso, volubile e spesso mainconico parchè ti parli sempre del to passato e de ea to fameja. Te gavaressi anca na bona memoria ma ti podaressi anca cambiar discorso qualche volta! Ti xe ambissioso ma mai sfrontat. Bravo a tegnirlo par ti. Siccome ti xe un segno de acqua, ti gà bisogno de moverte parchè ti gà massa retension. Bevi “Rocheta” e moighea con e birre.

6. Leon (LEONE) dal 23 Luglio al 22 Agosto Pianta: Carnivora Posto fortunà: Kirghizistan Color: Blu carta da sucaro Descrission: El to ego el xe un pochetin massa pronuncià, te piase star al centro de l'attenssione ma ti gà da pensar che no ti esiti miga solo che ti ! Ti xe orgoglioso e te piasaria esser el mejo in ogni circostanza ... pecà però che no podarà mai esser come ti vol ti. E sta attento quando i te fa i complimenti che ti te ea godi masa. No sta creder a tutto quel che i te dise. Te piase comandar e organizzar. Ti tendi sempre a dar ai altri el lavoro manco importante. Sicome el to segno el governa el cuor, ti podaressi esser fortunà in amor ma anca soffrir de disturbi cardiaci quando ti sarà veccio. Caro mio, no se pol miga aver tutto !!!.

7. Volpin (VERGINE) dal 23 Agosto al 22 Setembre Pianta: Rosa canina Posto fortunà: A&O Color: Verde Descrission: Ti xe ‘na persona altruista, cosciensiosa e te piase far el to lavoro con precision anca se questo el xe complicà e pien de ostacoli. Ti xe cussì in grado de portar a termine tute e attività che i te assegna parchè te piase che tutto sia perfeto. Ti podaressi moderar però ea to critica che ea xe eccessiva e la irrita parecchio. No i pol miga esser tutti perfezionisti come de ti. Correto verso l'altro sesso, no ti xe un cacciator nato, ma ti pensi e ti vaiuti tanto prima de decider cossa far. Moite fora un fiantin, te faria solo che ben. Dominà da mercurio ti xe anca nervoseto e ti accusi problemi a ea digestion. Ti gà da finirla de ‘ndar a magnar al “MEC”.

8. Bogon (BILANCIA) dal 23 Setembre al 23 Otobre Pianta: Camomilla Posto fortunà: Moldavia Color: Terra di Siena bruciata Descrission: Ti gà sviuppà un gran senso de l'estetica e ti ricerchi sempre l'equilibrio in tante robe: l'arte della diplomazia ea te xe innata. Coi putei ti xe simpatico, piacevoe, ti serchi sempre de agir corettamente e de no aver pregiudissi. Te piase ea compagnia e ti fa de tuto par scampar da un eventuae isolamento. Se ti xe dona ti xe bea, elegante e rafinada, se ti xe omo te piase sercar un amore stabie e sicuro. Te piase anca i schei e el sucesso ma chiaramente no ti pol miga esser tutto beo ti e schifo chealtri, infatti se ti gà qualche disturbo, el xe de natura psicosomatica e ai reni. Tiè !.

9. Simeso (SCORPIONE) dal 24 Otobre al 21 Novembre Pianta: Ortiga Posto fortunà: Oceano pacifico Color: Ceruleo Descrission: Ti gà un caratere alquanto complesso. Ti xe dominà da profondi impulsi emotivi, ti xe pien de risorse e ti gà un gran magnetismo fisico. Ti xe ‘na persona passionale e el to segno el xe sicuramente el più sensuale del zodiaco. El to pianeta dominante el xe marte. Te mancaria un pochetin de tatto infatti spesso capita che ti offendi qualcheduni e dopo ti te sorprendi de averlo fatto. Va ben che ti eo fà par autodifesa ma serca de limitar l'acidità che te fa solo che ben. Ti xe a ea ricerca del modello de vita: un principio par cui viver o ‘na struttura de vita da seguir. Par questa motivassion ti xe integro, no ti acceti compromessi e ti xe un gran individualista.

10. Somaro (SAGITTARIO) dal 22 Novembre al 21 Dicembre Pianta: Crisantemo Posto fortunà: Rep. Pop. Dem. del Laos Color: Grigio nebia Descrission: Esuberante, otimista, pien de vita e de fiducia e ti disi e robe in facia: queste e xe e carateristiche fondamentali de sto segno. Ghe piase far sport e viaggiar e aver soprattutto ‘na vita avventurosa, par questo motivo i nati de sto segno i xe destinai a sposarse più de na volta oppure i vol restar da soli par far tutto senza nissuni tra i pie. Dotà de na grande intuisson, el xe attirà e interessà a tute e materie fiosofiche e de reigion: robe che pol espander ea conoscenza, che ghe piase. Generalmente sta sempre ben ma i punti deboli i xe e anche e el fegato, de conseguensa gavè da ridur i alcoici e far poco l'ulaop che no ve fa miga ben a e anche.

11. Cocker spaniel inglese (CAPRICORNO) dal 22 Dicembre al 19 Genàr Pianta: Pratolina Posto fortunà: Poian Color: Senape Descrission: Ti xe responsabie, affidabie e riservato: ti preferissi tegnirte par ti i to problemi e all'inissio no ti fa na gran impression...ti xe inavvicinabile. Ti xe ambissioso e ti gà tanta pazienza, par questo par raggiungier e mete prefissae te gà el corajo de percorrer cammini abastansa longhi ; te piasaria rivar al vertice sociae ma ti sà ancha come lavorarghe su, conossendo e persone giuste che te pol aiutar in queo che ti vol. No te piase miga l'esibissionismo massa accentuà, ti xe uno che lavora tanto e te piase creder in calcossa de superiore ... Parchè ‘na volta raggiunto el traguardo, se no ghe xe altri a chi domandarghe, ti necessiti de introspession. A volte ti pararessi massa testardo ma el xe solo parchè ti perserveri nei to obietivi. Te governa Saturno e sicome el xe anca el pianeta de i ossi, i nativi de sto segno i pol soffrir de dolori, reumatismi e artrosi. De solito el to fisico el se irrobustisse col passar dei ani, no sta preoccuparte quindi se ti xe ancora giovane e magreto. Ghe xe tempo par tutto.

12. Anara (ACQUARIO) dal 20 Genaio al 18 Febraio Pianta: Bruscandolo Posto fortunà: Giarela Color: Vermiglione Descrission: Ti xe ‘na persona anticonvensionale, originae e te piase far e robe da par ti solo. Ti capissi i problemi altrui pur rimanendo distaccà. Bravo, in un certo senso ti xe bon de farte i afari tui. Dominà da Urano, ti xe ‘na persona che ga bisogno de ibertà e de indipendensa e ti riessi sempre a risolver al mejo i rapporti basai su l'amicissia. Xe complicà se invesse parlemo de amor. Ti senti el bisogno de averghene tanti de amighi ma ti xe anca bon de star da parte quando no i te vol. Come tutti i segni de aria ti xe alquanto intellettuale, e profondo: ti credi nei cambiamenti e te piase lotar par affermar le to idee o anca par el ben della coettività. Riassite che no ti xe miga Batman !. Ti xe avanti e no te dispiase e ti accetti volentieri e innovassion, e ti godì de bona sajute. Forse qualche problemin nea circolassion de le gambe.

13. Pecora (PESCI) dal 19 Febrar al 20 Marso Pianta: Grassa Posto fortunà: Stati Federati di Micronesia Color: Fucsia Descrission: Ti xe na persona molto sensibie ed emotiva. Forse un fià massa influenasabile da i to amighi e dal to ambiente, sia in ben che in mal. Siccome ti xe comprensivo e ti credi che tutti i sia boni come de ti, ti xe predisposto alla dedission e al sacrificio verso el prossimo. Amor … svegite parchè al mondo de gente cativa ghe né !!!. No tiu xe competitivo, te piase e materie artistiche parchè te gà un potensiae creativo piutosto alto. Ti xe anca intuitivo. Vulnerabile, ti pecchi de meccanismi de autodifesa e ti xe anca emotivamente instabile. Per questo ti soffri oltre che de disturbi ai piè, de malesseri coegai all'emotività. Ti podaressi farte dar el numero de qualche psicoanalista.