1. EU SON SUSO BAHAMONDE
Son poeta e narrador e participei en recitais
poéticos nos anos 90 como membro do Batallón
Literario da Costa da Morte e da Asociación
Cultura de Bar, entre outras. Nos últimos
tempos colaboro cos meus textos poéticos con
grupos musicais da Costa en concertos e
presentacións. Escribín moitos poemas para
libros colectivos e tamén dous libros de
poemas, Óxido nas flores da tarde e Expansión.
Agora ando a dar voltas para publicar o meu
primeiro libro de relatos.

2. EU SON MARÍA LADO
Son poetisa e narradora, actriz, filóloga,
productora audiovisual, guionista de radio, e
traductora, entre outras cousas. Comecei no
Batallón Literario da Costa da Morte nos anos
90 e dende entón participei como narradora e
como poetisa en varios libros colectivos,
revistas e xornais e publiquei os meus propios
poemarios: A primeira visión, Casa atlántica,
casa cabaret, Nove, Berlín... Dende hai uns
anos Lucía Aldao e máis eu facemos un
espectáculo inclasificable de poesía, música e
humor que chamamos "Aldaolado".

3. EU SON MIRO VILLAR
Son profesor de lingua e literatura galegas
ademais de poeta, narrador, tradutor e crítico
literario. Fun membro do Batallón Literario da
Costa da Morte e colaboro con varias editorias,
revistas e xornais. Teño publicado un bo
número de libros de poesía, narrativa e ensaio
e déronme varios premios. Algús dos meus
libros de poemas son Ausencias pretéritas, 42
décimas de febre, Equinoccio de primavera e
As crebas.

4. EU SON RAFA VILLAR
Estudei Filoloxía Galega e traballo no servizo de
normalización lingüística da Confederación
Intersindical Galega. Dende que estaba no
Batallón Literario da Costa da Morte ata agora
publiquei máis dunha ducia de libros de poesía
e participei en moitas colectivas. Os nomes
dalgús dos meus poemarios son O tributo da
tarde, No ventre da balea ou Memoria de Ahab.

5. EU SON ESTEVO CREUS
Fun un dos fundadores do Batallón Literario da
Costa da Morte e do grupo de teatro Talía de
Cee. Son psicólogo de formación e profesión,
pero tamén son poeta, e por iso me presento
aquí. Recoméndovos os meus libros Areados,
Teoría do lugar e Decrúa, pois os tres levaron
premios literarios.

6. EU SON DAVID CREUS
Son de Cee, da Costa da Morte. Son profesor
de Educación Plástica e Visual e ademáis fago
moitas outras cousas: son poeta, artísta
plástico, ilustrador, actor de teatro e
montañeiro. Teño publicado dous libros de
Poesía: Palabras para un parque hidráulico
(editorial TresCtres) e Facer Merzbau non ou
posible (Nonouedicións, xunto co meu irmán
Estevo), e teño outros que permanecen
inéditos. Formei parte do Batallón Literario da
Costa da Morte e na actualidade comparto
inquedanzas co meu irmán Estevo baixo unha
estrutura que denominamos
"NONOUEDICIÓNS".