2. Ալպիական մանուշակի` այդ հիսքանչ ծաղկող բույսի
ժողովրդականությունը տարեցտարի աճում է: Տնային
պայմաններում աճեցնում են երկու տեսակ` պարսկական
ալպիական մանուշակ և եվրոպական :
Երկու տեսակն էլ գրավիչ են իրենց հիանալի յուրօրինակ
ծաղիկներով: Պարսկական ալպյան մանուշակը ծաղկում է
ձմռանը: Ա. մանուշակը բազմայա բույս է, այն ձևավորում է
պալարասոխուկ: Պալարները տափակակլորավուն ձևի են
15սմ տրամագծով: Պալարը աճի միայն մի կետ ունի և նրա
վնասվելը բույսի մահվան պատճառ է դառնում:
Ա.մանուշակի պայծառ գույները ուժեղ արևներ են` այդ
ծաղիկներում ապրում է արևի լույսը:

3. Այս բույսը օգտակար է պահել տանը , որտեղ ապրում են
զգացմունքային մարդիկ, ընկճվող, փոփոխական
բնավորությամբ, որոնց տրամադրությունը կախված է
շրջապատի կարծիքից: Ա.մանուշակի արևային ծաղիկները
ազատագրում են փակված էներգիան: Շնորհիվ ա.մանուշակի
տանը ստեղծվում է ազատ մթնոլորտ, ցանկություն է
առաջանում միմյանց համար որևէ հաճելի բան անել:
Արմատին կից, մուգ կանաչավուն կաշվատիպ սրտանման
տերևները տեղավորված են մինչև 30սմ երկարության
ցողուններին և ունեն դեկորատիվ մոխրա-արծաթավուն նախշ:

4. Շատ յուրատեսակ ծաղիկներ են.սրացած, ետ թեքված, երբեմն
բախրամայի նմանվող թերթիկներով, կարծես էկզոտիկ
թիթեռների երամ է պտտվում բույսի շուրջը: Գույների
տեսականին շատ լայն է. ստեղծվել է ձյունասպիտակ ծաղկի
հիբրիդ, վարդագույնի երանգներից մինչև մուգ կարմիր, բորդո
և մանուշակագույն: Ծաղկելը տևում է երկար`մինչև 3,5 ամիս:
Կախված տեսակից, տնային պայմաններում ծաղկելը սկսում է
հոկտեմբերի կեսերից մինչև մարտի վերջը: Շատ հաճախ
ալպյան մանուշակի մասին ասում են, որ նա շատ
քմահաճ բույս է: Իրականաում այն պահանջկոտ չէ և այն
բոլոր պահանջները, որ նա ներկայացնում է, դյուրին է
բավարարել:

5. Ծաղկման շրջանում ա.մանուշակի համար
անհրաժեշտ է լուսավոր, բայց ոչ արևոտ, զով սենյակ:
Օպտիմալ ջերմաստիճանը ձմռանը 10 – 14 աստիճան
է: Ավելի բարձր ջերմաստիճանը կարող է վատ ազդել
բույսի վրա: Բարձր ջերմաստիճանի դեպքում
ա.մանուշակին պետք է ցողել ջրով ամեն օր, բայց որ
ջուրը չկաթի պալարասոխուկի բողբոջային մասի և
ծաղիկների վրա :

6. Լուսավորությունը: Ծաղկող ա.մանուշակը լուսասեր է, բայց
նրան հարկավոր է պաշտպանել արևի ուղիղ ճառագայթներից
(եթե ծաղկումը ուշացել է):
Ջրելը: Ա.մանուշակը ջրում են հավասարաչափ, չթողնել հողը
շատ չորանա կամ շատ ջուր մնա թաղարում: Ջրել
միայն փափուկ, տան ջերմաստիճանի ջրով (ջուրը չպիտի
կաթի պալարասոխուկի բողբոջային մասի վրա): Թոռոմած
ծաղիկները կամ դեղնած տերևները չի կարելի կտրել դանակով
կամ մկրատով, այլ «պտտեցնելով» զգուշորեն պոկել`
փորձելով չվնասել աճման տարածքը: Ուշ գարնանը` ծաղկման
շրջանի ավարտից հետո, գալիս է հանգստի շրջանը:

7. Հունիսին պալարը մերկանում է: Սովորաբար տերևների
դեղնելը սկսելուն պես ջրելը զգալի պակասեցնում են, ջրում են
հազվադեպ `չթողնելով հողը շատ չորանա: Ա. մանուշակի
արմատները չեն մահանում, նրանք կենսունակ են: Թաղարը
հանգստի ընթացքում դնում են ստվերոտ տեղ: Երբ սկսում են
հայտնվել երիտասարդ տերևները, սովորաբար դա հունիս-
օգոստոսն է, ա.մանուշակը տեղափոխում են նոր հողային
խառնուրդի մեջ: Տեղափոխումից հետո բույսը նորից դրվում է
լուսավոր տեղ:

8. Ուշադրություն դարձրեք, որ տեղափոխման ժամանակ
պալարները խորը չթաղվեն հողի մեջ, մեկ երրորդը, նույնիսկ
կեսը պետք է մնա հողի մակերեսին, դա բարենպաստ է
անդադառնում բույսի հետագա ծաղկմանը: Բույսի թաղարը
հարկավոր է ընտրել` հաշվի առնելով պալարասոխուկի
չափսերը: Ա. մանուշակը չի սիրում մեծ թաղարներ, նրան այդ
թաղարներում վատ են ծաղկում և սկսում են փտել: Դրա
համար փոքր պալարասոխուկի համար ( 1 – 1,5տարի) պետք
է ընտրել 7 – 8 սմ տրամագծով թաղարը, իսկ 2 – 3
տարեկանի համար` 14 – 15 սմ տրամագծով: Հողի և սոխուկի
միջև ընկած տարածությունը պետք է լինի ոչ ավել 2 – 3 սմ-ից:
Դա շատ կարևոր է ա. մանուշակ աճեցնելու համար: Հիշեք, որ
սոխուկի ներքևի արմատների վրայի հողի շերտը չի կարելի
քանդել, լավ կլինի բույսը տեղափոխել այդ հողագնդով:

9. Տեղափոխումից մեկ ամիս անց ա.մանուշակը կարելի
է պարարտացնել: Լավ կլինի
օգտագործել պատրաստի թույլ հեղուկային
խառնուրդ: Պարարտացնում են ամիսը մեկ մինչև
ծաղկման վերջը:
Անհրաժեշտ ռեժիմի և կանոնների պահպանման
դեպքում ա. մանուշակները կարող են ամեն տարի
տալ մի քանի տասնյակ ծաղիկներ 20 – 25 տարի
շարունակ:

10. Հնարավոր խնդիրները.
1Դեղնող տերևներ, ամուր և առողջ ծաղիկներ. Պատճառը`
ամենահավանականը տաք չոր օդն է : Ա. մանուշակը վատ է տանում 17
աստիճանից բարձր ջերմաստիճանը: Այլ պատճառներից կարող են լինել ոչ
բավականաչափ ջրելը կամ չափից դուրս պայծառ արևը:
2Բույսի վախճանը, ծաղկաբերները և տերևները փափուկ են ու փտում
են. Պատճառը չափից ավելի թաց հողն է, հատկապես, երբ ջուր է ընկնում
պալարի վերին մասին: Երբեք մի ջուր մի լցրեք պալարի վերին աճման
մասի վրա:
3Ծաղկման կարճ շրջան. Պատճառները տարբեր են: Ամենահավանականը
շատ բարձր ջերմաստիճանն է, սխալ ջրելը և չոր օդը: Պարբերաբար
պարարտացրեք աճի և ծաղկման շրջանում :
4Դեֆորմացված և փոքր տերևներ. Պառճառը ա. մանուշակի տիզն է և
փտումը: Վնասատուների հայտնվելուն պես, անհրաժեշտե ամեն շաբաթ
տերևները լվանալ ինսեկտիցիդի օճառով (կարելի է օգտագործել
կենդանիների օճառ): Լրացուցիչ կարելի ցողել ցանկացած ինսեկտիցիդային
պրեպարատով, բնակարանում ավելի լավ է օգտագործել «Ֆիտովերմ» կամ
«Ագրավերտոն» , քանի որ այն հոտ չունի: