2. Եվրոպական Խլուրդ
Արտաքին տեսքով սա սովորական խլուրդ է: Մարմնի երկարությունը 12-16
սմ, պոչի երկարությունը 2-4 սմ, զանգվածը՝ 70-119 գրամ: Աչքերը փոքր են,
բայց արտաքին տեսանելի, քանի որ աչքի ներքևում մաշկի մեջ կա նեղ ճեղք
0,5-1 մմ։ Բուրդը թավշյա է, մորթու գույնը սև է, մարմնի ներքևի հատվածը
ավելի բաց է:
3. Խլուրդն անտառների և գետերի հովիտների տիպիկ բնակիչ է: Զբաղեցնում է
զանազան ապրելավայրեր. անտառի եզրեր, մարգագետիններ, դաշտեր,
այգիներ: Խլուրդը սնվում է հողում բնակվող անողնաշարավորներով, որոնց
շարքում գերակշռում են անձրևաորդեր: Քիչ քանակությամբ նաև ուտում
է միջատներ: Խլուրդը նաև կարող է ուտել փոքր ողնաշարավոր
(մուկ, մողես, գորտ), եթե այն անշարժ է:
4. Խլուրդներն օգուտ են բերում՝ վերացնելով վնասակար միջատներին և փոխելով հողի
կառուցվածքը. հարստացնելով օրգանական նյութերով: Շատ տարիներ հողը փորելով՝
խլուրդները հանգեցնում են հողի բարելավմանը. ավելցուկային խոնավությունն
անցնում է հողի ավելի ստորերկրյա շերտեր: Միևնույն ժամանակ խլուրդը համարվում է
վնասատու գյուղատնտեսության և այգեգործության համար: Անցումներ փորելով՝ նա
վնասում է բույսերի արմատները, այդպիսով խախտում նրանց նորմալ սնուցումը։
5. Հայտնի է 4 ենթաընտանիք, 17 ցեղ և մոտ 40 տեսակ, որից սևծովյան
խլուրդները (լատ․՝ Talpa orientalis) տարածված են նաև Հայաստանի Տաշիրի,
Ստեփանավանի, Վանաջորի, Դիլիջանի, Շամշադինի, Ալավերդու և Սևանի
շրջաններում։