Ito ay isang dokumento na nagsusuri sa pagbabagong dulot ng pananampalataya kay Cristo, na nagtatampok ng mahahalagang talata mula sa Bibliya. Itinuturo na ang kaligtasang natamo sa pamamagitan ni Cristo ay hindi lamang nagpapatawad sa mga kasalanan kundi nagsisilbing tahanan ng Banal na Espiritu sa mga mananampalataya. Ang tunay na pananampalataya ay nagdadala ng pagbabago sa buhay ng tao, na nagsisilbing patunay na si Cristo ay tunay na nananahan sa kanya.

1. Lesson 3- Pre-Encounter
Tahanan ng Diyos sa Lupa
2Co 5:17 Kaya't kung ang sinoman ay na kay Cristo, siya'y bagong nilalang: ang mga
dating bagay ay nagsilipas na; narito, sila'y pawang naging mga bago.
1Jn 3:24 At ang tumutupad ng kaniyang mga utos ay mananahan sa kaniya, at siya ay sa
kaniya. At dito'y nakikilala natin na siya'y nananahan sa atin, sa pamamagitan ng
Espiritu na kaniyang ibinigay sa atin.
Gal 2:20 Ako'y napako sa krus na kasama ni Cristo; at hindi na ako ang nabubuhay, kundi
si Cristo ang nabubuhay sa akin: at ang buhay na ikinabubuhay ko ngayon sa laman ay
ikinabubuhay ko sa pananampalataya, ang pananampalataya na ito'y sa Anak ng Dios,
na sa akin ay umibig, at ibinigay ang kaniyang sarili dahil sa akin.
May isang batang babae na may suot na isang magandang kwintas na napalalawitan ng isang
kumikinang na krus. Isang araw nilapitan siya ng isang lalaki at sinabi, “Ineng hindi mo ba
alam na ang krus kung saan namatay si Hesus ay pangit at yari sa kahoy at hindi katulad ng
krus na nakasuot sa iyo.” Sumagot kaagad ang bata at sinabi, “Alam kopo, pero itinuro po sa
amin sa Sunday School na lahat na mahawakan ni Kristo ay nababago.”
Hindi ba ito isang napakagandang ilustrasyon ng isang dakilang katotohanan tungkol sa krus ni
Kristo.Kahit sinong tao na humawak at magtiwala sa ginawa ni Hesus sa krus at tinanggap Siya bilang
Panginoon at Tagapagligtas ay nagkakaroon ng isang dakilang pagbabago sa kanyang buhay. Ang
pagbabagong ito ang siyang katunayan na si Kristo ay nagging isang mahalagang bahagi ng kanyang
buhay. Maliwanag na itinuro ni apostol Pablo sa mga mananampalataya sa Corinto ang katotohanang ito
sa2Cor 5:17, “Kaya't kung ang sinoman ay na kay Cristo, siya'y bagong nilalang: ang mga
dating bagay ay nagsilipas na; narito, sila'y pawang naging mga bago.”
Layunin:
1. Malaman na matapos maligtas ang isang tao sa pamamagitan ni Hesus, ang Banal na Spirito ay
pamasok sa kanya. Matapos na si Kristo ay nabuhay mula sa patay at umakyat sa langit, pinababa ng
Diyos ang Banal na Spirito upang tumira sa puso ng lahat na naligtas upang Siyang magturo at
pumatnubay sa kanila.
2. Palakasin ang bawat isa sa katotohanan na nagbigay ang Diyos ng dakilang kapangyarihan upang
magawa ang lahat ng bagay.
3. Turuan ang mga alagad na kasama natin ang Banal na Spirito, kailangang tayo’y pailalim sa Kanya
upang tayo ay makapamuhay na may kabanalan at malubos ang biyaya ng Diyos sa atin.

2. Ang realidad na ito ang naghihiwalay sa mga tinatawag na “professing Christians at possessing
Christians.” Lagi tayong nakatatagpo ng mga nagsasabing sila’y silay sumasampalataya kay Kristo subalit
wala ka namang mapapansin ng kahit anong pagbabago sa kan yang pananalita at pagkatao. Wala silang
pagkakaiba sa mga hindi mananampalataya sa isip, salita at sa gawa, dahil hindi naman sila talaga
nagtataglay ng Kristo sa kanilang buhay. Maging maliwanag ito sa atin, hindi lahat na nagsasabi na sila ay
Kristiano at sumasampalataya kay Kristo ay ligtas.
1. Ano ang naghihiwalay sa mga tao na tunay na ligtas doon sa mga tao nagpapahayag lamang
na ay Kristiano subalit wala naman si Kristo sa kanilang puso?
______________________________________________________________________________
______________________________________________________________________________
Isang napakalaking pakinabang na ating malaman na ang kaligtasang mula kay Kristo ay ang
katotohanang tayo ay naging permanenteng tahanan ni Kristo dito sa lupa sa pamamagitan ng Banal na
Spirito. Sa maraming mga tao ang kaligtasan ay kapatawaran ng kasalanan at pagpasok sa langit. Kung
pagbubulayan natin ang doktrinang ito, marami pa ang kasama nito. Itinuro din ng Diyos naang
katiyakan ng ating kaligtasan ay nakatutulong upang magtagumpay sa pagharap sa ating pang araw-
araw na pakikibaka sa ating buhay. Ito ang kapakinabangan ng pagtira ni Kristo sa ating mga buhay.
Ipinaliwanag ito ni apostol Juan sa 1John 3:24. Pansinin ninyo ang ikalawang bahagi, “At dito'y
nakikilala natin na siya'y nananahan sa atin, sa pamamagitan ng Espiritu na kaniyang
ibinigay sa atin.”
Matapos mabuhay na muli si Kristo, bumalik Siya sa Ama at umupo sa kanang luklukan. Subalit bago Siya
umakyat sa langit sinabi Niya sa Kanyang mga alagad na, “Pagdating Niya Ama ay isusugo Niya ang
Banal na Spirito upang maging kapalit Niya at manahanan Siya sa atin magpawalang hanggan.”
Tingnan natin kung paano Niya ito sinabi sa John 14:16-18, At ako'y dadalangin sa Ama, at
kayo'y bibigyan niya ng ibang Mangaaliw, upang siyang suma inyo magpakailan man, Sa
makatuwid baga'y ang Espiritu ng katotohanan: na hindi matatanggap ng sanglibutan;
sapagka't hindi nito siya nakikita, ni nakikilala man siya: siya'y nakikilala ninyo; sapagka't
siya'y tumatahan sa inyo, at sasa inyo. Hindi ko kayo iiwang magisa: ako'y paririto sa inyo.
Pansinin natin ang talata 18 na nagsasabi, “Hindi ko kayo iiwang ulila.” Ang kontexto ng salitang
ito ay mula sa huling hapunan bago ipako si Kristo sa krus. Sinabi sa kanila ni Hesus na saglit Niya silang
iiwan upang maipaghanda Niya sila ng lugar sa langit. (John 14:1-6) Sa mga salitang ito nagkaroon ng
takot ang mga alagad. Tatlong taon na silang kasama ni Hesus, iniwan nila ang kanilang hanap buhay at
pamilya sa pagsunod sa Kanya, ano ang mangyayari sa kanila?
Naunawaan ni Kristo ang kanilang pagkatakot, tiniyak Niya na hindi sila matutulad sa mga ulila.
Makakasama pa rin nila Siya upang tumingin sa kanila. Ang pagtira ng Banal na Spirito ang
panggagalingan ng kanilang kaaliwan pagkat hindi sila maiiwang magisa. Ang mga pangakong ito ay
totoo din sa atin.

3. 2. Ano ang pagtityak ni Kristo sa Kanyang mga alagad bago Siya umakyat sa Ama?
______________________________________________________________________________
______________________________________________________________________________
TATLONG KAGANAPAN NG BUHAY KAY KRISTO:
Gal 2:20 Ako'y napako sa krus na kasama ni Cristo; at hindi na ako ang nabubuhay, kundi si
Cristo ang nabubuhay sa akin: at ang buhay na ikinabubuhay ko ngayon sa laman ay
ikinabubuhay ko sa pananampalataya, ang pananampalataya na ito'y sa Anak ng Dios,
na sa akin ay umibig, at ibinigay ang kaniyang sarili dahil sa akin.
i. KAPANGYARIHAN SA BUHAY SI KRISTO:
Ang isang dahilan kung bakit isinulat ni Pablo ang aklat na mga taga Galatia ay upang itama ang isang
maling doktrina, na ang biyaya ng kaligtasan sa pamamagitan ng pananampalataya ay hindi sapat.
Ipinipilit nila na kailangang pagsikapang sundin ang mga kautusan ni Moses upang tunay na maligtas.
Kung totoo ito walang tunay na maliligtas, walang katiyakan ang kaligtasan. Sino sa atin ang
makasusunod sa kautusan 100%, wala. Ipinaliwanag ni Pablo sa kanila nang mamatay sa krus si Kristo
nasagot na nito ang hinihingi ng kautusan. Ang bawat isang hindi nakatupad sa kautusan ay may
kaparusahan ng kamatayan, si Kristo ay pumunta sa krus upang Siyang maging kapalit natin. Sa halip na
tayo ang mamatay Siya ang namatay para ating katayuan. Ito ang sinasabi ni Pablo sa talata 19 sinasabi
na patay na tayo sa kautusan.
Gal 2:19 Sapagka't ako sa pamamagitan ng kautusan ay namatay, sa kautusan, upang
ako'y mabuhay sa Dios.
Matapos mamatay si Kristo sa krus, nabuhay Siyang muli matapos ang tatlong araw. Ang Kanyang
pagbangon mula sa patay ay nagpakita ng kapangyarihan na nagaalis ng kapangyarihan sa kamatayan.
Tayong lahat na sumasampalataya kay Kristo ay hindi lamang nakipagisa sa pagkapako Niya sa Krus
kundi kasama rin Niya tayo sa Kanyang pagkabuhay na maguli.
Eph 1:18 Yamang naliwanagan ang mga mata ng inyong puso, upang maalaman ninyo kung
ano ang pagasa sa kaniyang pagtawag, kung ano ang mga kayamanan ng kaluwalhatian
ng kaniyang pamana sa mga banal,
Eph 1:19 At kung ano ang dakilang kalakhan ng kaniyang kapangyarihan sa ating
nagsisisampalataya, ayon sa gawa ng kapangyarihan ng kaniyang lakas,
Eph 1:20 Na kaniyang ginawa kay Cristo, nang ito'y kaniyang buhaying maguli sa mga
patay, at pinaupo sa kaniyang kanan sa sangkalangitan,
Bilang mananampalataya kailangang lagi nating isipin ang sinabi ni Pablo, “Ako’y kasamang napako
ni Kristo, hindi na ako ang nabubuhay, kundi si Kristo ang nabubuhay sa akin.” Naiisip ba ninya kasama
ninyo si Kristo 24,7 sa buhay ninyo?

4. A. Power to Live a New Life
Nabanggit na natin 2 Cor 5:17 na tayo’y naging isang bagong nilalang. Ang lumang pagkatao na
siyang nabubuhay na may kalikasang makasalanan ay hindi ang syang dapat na kumukontrol sa atin.
Meron na tayong kapangyarihan na putulin ang ipagkakatali natin sa kasalanan at ipakita natin ang
bunga ng bagong kalikasan.
4.Ano ang lumang buhay at ano naman ang bagong buhay?
______________________________________________________________________________
______________________________________________________________________________
B. Kapangyarihan na Pagtagumpayan ang mga Kaguluhan sa Buhay
Joh 16:33 Ang mga bagay na ito ay sinalita ko sa inyo, upang kayo'y magkaroon sa
akin ng kapayapaan. Sa sanglibutan ay mayroon kayong kapighatian: nguni't laksan
ninyo ang loob; aking dinaig ang sanglibutan.
Tayo’y binahaginan ng kapangyarihan ni Kristo upang maharap nating may katapangan ang mga
pagsubok n gating buhay. Angating pagtatagumpay sa mga kapaitan o mga bagyo sa ating buhay ay
nagdadala sa atin ng walang kapantay nakapayapaan at katamisan na sa Diyos lamang nagmumula.
5.Sapgkat pinagtagumpayan ni Kristo ang sanlibutan, paano natin haharapin ang mga
pagsubok?
______________________________________________________________________________
______________________________________________________________________________
C. Kapangyarihang Maabot Natin Pinakamataas na Kaya Natin
Hindi tayo dapat masiyahan sa tama na, binigyan tayo ng Diyos ng kapangyarihang maabot natin
ang ninanais natin sa buhay. Phil 2:13, “Magagawa ko ang lahat kay Kristo na nagpapalakas sa akin.”
Para sa ating kabutihan, tayo’y magsimulang mabuhay na kasama ang Diyos sa ating buhay. Hindi tayo
dapat masiyahan sa buhay natin na bunga lamang ngating pagsisikap.
6.Basahin ninyo ang tatlong kapangyarihanng buhay kay Kristo at hingin ninyo pangakong
kapangyarihan para maipamuhay ninyo.
II. ANG PINAKAMATAAS NA BUHAY AY SI KRISTO:
Col 1:16 Sapagka't sa kaniya nilalang ang lahat na mga bagay, sa sangkalangitan at sa
sangkalupaan, na mga bagay na nakikita at ang mga bagay na di nakikita, maging mga

5. luklukan o mga pagsakop o mga pamunuan o mga kapangyarihan; lahat ng mga bagay ay
nilalang sa pamamagitan niya at ukol sa kaniya;
Col 1:17 At siya'y una sa lahat ng mga bagay, at ang lahat ng mga bagay ay nangabubuhay
dahil sa kaniya.
Col 1:18 At siya ang ulo ng katawan, sa makatuwid baga'y ng iglesia; na siya ang pasimula,
ang panganay sa mga patay; upang sa lahat ng mga bagay, ay magkaroon siya ng
kadakilaan.
Sa mga talatang ito ipinakikita ni Pablo na si Kristo ay Diyos at Siya ang lumikha ng lahat nang
bagay para sa Kanya, siya rin ang ulo ng lahat na Kanyang iniligtas. Dahil dito nararapat lamang na Siya
ang mamahala. Siya ang dapat manguna sa ating mga buhay.
Madalas sa ating kaligtasan, hindi problema ang pagtanggap natin ng kapatawaran ngating mga
kasalanan at buhay na walang hanggan. Hindi ito hanggang dito lamang. Ang tunay na kaligtasan ay
nangangahulugan ng lubos na pagsuko kay Hesus. Sa oras na Siya ay manirahan sa atin kailangan nating
tanggapin ang katotohanan, na tayo ay Kanya nang pagmamayari at Siya ang dapat magpatakbo ngating
mga buhay. Siya angating Panginoon at tayo ang Kanyang mga alipin.Sa texto natin sinasabi ni Pablo,
“Siya ang nabubuhay sa akin, hindi ako.” Makikita natin itong mas maliwanag sa 1Cor. 6:19-20, O
hindi baga ninyo nalalaman na ang inyong katawan ay templo ng Espiritu Santo na nasa
inyo, na tinanggap ninyo sa Dios? at hindi kayo sa inyong sarili; Sapagka't kayo'y binili sa
halaga: luwalhatiin nga ninyo ng inyong katawan ang Dios.
Pagkat si Hesus ay tumatahan sa atin sa pamamagitan ng Banal na Spirito, kailangang
maging handa na luwalhatiin ang Diyos sa ating mga buhay. Mauunawaan nating mabutikung
titingnan natin ang kontexto kung saan hinango ni Pablo ang mga talatang ito. Ang mga taga
Corinto ay gumagawa ng kalaswaan at imoralidad, higit nilang ginugusto ang mga personal at
panandaliang kasarapan kaysa makapagbigay kapurihan kay Kristo. Ang mga ito’y
karumaldumal sa Diyos.
7. Sino ang boss sa buhay mo? Nagdedesisyon k aba nahindi mo man lamang
iniisip kong ito ang gusto ni Hesus para sa iyo? Ginagawa mob a ang mga bagay
kahit alam mo nang hindi ito gusto ni Kristo?
________________________________________________________________
Tandaan natin na ang nais ni Hesus ay maranasan natin ang kabuuan ng buhay. (John
10:10) subalit kalian man ay hindi mangyayari ito kung hindi natin bayaan na si Kristo ang
masunod sa atin. Hindi nasisiyahan si Hesus kung puro salita lamang tayo, maipapakita natin
ito kung ating isusuko ang lahat nating kalooban sa Kanyang mga kalooban.
Mat 7:21 Hindi ang bawa't nagsasabi sa akin, Panginoon, Panginoon, ay papasok sa
kaharian ng langit; kundi ang gumaganap ng kalooban ng aking Ama na nasa langit.
III. ANG LAYUNIN NG BUHAY AY SI KRISTO:
Sa huling bahagi ng texto, ipinakita ni Pablo ang higit na mataas na layunin sa pamumuhay
gaya ni Hesus sa pang araw-araw nating pamumuhay. Gal. 2:20 “……Siya na umibig sa akin
at nagbigay ng buhay para sa akin.”

6. Isang dahilan kung bakit ang kautusan ay hindi tagumpay sa pagakay sa buhay ng tao sa
Lumang Tipan ay; kung makasuway ang tao, an gang kaparusahan ay hindi sapat. Nakita ni
Pablo na ang mas malakas na tumutulak sa mga mananampalataya na mabuhay ng matuwid ay
dapat manggaling sa utang na loob kay Kristo, sa lahat na ginawa Niya para sa atin. Ang dapat
maging layon n gating mga buhay ngayon ay ang atin pagibig kay Hesus. Nabubuhay tayo para
doon sa umibig at nagbigay ng buhay sa atin.
May mga tao na nagaakala na sa ating pangangaral na ang kaligtasan ay tinatanggap lamang,
tinuturuan natin ang mga tao na mabuhay na maluwag sa moralidad, binibigyan natin sila ng
kalayaan na magkasala. Malayong malayo ito sa katotohanan, ang dakilang kaligtasan angang
aakay sa atin sa dakilang pagibig sa isa na nagbigay ng buhay kapalit ng lahat ng kaparusahan sa
ating mga kasalanan.
1. Bakit kaya isang bahagi lamang ng kabuuan ng Iglesia ay matapang na
nagbabahagi ng Ebanghelyo ni Kristo sa iba?
_____________________________________________________________
_____________________________________________________________
Bago bumalik si Kristo sa langit binanggit Niya sa Kanyang mga alagad ang pagnanais
Niya, “Kayo’y magiging saksi ko sa Herusalem, Hudea at Samaria at sa katapusan ng mundo.”
Kung titingnan natin kung kailan Niya nito sinabi, ang mga alagad ay nagtatanong sa Kanya ng
panahon ng paghahari Niya dito sa sanlibutan. Sa halip na sagutin sila ibinigay sa kanila ang
kanilang misyon sa mga napapahamak na tao ng sanlibutan. Sa medaling salita hindi dapat
pagkaabalahan ng Kanyang mga alagad ang paghihintay sa Kanyang paghahari o sa Kanyang
pagbabalik, kundi ang pagpapalaganap ng Ebanghelyo sa buong sanlibutan, habang tayo ay
narito at nabubuhay.
Maliwanag na sinabi ni Hesus – “Hindi para sa inyo ang makaalam ang araw o oras na
itinakda ng Ama para sa Kanyang sariling kapangyarihan.” Bayaan natin ito sa Ama, Siya
lamang ang nakaaalam nito. Huwag tayong maniniwala sa kanino man na nagbigay ng araw o
taon ng pagbabalik ng Panginoon. Ang natitiyak natin hindi babalik si Hesus hanggang hindi
nakaririnig ng Ebanghelyo ang mga tao sa mundo.
Mat 24:14 At ipangangaral ang evangeliong ito ng kaharian sa buong sanglibutan sa
pagpapatotoo sa lahat ng mga bansa; at kung magkagayo'y darating ang wakas.
Marahil ang iba sa atin ay itinuturing ito na pabigat sa ating mga buhay, pero sa
katotohanan ito ay napakalaking pribelehiyo upang ipagkatiwala sa atin, na walang kabuluhan
sa sanlibutang ito. Natatandaan ninyo ng tipunin ni Kristo ang Kanyang mga alagad sa bundok
ng Olivo bago umakyat sa langit, ito ang sinabi Niya sa kanila, “Kayo ang magpapaalam sa
mga tao na ang kaligtasan ay matatagpuan lamang sa akin. Wala nang iba pang
paraan na malaman ng mga tao ang mga bagay na nagawa ko kundi sa
pamamagitan ninyo.” Nakikita ba niniyo kung gaano kadakila ang prebelehiyong ito?
Sa kabila ng lahat nating kapintasan at kahinaan, pinagkatiwalaan tayo ng Diyos ng isang
napakalaking gawain na umakay sa mga tao upang makatagpo ng kaligtasan kay Kristo, at

7. magkaroon sila ng lugar kaharian ng langit.Act 4:12 At sa kanino mang iba ay walang
kaligtasan: sapagka't walang ibang pangalan sa silong ng langit, na ibinigay sa mga tao, na
sukat nating ikaligtas.
Ang kaligtasan ay sa pamamagitan lamang ni Kristo. Kayang gamitin ng Diyos ang mga
anghel, pwede rin Niyang ibalik ang mga dakilang propeta gaya ni Isaiah o si Moses upang
ipangaral ang Ebanghelyo subalit hindi Niya ginawa ito kundi ipinagkatiwala sa iyo, sa akin at sa
ating lahat. Kaya nga dapat natingbuong tapang na ipamalita ang kaligtasang ito.
Apat na bagay na makatutulong sa atin na magkaroon ng tapang sa
pagbabahagi kay Kristo
I. TANGGAPIN MO ANG HAMON:
Maliwanag ang sinasabi ng texto –“kayo’y magiging saksi ko.” Ano ang ibig sabihin ng
saksi?Ang saksi ay isang taong nakakita, nakarinig o nakaranas ng isang bagay o pangyayari.
1Co 15:1-4 Ngayo'y ipinatatalastas ko sa inyo, mga kapatid, ang evangelio na sa inyo'y
aking ipinangaral, na inyo namang tinanggap, na siya naman ninyong pinananatilihan,
1Co 15:2 Sa pamamagitan naman nito'y ligtas kayo kung matiyaga ninyong iingatan ang
salitang ipinangaral ko sa inyo, maliban na kung kayo'y nagsipanampalataya nang
walang kabuluhan.
1Co 15:3 Sapagka't ibinigay ko sa inyo una sa lahat, ang akin namang tinanggap: na si Cristo
ay namatay dahil sa ating mga kasalanan, ayon sa mga kasulatan,
1Co 15:4 At siya'y inilibing; at siya'y muling binuhay nang ikatlong araw ayon sa mga
kasulatan;
Ang Ebanghelyo ang kailangan nating ibahagi. Hindi dapat na dagdagan natin ito o
hintayin na matutuhan natin ang maraming doktrina bago tayo magsimulang magbahagi. Ang
kailangan lamang nating ibahagi ay ang tinapos nagawain ng kaligtasan ni Kristo at ang biyaya
ng kaligtasang nangyari sa atin. Isang napakahalagang bagay ay ang matutunan nating mahalin
Siya ng higit sa ating buhay.
2Co 5:14 Sapagka't ang pagibig ni Cristo ay pumipilit sa amin; sapagka't ipinasisiya namin
ang ganito, na kung ang isa ay namatay dahil sa lahat, kung gayo'y lahat ay nangamatay;
Nang sabihin ni Pablo, Ang pagibig ni Kristo ang nagtutulak sa amin,” ay nagpapakita na
ang init na kanyang nararanasan sa pamumuhay at paglilingkod sa Diyos ay bunga ng pagibig ni
Kristo na Kanyang ipinakita ng Siyay mamatay sa krus para sa kasalanan ng tao.
Kailangang siyasatin natin an gating mga puso kung talagang minamahal natin Siya,
dahil nahirati tayo na magmahal sa ating mga sarili, na hindi natin napapansin ang kakulangan
ngating pagmamahal sa ating Panginoon. Paggising natin sa umaga at angating kasiping ay
ibang babae, malinaw na alam natin na tayo ay nagkakasala. Subalit kapag sinasabi natin na
higit ang pagibig natin sa ating sarili kaysa Panginoon higit na pagsisiyasat angating kailangan.
Isang napakalaking prebelehiyo na tayo ay mapili na iligtas ni Kristo, hindi natin mararanasan
ang kalubusan ng mga pagpapala kung alam natin na hindi natin ginagamit ang kapangyarihan,

8. kadakilaan at layunin nito sa ating mga buhay. Ipanalangin natin na hindi tayo magkulang sa
pagkilala na si Kristo ang pinakamataas at pinakadakilang pangyayari sa ating mga buhay.
8. Ano ang dapat magtulak sa atin na mamuhay ng matuwid?
__________________________________________________________________
9. Natanggap mob a ang pagibig ni Kristo na sapat na magtulak sa iyo na mahalin
mo Siya ng higit sa pagmamahal mo sa iyong sarili?
__________________________________________________________________
__________________________________________________________________
Pagbulayan mo at subukin ang iyong sarili kung gaano kalalim ang pagibig m okay
Hesus. Siya ang dapat na maging dahilan ng iyong pagkabuhay.