Ang dokumento ay nagtuturo ng kahalagahan ng pagkakaisa sa mga gawain at pagpaplano sa isang samahan. Binibigyang-diin nito ang pakikilahok ng bawat indibidwal upang makamit ang tagumpay at ginhawa, pati na rin ang paggawa ng mga proyekto na makakatulong sa mga nangangailangan. May mga gawain at tanong na nag-udyok sa mga mambabasa na muling suriin ang kanilang paglahok at kontribusyon sa mga kolektibong aktibidad.

1. Tayo’y Makilahok....... Makilahok
Aralin 6
Nakapagpapatunay na mahalaga ang
pagkakaisa sa pagtatapos ng Gawain
Pagkakaisa(Unity)

2. Alamin Natin (Day 1)
• Alam mo ba na.......
• Ang pakikiisa, lalo na sa
pagpaplano at pagpapasya ay
nagkakamit ng ginhawa at tagumpay
ng bawat isa.

3. Tayo’y Makilahok...... Makilahok
Tayo’y makilahok sa lahat ng gawain
Sa ating samahan lalo na’t may usapin
Pagkat ang desisyon sa bawat gagawin
Ay dapat maging mabuti ang simulain.
Saan man dumako ang usapan
Sumaling palagi sa plano ng samahan
Pagkat desisyon ng lahat ay kailangan
Kaya makisama sa lahat ng talakayan.
Tayo’y makilahok sa tuwi-tuwina
Upang di tayo magmistulang tangan
Kapag may nangyari tayo’y may alam na
At di magtatanong na tila ibang-iba.

4. • Sagutin ang mga tanong:
1. Ano ang nais iparating ng tula sa mga
mambabasa?
2. Bakit mahalaga ang pakikilahok sa mga gawain
ng samahan?
3. Ipaliwanag: “Tayo’y makilahok sa tuwi-tuwina
upang di tayo magmistulang tanga.”
4. Bakit mahalaga ang paglahok sa pagpaplano
ng proyekto ng samahan?
5. Ipaliwanag: “Ang pasya ng nakararami ay dapat
na laging mamayani.

5. Isagawa Natin(Day 2)
Gawain 1
Isang proyekto ang gagawin sa inyong paaralan. Ito’y
isang pagtatanghal upang kumita ng salaping
maitutulong sa mga mahihirap. Magpulong sa isang
bahagi ng inyong silid (Maaaring hatiin ang klase sa
tatlong grupo). Sagutin ang mga tanong sa ibaba.
1. Ano ang una ninyong dapat pag-usapan tungkol sa
proyekto?
2. Ano ang inyong plano para sa paglikha ng pondo na
maitutulong sa mga mahihirap?
3. Ilang komite ang inyong bubuuin? Bakit?
4. Sinu-sino ang mamamahala ng bawat komite?
5. Isulat ang napag-usapan sa klase. Ano ang masasabi
mo sa inyong napag-usapan? Bakit?

6. Gawain 2
Marami na tayong nagawang mga proyekto
sa iba’t ibang asignatura. Naipakita ninyo ang
inyong pagkakaisa upang matapos ang isang
gawain. Lahat ay nakiisa sa paggawa nito.
Sa isang construction paper(red), gumuhit
ng isang puso. Sa loob nito ay gumawa ng isang
maikling sulat para sa isang taong alam mong
nagpakita ng pakikiisa upang matapos ang isang
gawain. Sabihin mo sa kanya kung ano nman ang
maaari mong gawin upang masuklian ang
ginawa niya. Maaari mong gawing halimbawa
ang nasa ibaba. Ipadala/iabot ito sa kanya.

7. Ana,
Nais kong magpasalamat sa
ginawa mong pakikiisa sa ating
natapos na gawain sa ESP at dahil
lahat ng miyembro ng pangkat ay
nagkaroon ng pagkakaisa.
Para masuklian ko ang iyong
ipinamalas na pakikiisa ay sisikapin
ko na unawain at bigyang pansin ang
inyong mungkahi.

8. Isapuso Natin (Day 3)

9. Isapuso Natin (Day 3)
Matapos nating ipakita ang magandang dulot ng pagkakaisa sa pagtatapos ng
gawain, sabay-sabay tayong umawit at unawain ang mensahe ng awitin.
Makilahok
(awit sa tono ng I have two hands)
I
Halina kayo
Sa ‘ting talakayan
Upang isipa’y
Magiging buhay
Pumalakpak 1,2,3
At utak natin ay titindi.
II
Makiplano
Sa talakayan
Upang isipa’y humusay
Pumalakpak 1,2,3
At utak natin ay titindi.

10. Tandaan natin
Sa pagpaplano o pagpapasya
Ang mungkahi ng bawat isa ay
mahalaga
Tinig niya o tinig nila
Ay tinig na dapat maging isa.

11. Isabuhay Natin (Day 4)
Mag-isip ng isang bagay o pangyayari nagpakita
ng pagkakaisa na maaari nilang kunin o hango
sa isang pelikula, teleserye o mga pangyayari
na kanilang napanood.
Halimbawa:
People Power –EDSA Revolution
Kasaysayan ng mga Bayani
Pakikipaglaban ng mga Pilipino sa mga
dayuhang mananakop

12. Subukin Natin(Day 5)
Sagutin sa iyong kuwaderno ang sumusunod na
mga tanong:
Ano ang dapat mong gawin kung.....
1. mainit na ang sikat ng araw, subalit oras na ng
pagpila para sa seremonya sa Watawat ng
Pilipinas
2. kaunti na lamang ang ulam na paghahatian
ninyo ng iyong mga kapatid
3. natanggal ang bubong ng inyong bahay at
nabasa ang inyong mga kagamitan

13. • Sa ginawa ninyong pagpupulong, lagyan ng √
ang iyong ginawa. Sipiin ang sagot sa inyong
kwaderno.
Palagi Di ko
ginagawa
Nakibahagi ako sa usapan.
Tumahimik lamang ako at
nakinig.
Naging magulo ako sa talakayan.
Nakisama ako sa pagpaplano.
Iginagalang ko ang desisyon ng
iba.
Iginigiit ko ang aking mungkahi