Libros seleccionados do fondo infantil, correspondentes ás novas adquisicións entre marzo e xuño de 2014. Presentados o venres 13 de xuño na 8ª xuntanza do SOLF (Servizo de Orientación de Lectura ás Familias) na Biblioteca Pública Municipal de Narón
Libros seleccionados do fondo infantil, correspondentes ás novas adquisicións entre marzo e xuño de 2014. Presentados o venres 13 de xuño na 8ª xuntanza do SOLF (Servizo de Orientación de Lectura ás Familias) na Biblioteca Pública Municipal de Narón
Libros seleccionados do fondo infantil, correspondentes ás novas adquisicións entre xuño e setembro de 2014. Presentados o venres 12 de setembro na 9ª xuntanza do SOLF (Servizo de Orientación de Lectura ás Familias) na Biblioteca Pública Municipal de Narón
1. Club de lectura
“Gozando no Laxeiro”
Ola! Aquí estamos de novo
para presentarvos os libros
que lemos e recomendamos
entre nós durante o 2º
trimestre. O noso propósito
é darvos a coñecer lecturas
que seguro que vos van
deleitar.
Empezamos con Anabel, a
gañadora desta edición.
2. Illa Soidade
An Alfaya
Encantoume! Lucía vai no
tren que a leva a estudar a
carreira de periodismo.
Durante a viaxe lembra o
sucedido na Praza dos
Mistos. Alí coñeceu a Soa,
que lle permitiu achegarse
ao mundo dos indixentes.
Soa cóntalle no seu diario
como por amor a un artista
queda a vivir nas rúas de
París, como non poden
estar xuntos por medo a
que ela sufra a maldade do
seu maior inimigo.
Recoméndollo a calquera
que guste de ler; é un libro
que permite deternos, por
unha vez, na vida das
persoas sen teito, tan
invisibles na sociedade.
Anabel Ramos, 3º PDC
3. O pintor do sombreiro de malvas
Por motivos económicos da nai,
un rapaz está a pasar unha tempada
cunha tía, que non o quere, nunha
pequena vila francesa.
Hai un grupo de rapaces que non
deixan de meterse con el; no medio
está Adeline coa que acabará
véndose ás agachadas.
Un día chega un pintor que vai á vila
para esquecer o seu pasado. O rapaz
faise amigo del e pasan moito tempo
xuntos ata que o artista…
Gustoume moito este libro
que recrea anacos da vida do pintor
Vicent Van Gogh e anímoo a todos a
lelo.
Verónica Vázquez, 3ºPDC
Marcos Calveiro
4. É este un libro que reflicte
moi ben a vida dos nosos avós
cando eran novos.
Cóntanos a historia dun neno
pobre, Balbino, que vive na aldea.
Un día tivo que marchar do lugar
por ferir cunha pedra ao fillo do
ricachón da aldea e dono das
terras nas que traballa o pai.
Se queredes saber a historia
completa lédeo; recoméndovolo
porque dá a coñecer o que lles
pasou a moitas persoas
antigamente: a miseria, a
emigración, o poder do ricos, o
San Xoán, a morte, o longo loito,
a amistade…
Isaias Medala, 3ºPDC
Memorias dun neno labrego
Xosé Neira Vilas
5. Nárrase a historia
dunha rapaza chamada Silvia,
estudante de medicina, que
vai para a India traballar de
cooperante nun hospital. Alí
coñeceu persoas interesantes
como Mahendra, un príncipe
que perdera muller e fillos
nun lago, ou, a Leo, outro
cooperante co que ao
principio non se leva moi alá.
Na India, Silvia cambiou a súa
maneira de pensar e de ver o
mundo.
Paréceme un libro
moi recomendable tanto para
adolescentes como para os
que xa non o son, pois nel
coñecemos aspectos dunha
cultura distinta á nosa. A min
encantoume.
María Iglesia, 3ºPDC
Chamando ás portas do ceo
Jordi Sierra i Fabra
6. Ámote Leo A. Destino Xalundes
Rosa Aneiros
Gustoume dende a
primeira páxina e viaxei coa
protagonista por todos os
lugares nos que ela estivo:
Lisboa, Barcelona,
Andalucía, Marrakech,
Istambul…
Tamén sentín como miñas
todas as andanzas vividas
co grupo de amigos que
coñece.
Admiro a Leo por viaxar soa
e, ademais, coa oposición
da nai.
Quen será o que lle deixa
por todas partes unha
mensaxe de amor?
Aínda que é longo,
recoméndovolo a todos
porque é sinxelo de ler e
permítenos coñecer outros
países, outras cultura…
Miguel da Cunha, 3ºPDC
7. Os feitos desta
novela acontecen nunha
aldea de Iraq. O
protagonista non ten nai e
seu pai volve casar. Ao
pouco iníciase unha guerra
á que o pai ten que ir coma
outros homes das aldeas
veciñas. O pai desaparece e
Khalet decide ir na súa
busca para poder soterralo
no seu pobo. Aí inicia a súa
arriscada aventura por
distintas zonas dun país en
guerra, pero atopando a
persoas boas que o axudan.
O que máis me
gustou foi o sacrificio que
fixo o rapaz por ter seu pai
cerca da familia.
Manuel Pérez, 3º PDC
Irmán do vento
M. Lourenzo González
8. Venres ou a vida salvaxe
Michel Tourniel
É este un libro de aventuras: o
personaxe principal, Robison,
chega a unha illa deserta e alí
emprende unha nova vida. Salvará
a un indio, Venres, que se converte
ao principio no seu criado e logo,
no seu mellor amigo.
Destacaría moitas anécdotas da
vida na illa: a pelexa de Venres cun
macho montés, o refuxio de
Robison na cova branca para
perder o sentido ou, cando Venres
destruíu todo o mundo que creara
Robison. O que menos me gustou
foi que, ao final, Venres traizoara a
Robison marchando nun barco.
Javier Castro, 3º PDC
9. O can dos Baskerville
Arthur Conan Doyle
É esta unha novela policíaca: o tema
principal xira arredor dun can que lles
trae a maldición aos Baskerville porque
acaba con varios dos seus membros.
Destaco o personaxe de Sherlock Holmes
porque resolve con moita destreza os
enigmas que lle van propoñendo as
accións do asasino. Gustoume moito a
parte final cando, por fin, se enfrontan co
monstro e conseguen vencelo nunha
situación ben perigosa.
A verdade é que o que menos me gustou
foi que se acabase o libro e con el, todo a
intriga. Por iso recoméndollo a todos os
que gustedes de misteriosos crimes.
Marcos Sampayo, 3º PDC