1. PRELECTORES
Unha proposta para gozar
da música dende as idades
máis temperás da man
dunha cativa, Pitusa
Semifusa, cantareira e
festiva. Con ilustracións de
Leandro Lamas e produción musical de Sérgio
Tannus e Olga Brañas. Sonárbore-Galaxia.
Nunca un paseo foi á vez tan pracenteiro e tan
arriscado. Cruzando a granxa, un raposo axexa a
galiña Rosalía pero, tan torpe e desafortunado,
que todos, menos os
propios protagonistas,
riremos con tantas
peripecias. “O paseo
de Rosalía”. Pat
Hutchins. Kalandraka.
Despois de a buscar por
toda a aldea, Miguel
atopou a súa cabra subida
no tellado. "Pensará que
é un catavento?, ou unha
cheminea?, ou quizais un
gato?", preguntábase Miguel. E coa axuda dunhas
flores, un libro de contos e unha presada de sal (o
sal gústalles ás cabras máis que os xeados aos
nenos), a cabra boba regresou ao seu lugar. “A
cabra boba”. Pep Bruno&Roger Olmos. OQO.
PRIMEIROS LECTORES
"Cosas que nadie
sabe", editado por
Comanegra, é un
precioso álbum ilustrado
que intenta dar resposta
aos pequenos segredos da vida; curiosidades que
nunca teríamos imaxinado que tiveran tan curiosa
explicación. Laia Amàrita
Un texto conmovedor e
reflexivo para transmitirlles
aos lectores unha lección
de civismo, educación e
sensibilidade. As peculiares
trasnadas do protagonista
vense cunha óptica
benevolente, porque todos merecemos a
oportunidade de corrixir os nosos defectos para
ser mellores persoas. “Eduardo, o neno máis
terrible do mundo”. John Burningham.
Kalandraka.
Estamos ante un manual
literario e gráfico para que os
nenos enfróntense, con
ousadía e sen complexos, a
esa etapa difícil e pouco
agradable da caída dos dentes
de leite. Para iso, como
sempre, non hai nada mellor que refuxiarse no
humor. “Maldito diente”. Pep Bruno & Amrei
Fiedler. OQO.
LECTORES AUTÓNOMOS
“Son Zoel e estou algo
gordecho. Pasei uns días no
hospital cunha costela rota e os
pés escaiolados. Descubríronme
colesterol e hipertensión, que
seica aparecen pola mala
alimentación. Como non podía
moverme, aproveitei para escribir estas memorias.
Menos mal que neses días lin un libro ben
divertido que me fixo pensar... serei obeso?”
“Gordiño recheo”. Fina Casalderrey. SM-Xerme.
Todos os membros da familia de Amabel teñen
superpoderes, pero Amabel
aínda non sabe cal é a súa
habilidade extraordinaria. Para
descubrilo, embarcarase en
aventuras ben peculiares. “El
poder de Amabel”. Érica
Esmorís. Sushi Books.
Raquel repara nun home que
sempre está parado ante as
portas do supermercado;
ninguén parece velo, agás a
nena. Convencida de que se trata
dun home invisible, achégase a
falarlle e acaban por ser amigos.
O home contaralle que é un investigador chegado
de outro planeta en misión especial. “O meu nome
é Skywalker”. Agustín Fernández Paz. SM-Xerme.
2. LECTORES EXPERTOS
No verán de 1989, un estraño
resplandor aparece na mar alta,
no lugar coñecido como Fosa
Atlántica, situado a unhas 300
millas das costas de Galicia.
Cando a OTAN envía algúns
barcos a examinar a zona, descóbrese un feito
sorprendente que as autoridades ocultan para non
provocaren alarma entre a poboación. “As flores
radiactivas”. Agustín Fernández Paz. Xerais.
«Mamá, volvo á casa. Xa.» Así lle
escribe Leo á súa nai catro meses
despois do inicio da súa fascinante
viaxe polo mundo. Barcelona,
Praga, Roma… E inseparable a
todas as lembranzas, esa
misteriosa mensaxe que aparece
nos recantos máis insospeitados dos lugares que
visita: Ámote Leo A. Rosa Aneiros. Xerais.
Dous adolescentes namorados
se suben a unha cornisa nun
barrio de Buenos Aires. Todos
os que os ven quedan
convencidos de que queren
rematar coas súa vidas. Unha
novela que amosa con humor
que non todo é sempre como
parece. “Café solo”. Andrea
Ferrari. SM.
ADULTOS
David traballa na editorial onde
publica o misterioso escritor
que, oculto tralo seudónimo de
Thomas Maud, creou unha das
sagas máis brillantes e exitosas
da literatura. Sen embargo, a
editorial non recibe o novo e
esperado volumen da saga, e
David acepta o encargo segredo
de atopar a Thomas Maud e conseguir ese libro
que compromete o futuro da súa empresa. Pero,
cómo atopar a alguén que non desexa ser
atopado? “El paso de la hélice” Santiago Pajeres.
Destino.
Thriller trepidante, un retrato
surrealista dun mundo agochado
baixo un réxime dictatorial e una
fermosa historia de amor que
transporta ao lector nunha viaxe
ás profundidades de Corea do
Norte e ao recuncho máis íntimo
do corazón humano. Galardoado
co Premio Pulitzer por esta novela, Adam Johnson
recibe o recoñecemeento unánime e rotundo da
crítica e dos lectores, cosechando innumerables
premios. “El huérfano”. Adam Johnson. Seix
Barral.
O ensaio, a novela negra, de
intriga e incluso humorística
forman unha trama mesta na que
se confunden realidade e ficción.
IV Premio de Novela Curta de
Riveira. “Liña azul”. David Pobra.
Xerais.
RECOMENDACIÓNS
XUÑO 2014
FELIZ VERÁN E FELICES LECTURAS
http://aventurasnabiblioteca.blogspot.com