Ang Kawayan (Ang Kalasag ng Kabataan, Lagitik ng Katotohanan)Bryan Ben Orcenado
Ang Opisyal na Pahayagan ng Mataas na Paaralan ng Madrid Surigao del Sur Division
Tomo 1 Bilang 1 │ Agosto 2023 - Mayo 2024. Ang pampaaralang pahayagang ito ay kuwalipikado para sa National Schools Press Conference 2024 na gaganapin sa Carcar City, Cebu ngayong Hulyo.
THE WORSHIP OF THE BODY - CORPUS CHRISTI (Filippino).pptx
Fonollera-G9-Q4-W3.pdf
1.
9
Edukasyon sa
Pagpapakatao
Ikaapat na Markahan – Modyul 3:
Personal na Pahayag ng Misyon sa Buhay
(Ikatlong Linggo)
2.
Edukasyong Pagpapakatao – Ikasiyam na Baitang
Alternative Delivery Mode
Ikalawang Markahan – Modyul 3: Personal na Pahayag ng Misyon sa Buhay
Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban sa
modyul na ito ay kinakailangan ng pahintulot mula sa mga orihinal na may-akda ng mga ito.
Walang anomang parte ng materyales na ito ang maaaring kopyahin o ilimbag sa
anomang paraan nang walang pahintulot sa Kagawaran.
Inilathala ng Kagawaran ng Edukasyon
Kalihim: Leonor Magtolis Briones
Pangalawang Kalihim: Diosdado M. San Antonio
Inilimbag sa Pilipinas ng ________________________
Department of Education –Region VII Schools Division of Negros Oriental
Office Address: Kagawasan, Ave., Daro, Dumaguete City, Negros Oriental
Tel #: (035) 225 2376 / 541 1117
E-mail Address: negros.oriental@deped.gov.ph
Bumuo sa Pagsusulat ng Modyul
Manunulat: Carmelyn S. Fonollera
Editor: Anna Mae I. Tejada
Tagasuri: Anna Mae I. Tejada | Amancio M. Gainsan Jr.
Tagaguhit: Edyl Kris B. Ragay
Tagalapat: Anna Mae I. Tejada
Tagapamahala: Senen Priscillo P. Paulin, CESO V Rosela R. Abiera
Fay C. Luarez, TM, Ed.D., Ph.D. Maricel S. Rasid
Nilita L. Ragay, Ed.D. Elmar L. Cabrera
Donre B. Mira, Ed.D.
3.
9
Edukasyong
Pagpapakatao
Ikaapat na Markahan- Modyul
3:
Personal na Pahayag ng Misyon
sa Buhay
(Linggo: Ikatlo)
4.
ii
Paunang Salita
Para sa tagapagdaloy:
Malugod na pagtanggap sa asignaturang Edukasyon sa Pagpapakatao 9 ng
Alternative Delivery Mode (ADM) Modyul para sa araling Personal na Pahayag ng
Misyon sa Buhay!
Ang modyul na ito ay pinagtulungang dinisenyo, nilinang at sinuri ng mga edukador
mula sa pambuliko at pampribadong institusyon upang gabayan ka, ang gurong
tagapagdaloy upang matulungang makamit ng mag-aaral ang pamantayang itinakda
ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-aaral sa mapatnubay at
malayang pagkatuto na mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga
kasanayang pan-21 siglo habang isinasaalang-alang ang kanilang mga
pangangailangan at kalagayan.
Bilang karagdagan sa materyal ng pangunahing teksto, makikita ninyo ang kahong
ito sa pinakakatawan ng modyul:
Bilang tagapagdaloy, inaasahang bibigyan mo ng paunang kaalaman ang mag-aaral
kung paano gamitin ang modyul na ito. Kinakailangan ding subaybayan at itala ang
pag-unlad nila habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang hikayatin at gabayan
ang mag-aaral habang isinasagawa ang mga gawaing nakapaloob sa modyul.
Mga Tala para sa Guro
Ito'y naglalaman ng mga paalala, panulong
o estratehiyang magagamit sa paggabay sa
mag-aaral.
5.
iii
Para sa mag-aaral:
Malugod na pagtanggap sa Edukasyon sa Pagpapakatao 9 ng Alternative Delivery
Mode (ADM) Modyul ukol sa Personal na Pahayag ng Misyon sa Buhay!
Ang kamay ay madalas gamiting simbolo ng kakayahan, aksyon at layunin. Sa
pamamagitan ng ating mga kamay tayo ay maaaring matuto, lumikha, at
magsakatuparan ng gawain. Ang kamay sa tulong-aral na ito ay sumisimbolo na
ikaw, bilang isang mag-aaral, ay may angking kakayahang matutuhan ang mga
kaugnay na kompetensi at kasanayan. Ang iyong pang-akademikong tagumpay ay
nakasalalay sa iyong sarili o sa iyong mga kamay.
Ang modyul na ito ay ginawa bilang tugon sa iyong pangangailangan. Layunin nitong
matulungan ka sa iyong pag-aaral habang wala ka sa loob ng silid-aralan. Hangad
din nitong madulutan ka ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat mong maunawaan.
Alamin Sa bahaging ito, malalaman mo ang mga
dapat mong matutuhan sa modyul.
Subukin Sa pagsusulit na ito, makikita natin kung
ano na ang kaalaman mo sa aralin ng
modyul. Kung nakuha mo ang lahat ng
tamang sagot (100%), maaari mong laktawan
ang bahaging ito ng modyul.
Balikan Ito ay maikling pagsasanay o balik-aral
upang matulungan kang maiugnay ang
kasalukuyang aralin sa naunang leksyon.
Tuklasin Sa bahaging ito, ang bagong aralin ay
ipakikilala sa iyo sa maraming paraan tulad
ng isang kuwento, awitin, tula, pambukas na
suliranin, gawain o isang sitwasyon.
Suriin Sa seksyong ito, bibigyan ka ng maikling
pagtalakay sa aralin. Layunin nitong
matulungan kang maunawaan ang bagong
konsepto at mga kasanayan.
Pagyamanin Binubuo ito ng mga gawaing para sa
malayang pagsasanay upang mapagtibay ang
iyong pang-unawa at mga kasanayan sa
paksa. Maaari mong iwasto ang mga sagot
mo sa pagsasanay gamit ang susi sa
pagwawasto sa huling bahagi ng modyul.
6.
iv
Isaisip Naglalaman ito ng mga katanungan o
pupunan ang patlang ng pangungusap o
talata upang maproseso kung anong
natutuhan mo mula sa aralin.
Isagawa Ito ay naglalaman ng gawaing makatutulong
sa iyo upang maisalin ang bagong kaalaman
o kasanayan sa tunay na sitwasyon o
realidad ng buhay.
Tayahin Ito ay gawain na naglalayong matasa o
masukat ang antas ng pagkatuto sa
pagkamit ng natutuhang kompetensi.
Karagdagang
Gawain
Sa bahaging ito, may ibibigay sa iyong
panibagong gawain upang pagyamanin ang
iyong kaalaman o kasanayan sa natutuhang
aralin.
Susi sa Pagwawasto Naglalaman ito ng mga tamang sagot sa lahat
ng mga gawain sa modyul.
Sa katapusan ng modyul na ito, makikita mo rin ang:
Ang sumusunod ay mahahalagang paalala sa paggamit ng modyul na ito:
1. Gamitin ang modyul nang may pag-iingat. Huwag lalagyan ng anumang
marka o sulat ang anumang bahagi ng modyul. Gumamit ng hiwalay
na papel sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang
gawaing napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga
gawain at sa pagwawasto ng mga kasagutan.
5. Tapusin ang kasalukuyang gawain bago pumunta sa iba pang
pagsasanay.
6. Pakibalik ang modyul na ito sa iyong guro o tagapagdaloy kung tapos
nang sagutin lahat ng pagsasanay.
Kung sakaling ikaw ay mahirapang sagutin ang mga gawain sa modyul na
ito, huwag mag-aalinlangang konsultahin ang inyong guro o tagapagdaloy.
Maaari ka rin humingi ng tulong sa iyong mga magulang, sa nakatatanda
mong kapatid o sino man sa iyong mga kasama sa bahay na mas nakatatanda
sa iyo. Laging itanim sa iyong isipang hindi ka nag-iisa.
Sanggunian
Ito ang talaan ng lahat ng pinagkuhanan sa
paglikha o paglinang ng modyul na ito.
7.
v
Umaasa kami, sa pamamagitan ng modyul na ito, makararanas ka ng
makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!
8.
Sa modyul na ito, inaasahang maipamamalas mo ang sumusunod na kaalaman,
kakayahan, at pag-unawa:
1. Natutukoy ang mga kahalagahan sa pagkakaroon ng gabay sa pagpapasya at
pagkilos
2. Nakapagbibigay ng sitwasyon sa buhay na kung saan nagsasagawa ng
pagpapasiya
3. Nakasusulat ng tula o sanaysay sa mga positibong katangian
4. Napahalagahan ang mga positibong katangian upang makamit ang mga mithiin at
pangarap sa buhay
Personal na Pahayag ng Misyon sa Buhay
MGA KASANAYANG PAMPAGKATUTO:
Nakapagpapaliwanag ng kahalagahan ng Personal na Pahayag ng Misyon sa
Buhay. (EsP9PKIVc-14.1)
Natutukoy ang mga hakbang sa pagbuo ng Personal na Pahayag ng Misyon sa
Buhay. (EsP9PKIVc-14.2)
Alamin
Mga Layunin
9.
Panuto: Basahin at unawaing mabuti ang bawat pahayag. Isulat ang tamang sagot
sa iyong kuwaderno.
1. Alin sa sumusunod ang hindi kahulugan ng Personal na Misyon sa Buhay?
A. Ito ang batayan ng tao sa kaniyang pagpapasiya.
B. Ito ay katulad ng isang personal na Kredo o motto na nagsasalaysay ng
nais mong mangyari sa iyong buhay.
C. Isang magandang paraan ito upang higit na makilala ang sarili.
D. Ito ay Gawain tungo sa paglilingkod sa kapwa.
2. Ang Personal na Misyon sa Buhay ay maaaring mabago o palitan.
A. Tama, sapagkat araw-araw ay mayroong nababago sa tao.
B. Mali, sapagkat mawawala ang tuon ng pahayag kung ito ay babaguhin o
papalitan.
C. Tama, sapagkat patuloy na nagbabago ang tao sa konteksto ng mga
sitwasyon sa buhay.
D. Mali, sapagkat ito na ang iyong saligan sa buhay. Maaaring magkaroon ng
problema kung ito ay babaguhin pa.
3. Ayon kay Stephen Covey, nagkakaroon lamang ang misyon natin sa buhay
ng kapangyarihan kung:
A. Nagagamit sa araw-araw nang mayroong pagpapahalaga.
B. Nakikilala ng tao ang kaniyang kakayahan at katangian.
C. Nagagampanan nang balance ang tungkulin sa pamilya, trabaho at
komunidad.
D. Kinikilala niya ang kaniyang tungkulin sa kapuwa.
4. Ito ay hangarin ng isang tao sa buhay na magdadala sa kaniya tungo sa
kaganapan.
A. Misyon
B. Bokasyon
C. Propesyon
D. Tamang direksiyon
5. Ang ibig sabihin nito ay calling o tawag.
A. Bokasyon
B. Misyon
C. Tamang Direksiyon
D. Propesyon
6. Saan dapat makabubuti ang isasagawang pagpapasiya?
A. Sarili, simbahan, at lipunan
B. Kapuwa, lipunan, at paaralan
C. Paaralan, kapuwa, at lipunan
D. Sarili, kapuwa, at lipunan
7. Ang sumusunod ay pansariling pagtataya sa paglikha ng Personal na Misyon
sa buhay maliban sa:
A. Suriin ang iyong ugali at katangian
Subukin
10.
B. Tukuyin ang mga pinahahalagahan
C. Sukatin ang mga kakayahan
D. Tipunin ang mga impormasyon
8. Sa paggawa ng Personal na MIsyon sa buhay kinakailangan na gamitan mo
ito ng SMART. Ano ang kahulugan nito?
A. Specific, Measurable, Artistic, Relevance, Time Bound
B. Specific, Measurable, Attainable, Relevance, Time Bound
C. Specific, Manageable, Attainable, Relevance, Time Bound
D. Specific, Manageable, Artistic, Relevance, Time Bound
9. Bakit mahalaga na magkaroon ng tamang direksiyon ang isang tao.
A. Upang siay ay hindi maligaw
B. Upang matanaw niya ang hinaharap
C. Upang mayroon siyang gabay
D. Upang magkaroon siya ng kasiyahan
10. Ayon kay Rev. Fr. Jerry Orbos, ang tunay na misyon ay ang paglilingkod sa
Diyos at kapuwa. Ano ang maibibigay nito sa tao sa oras na isinagawa niya
ito?;;
A. Kapayapaan
B. Kaligtasan
C. Kaligayahan
D. Kabutihan
Mahalagang sigurado ang tao sa landas na kaniyang tinatahak. Ito ang susi na
makatutulong sa kaniya upang makamit ang kaniyang mga layunin sa buhay. Balikan
natin ang iyong napag-aralan noong nasa baitang 7 ka, tinatalakay ninyo ang tungkol
sa tamang pagpapasiya. Ito ay mahalaga sa pagkakaroon ng makabuluhang buhay
at ganap na pagkatao. Kaya sa tuwing nagpapasiya, kinakailangang pag-isipan ito
nang makailang ulit upang maging sigurado at hindi maligaw. Ito ay dapat na
makabubuti sa sarili, sa kapuwa at sa lipunan.
Panuto:
1. Magbigay ng tatlong sitwasyon kung saan nagsagawa ka ng pagpapasiya.
2. Punan ang mga kasunod na kolum ayon sa impormasyong hinihingi ng mga
ito.
3. Gawin ito sa kuwaderno.
Balikan
Tuklasin
11.
Limang
sitwasyon na
kailangan kong
magpasiya
Pasiyang nabuo
ko at dahilan o
batayan nito
Mabuting
naidulot
Hindi mabuting
naidulot
1.
2.
3.
1. Ano ang natuklasan mo sa iyong sarili batay sa mga pagpapasiyang ginawa mo?
2. Bakit mahalaga na magpasiya nang tama? Ipaliwanag.
3. Mayroon ba itong magiging epekto sa iyong buhay sa hinaharap? Ipaliwanag.
Mahalagang sigurado ang tao sa landas na kaniyang tinatahak. Ito ang susi na
makatutulong sa kaniya upang makamit ang kaniyang mga layunin sa buhay. Balikan
natin ang iyong napag-aralan noong nasa Baitang 7 ka, tinalakay ninyo ang tungkol
sa tamang pagpapasiya. Ito ay mahalaga sa pagkakaroon ng makabuluhang buhay
at ganap na pagkatao. Kaya sa tuwing nagpapasiya, kinakailangang pag-isipan ito
nang makailang ulit upang maging sigurado at hindi maligaw. Ito ay dapat na
makabubuti sa sarili, sa kapuwa, at sa lipunan.
Sa pagpapasiya, kailangan mo ng gabay. Tulad ng isang bulag, lubos siyang
mahihirapan sa paglalakad kung walang tungkod na gagabay sa kaniya. Ito ang
nagsisilbing kasangkapan niya upang marating niya ang kaniyang nais puntahan.
Gayundin ang tao, kailangan niya ng gabay sa pagpapasiya upang hindi siya
magkamali;; nang sa gayon, magkakaroon siya ng tamang direksiyon sa pagkamit ng
mga layunin niya sa buhay. Bakit ng aba mahalaga na magkaroon ng direksiyon ang
buhay ng tao? Una, sa iyong paglalakbay sa buhay mo ngayon, nasa kritikal na yugto
ka ng buhay. Anuman ang piliin mong tahakin ay makaaapekto sa iyong buhay sa
hinaharap. Kung kaya’t mahalagang maging mapanuri at sigurado sa iyong gagawin
na mga pagpapasiya. Ikalawa, kung hindi ka magpapasiya ngayon para sa iyong
kinabukasan, gagawin ito ng iba para sa iyo-halimbawa ng iyong magulang, kaibigan,
o media. Kung kaya’t dapat na maging malinaw sa iyo ang iyong tunguhin dahil kung
hindi, susundin mo lamang ang mga idinidikta ng iba sa mga bagay na iyong gagawin.
Ano nga ba ang kahulugan ng Personal na Pahayag ng Misyon sa Buhay
(PPMB)? Ito ay katulad ng isang personal na kredo o isang motto na nagsasalaysay
kung paano mo ninanais na dumaloy ang iyong buhay. Ito ay magiging batayan mo
sa iyong gagawin na mga pagpapasiya sa araw-araw. Isang magandang paraan ito
upang higit mong makilala ang iyong sarili at kung saan ka patutungo. Nagsisilbi itong
simula ng metatag na pundasyon sa pagkakaroon mo ng sariling kamalayan at mataas
na pagpapahalaga sa iyong mga layunin sa buhay. Hindi madali ang paglikha nito,
dahil nangangailangan ito ng panahon, inspirasyon, at pagbabalik-tanaw.
Suriin
n
12.
Ayon kay Stephen Covey sa kaniyang aklat na Seven Habits of Highly Effective
People, “begin with the end in mind.” Nararapat na ngayon pa lamang ay malinaw na
sa iyong isip ang isang malaking larawan kung ano ang nais mong mangyari sa iyong
buhay. Mahalagang kilalanin mong mabuti ang iyong sarili at suriin ang iyong
katangian, pagpapahalaga, at layunin. Mag-isip ng nais mong mangyari sa hinaharap
at magpasiya sa direksiyon na iyong tatahakin sa iyong buhay upang matiyak na ang
bawat hakbang ay patungo sa mabuti at tamang direksiyon. Ayon din kay Covey, ang
pagbuo ng Personal na Pahayag ng Misyon sa Buhay ay nararapat na iugnay sap ag-
uugali at paniniwala sa buhay.
Ano ng aba ang misyon? Ang misyon ay ang hangarin ng isang tao sa buhay
na magdadala sa kaniya tungo sa kaganapan. Para sa iba ito ay pagtupad sa isang
trabaho o tungkulin nang buong husay, na may kasamang kasipagan at
pagpupunyagi.
Mula sa misyon, ay mabubuo ang tinatawag na bokasyon. Ang bokasyon ay
galing sa salitang Latin na “vocatio”, ibig sabihin ay “calling” o tawag. Ito ay malinaw
na ang bawat tao ay tinawag ng Diyos na gampanan ang misyon na ipinagkaloob
niya sa atin. Ito ay mahalaga sa pagpili mo ng propesyong akademik, teknikal-
bokasyonal, sineng at disenyo, at isports pagkatapos mo ng Senior High School.
May pagkakaiba ba ang propesyon sa misyon? Mahalaga na ito ay iyong
mabatid sapagkat sa anumang propesyon na iyong tatahakin, kailangan na makita mo
ang kaibahan nito at kung paano mo ito iuugnay sa iyong buhay.
Ang propesyon ay trabaho na ginagawa ng tao upang siya ay mabuhay. Ito ang
resulta ng kaniyang pinag-aralan o matagal na ginagawa at nagging eksperto na siya
dito. Ito ay maaaring gusto niya o hindi ngunit kailangan niyang gawin sapagkat ito
ang pinagkukunan niya ng kaniyang ikabubuhay. At dahil sa ikabubuhay lamang
nakatuon ang kaniyang paggawa hindi siya nagkakaroon ng ganap na kasiyahan.
Ang bokasyon naman ay katulad din nang propesyon ngunit nagiging mas
kawili-wili ang paggawa para sa tao. Mas lalo siyang nasisiyahan sapagkat nagagamit
niya ang kaniyang mga talento at hilig sa kaniyang ginagawa. Hindi niya
nararamdaman ang pagkabagot. Hindi nagiging kompleto ang araw sa kaniya kung
hindi ito magagawa sapagkat ito ang nakapagdudulot ng kasiyahan sa kaniyang
buhay. Mula dito ay hindi na lamang simpleng trabaho ang kaniyang ginagawa kundi
isang misyon na nagiging isang bokasyon. Dito tunay na nagkakaroon ang tao ng
tunay na pananagutan sapagkat naibabahagi niya ang kaniyang sarili at kumikilos siya
para sa kabutihang panlahat.
Sa paggawa ng PPMB ay kailangang isaalang-alang ang kraytiryang SMART,
ibig sabihin, Specific, Measurable, Attainable, Relevant, Time bound. Ito ay mahalaga
upang maging kongkreto sa iyo ang iyong tatahakin sa iyong buhay.
Tiyak (Specific). Kailangan ang lahat ng isusulat mo dito ispisipiko. Kung kaya’t
mahalaga na magnilay ka upang makita moa ng nais mong tahakin. Hindi
makatutulong sa iyo kung pabago-bago ka ng iyong nais. Kailangan mong siguraduhin
ang iyong gagawin.
Nasusukat (Measurable). Nasusukat mo ba ang iyong kakayahan? Kailangan
na ang isusulat mo sa iyong PPMB ay kaya mong gawin at isakatuparan. Dapat mo
ring pagnilayang mabuti kung ito ba ay tumutugma sa iyong mga kakayanan bilang
isang tao dahil kung hindi, baka hindi mo rin ito matupad.
13.
Naabot (Attainable). Tanungin ang sarili: makatotohanan baa ng aking PPMB?
Kaya ko bang abutin o gawin ito/ mapanghamon ba ito?
Angkop (Relevant). Angkop ba ito para makatugon sa pangangailangan ng
iyong kapuwa? Isa ito sa kinakailangan mong tingnan at suriin. Dito ay kailangang
ituon mo ang iyong isip na ang buhay ay kailangan na ibahagi sa iba.
Nasusukat ng Panahon (Time Bound). Kailangan na magbigay ka ng takdang
panahon o oras kung kailan mo maisasakatuparan ang iyong isinulat. Ito ang
magsasabi kung ang personal na pahayag ng misyon sa buhay ay iyong nagawa o
hindi. Kailangan rin na itakda ito kung pangmatagalan o pangmadalian lamang upang
maging gabay mo ito sa iyong mga pagpaplano at pagpapasiyang gagawin.
Panuto: Basahin at sagutin ang mga sumusunod na tanong.
1. Ano ang kahulugan ng Personal na Pahayag ng Misyon sa Buhay?
Ipaliwanag.
2. Bakit kailangang alamin ng isang tao kung sino ang pinakasentro ng
kaniyang buhay bago siya gumawa ng Personal na Pahayag ng Misyon sa
Buhay?
3. Bakit mahalagang magkaroon ng direksiyon ang buhay ng tao?
4. Mayroon bang pagkakaiba ang misyon sa propesyon? Patunayan.
5. Sa iyong palagay makatutulong ba ang pagbuo mo ng Personal na Misyon
sa buhay upang maging malinaw sa iyo ang karera o kurso na iyong pipiliin?
Paano?
Pagyamanin
14.
1. Isulat sa loob ng bituin ang iyong mga positibong katangian.
2. Pagkatapos, pumili ng isang katangian mo na gustong-gusto mo.
3. Ipaliwanag mo kung bakit mo ito nagustuhan. Ano ang naitulong nito sa iyo?
Isaisip
Isagawa
Napag alaman ko na ____________________________________.
Napagtanto ko na _______________________________________
Ang aking gagawin ay ___________________________________
15.
I. Basahin at unawaing mabuti ang bawat aytem. Isulat ang titik ng iyong
sagot sa iyong kuwaderno.
1. Saan dapat makabubuti ang isasagawang pagpapasya?
A. Sarili, simbahan at lipunan
B. Paaralan, kapuwa at lipunan
C. Kapuwa, lipunan at paaralan
D. Sarili, kapuwa at lipunan
2. Ito ay ang hangarin ng isang tao sa buhay na magdadala sa kaniya
tungo sa kaganapan.
A. Misyon
B. Bokasyon
C. Propesyon
D. Tamang Direksiyon
3. Ang mga sumusunod ay pansariling pagtataya sa paglikha ng
Personal na misyon sa buhay maliban sa:
A. Suriin ang iyong ugali at katangian
B. Tukuyin ang mga pinahahalagahan
C. Sukatin ang mga kakayahan
D. Tipunin ang mga impormasyon
4. Alin sa sumusunod ang hindi kahulugan ng Personal na Misyon sa
Buhay?
A. Ito ang batayan ng tao sa kaniyang pagpapasiya
B. Ito ay katulad ng isang personal na Kredo o motto na
nagsasalaysay ng nais mong mangyari sa iyong buhay.
C. Isang magandang paraan ito upang higit na makilala ang sarili
D. Ito ay Gawain tungo sa paglilingkod sa kapuwa
5. Sa paggawa ng Personal na Misyon sa buhay kinakailangan na ito
gamitan mo ng SMART. Ano ang kahulugan nito?
A. Specific, Measurable, Artistic, Relevance, Time Bound
B. Specific, Measurable, Attainable, Relevance, Time Bound
C. Specific, Manageable, Attainable, Relevance, Time bound
D. Specific, Manageable, Artistic, Relevance, Time Bound
6. Ang ibig sabihin nito ay calling o tawag.
A. Bokasyon
B. Misyon
C. Tamang Direksiyon
D. Propesyon
Tayahin
16.
7. Bakit mahalaga na magkaroon ng tamang direksiyon ang isang tao?
A. Upang siya ay hiindi maligaw
B. Upang matanaw niya ang hinaharap
C. Upang mayroon siyang gabay
D. Upang magkaroon siya ng kasiyahan
8. Ang Personal na Misyon sa Buhay ay maaaring mabago o palitan.
A. Tama, sapagkat araw-araw ay mayroong nababago sa tao.
B. Mali, sapagkat mawawala ang tuon ng pahayag kung ito ay
babaguhin o papalitan.
C. Tama, sapagkat patuloy na nagbabago ang tao sa konteksto ng
mga sitwasyon sa buhay.
D. Mali, sapagkat ito na ang iyong saligan sa buhay. Maaaring
magkaroon ng problema kung ito ay babaguhin pa.
9. Ayon kay Rev. Fr. Jerry Orbos, ang tunay na misyon ay ang
paglilingkod sa Diyos at kapuwa. Ano ang maibibigay nito sa tao sa
oras na isinagawa niya ito?
A. Kapayapaan
B. Kaligayahan
C. Kaligtasan
D. Kabutihan
10. Ayon kay Stephen Covey, nagkakaroon lamang ang misyon natin sa
buhay ng kapangyarihan kung:
A. Nagagamit sa araw-araw nang mayroong pagpapahalaga
B. Nakikilala ng tao ang kaniyang kakayahan at katangian
C. Nagagampanan nang balanse ang tungkulin sa pamilya, trabaho
at komunidad
D. Kinikilala niya ang kaniyang tungkulin sa kapuwa
1. Sumulat ng isang tula o maaaring sanaysay sa mga positibong katangian.
Dapat sundin ang pamantayan sa paggawa.
A. Tula at Sanaysay
Ideya o konsepto na naaayon sa paksa ---------- 10 puntos
Kaisahan --------------------------------------------------- 5 puntos
15 puntos
Karagdagang
Gawain
17.
Sanggunian
Mary Jean B. Brinzuela et.al, 2015, Edukasyon sa Pagpapakatao-Ikasiyam na
Baitang, Unang Edisyon, 5th
Floor Mabini Bldg.,DepEd Comples Meralco Avenue,
Pasig City Philippines 1600
Division of Negros Oriental ESP DLP Initiated
Susi sa
Pagwawasto
Subukin
1. D
2. C
3. C
4. A
5. A
6. D
7. D
8. B
9. C
10. C
Tuklasin
1.
Ang sagot ay maaring magkaiba-iba.
Pagyamanin
1.
Ang sagot ay maaring magkaiba-iba.
2.
Ang sagot ay maaring magkaiba-iba.
3.
Ang sagot ay maaring magkaiba-iba.
4.
Ang sagot ay maaring magkaiba-iba.
5.
Ang sagot ay maaring magkaiba-iba.
Isagawa: Ang sagot ay maaring magkaiba-iba.
Tayahin:
1. D
2. A
3. D
4. D
5. B
6. A
7. C
8. C
9. C
10. C
18.
Para sa mga katanungan o puna, sumulat o tumawag sa:
Department of Education – Schools Division of Negros Oriental
Kagawasan, Avenue, Daro, Dumaguete City, Negros Oriental
Tel #: (035) 225 2376 / 541 1117
Email Address: negros.oriental@deped.gov.ph
Website: lrmds.depednodis.net