1. CRÓNICA ÉXITO CAMPAÑA EMERXENCIA EN NEPAL
Nepal foi sacudido por dous grandes terremotos durante as últimas semanas,
levándose por diante a vida de miles de persoas e a destrución deste fermoso país que
alberga as montañas máis altas do planeta. Ante este feito e a cantidade de
chamamentos que se veñen realizando por diferentes organizacións humanitarias, o
CPI Virxe da Cela quíxose unir para aportar o noso grao de area.
Nesta ocasión a iniciativa vén da man do alumnado de 2º da ESO, que está a
elaborar con moito cariño e coidado diferentes obxectos (lapis, marcapáxinas,
pulseiras) cunha pequena tarxeta que nos lembra “SOS NEPAL”. Tras unha pequena
campaña de sensibilización visitando as aulas de todo o centro e enviando cartas
informativas ás familias, xa teñen instalado un mostrador na entrada do edificio da
entrada onde están á venda estes obxectos, así como o noso xa entrañable “porquiño”
onde depositar donativos.
Canalizaremos a nosa axuda a través da ONG Entreculturas, que xa ten
proxectado un plan de intervención no país devastado polo terremoto que consta de
tres fases: a primeira de axuda de emerxencia, a segunda de recuperación temerá e a
terceira e última de rehabilitación. Recuperarse deste duro golpe vai ser unha meta tal
alta de alcanzar como coroar o cumio do Everest. Nepal necesita a nosa axuda.