Recensión

1. Pablo Vallejo Vérez 1ºBach A
Comentario de Luces de Setembro
As luces de Setembro é unha novela do gran escritor
español Carlos Ruiz Zafón que forma parte da Triloxía
da Néboa. Foi publicada en 1995 e é considerada como
ciencia ficción. A historia ten como protagonistas a
Ismael e Irene, dous adolescentes que vivirán un verán
de ilusión e pesadelo na costa de Normandía.
O libro de Zafón transpórtanos a Baía azul, pobo ao que
se muda a familia de Irene, e no que crece Ismael en
compañía dos seus tíos. A historia iníciase coa morte do
pai da moza o cal obriga á súa nai para aceptar un
traballo como ama de chaves para o construtor de
xoguetes Lazarus Jann. O millonario ofreceralles casa,
un bo soldo e mesmo pagar os estudos de Irene e o seu
irmán Dorian. O único malo é que o encantador xefe
esconde un terrible secreto.
A mansión Cravenmoore
Cravenmoore, mansión do millonario, é como un gran personaxe dentro da historia, xa
que está poboada de decenas de xoguetes e autómatas. Os detalles que brinda o autor
sobre esta especie de museo xustifican a curiosidade e emoción que vive a familia ao
visitalo por primeira vez. A monumental construción ten pasadizos descoñecidos e
habitacións con portas nas que están talladas formas marabillosas extraídas de contos
antigos. Ademais, ten unha sección que só pode ser visitada polo seu dono.
Hannah
O namoramento de Ismael e Irene e os seus longos paseos en bote veranse trastornados
pola fulminante morte de Hannah, curmá de Ismael e gran amiga de Irene. O deceso de
Hannah desatará a acción de forma vertixinosa na historia, xa que pasaremos dun
primeiro bico a loitar por sobrevivir neste paraíso costeiro. Ismael e Irene comezarán a
investigar a súa morte e descubrirán que Cravenmoore está habitada por unha maléfica
presenza á que non lle importa matar.
A figura do Doppelgänger
Neste libro o autor utiliza a figura do Doppelgänger: palabra de orixe alemá que alude a
un dobre ou sombra maléfica dunha persoa viva. Primeiro Zafón fai que o termo apareza
nun libro que está a ler Lazarus na súa marabillosa biblioteca e deixa ao lector coa
curiosidade de saber máis. Coido que para Zafón esta novela é un xogo de misterio no
que che vai dando pistas para que tentes pescudar que está a pasar e en quen podes
confiar realmente. Máis adiante a propia sombra maléfica contaranos a súa orixe e como
está ligada a Lazarus Jann.
Este libro é bastante dinámico e brinda unha dose ben equilibrada de romance, misterio e
ficción. Ademais, que inicie e termine cunha carta dálle un toque moi persoal que me fai
sentir máis preto dos personaxes principais.
Portada de “As luces de setembro ”
Ed. Periscopio