1. Walang lan Semut
Salah sijining dina, walang ketemu karo semut sing lagi padha nyambut gawe
nglumpukake pangan. Walang mikir, ana apa ya kok semut ora gelem ngrasakake mangsa panas?
Terus walang mau takon, “Mut, semut, kok kowe nyambut gawe ing mangsa panas iki? Kudune
kowe seneng-seneng, jejogetan, dolanan musik, lan tetembangan.”
Semut mangsuli, “Kabeh nyambut gawe golek pangan sing arep dak simpen, mbangun
omah kanggo ngeyub saka hawa adem. Besuk yen mangsa adem, mesthi njekut tha ademe. Kudu
padha ngrasakake angete ana jero omah. Kudune kowe uga siap-siap kanggo tekane mangsa
adem. Lha mengko kowe ora duwe tandon pangan lan ora duwe omah tha?”
“Halah, kuwi ora nyenengake. Aku arep dolanan, joget, tetembangan sak jroning mangsa
panas.” Wangsulane walang trus ninggalake semut sing isih padha nyambut gawe golek
panganan.
Ora let suwe, mangsa panas rampung lan mangsa rontok teka. Semut sansaya sibuk golek
pangan, garingake was-wasan sing ana isine kanggo tandon mangsa adem. Si walang malah
dolanan biola lan gawe tembang. “Koe kabeh padha nyambut gawe, aku jejogetan lan gawe
tembang ing mangsa panas iki. Gaweane kowe kabeh jelehi tenan.”
Mangsa adem wis teka, angine kenceng lan ana udan salju. Semut –semut padha ngeyub
ing omahe lan mangan sesimpanan panganan sakjroning mangsa adem. Ujug-ujug krungu swara
ngrintih kengelihen saka jaba. Semut metu lan nemokake walang sing lagi kademen lang
kaluwen. “Tulungana aku, kowe rak duwe tandon panganan sing akeh, apa aku iso jaluk?”
Akeh semut sing ora nyetujuni padha bengok-bengok. “Salahe kowe ora gelem nyimpen
panganan dek mangsa panas biyen!”
“Aku ora duwe wektu kanggo nyiapake pangan. Aku ubeg gawe tembang sadurunge aku
sadar menawa mangsa panas wis rampung.” Wangsulane walang.
Semut anyel mergo walang kesed, ning padha mesakake karo walang, “Ya tak wenehi
pangan neng omahku, nanging kowe kudu mainake biola karo joget kanggo aku lan sing liyane
sakjroning mangsa adem, arepa aku wis nyambut gawe nganti kesel.” Ujare semut.
Walang sujud syukur lan setuju. Saka pengalaman iku, deweke sinau saka semut. Yen
suk mangsa panas arep nyambut gawe nglumpukake pangan lan gawe omah sakdurunge seneng-
seneng.
Maria Andriani Guntoro
XI MIA 11 - 19
