The document provides information about an essay writing course in Kichwa held in the community of Caguanapamba, Ecuador. It summarizes the history of the community, noting that it dates back to a land deed from 1603 granting the land to the indigenous leader Maria Inga Gañalsug. The community belongs to various indigenous organizations and is known for its diversity of flora, fauna, gastronomy, tourism, traditions, and living culture. The summary also lists some key terms: Caguanapamba, history, culture.

1. BIBLIOTECA ACADÉMICA ECUATORIANA
CURSO DE ESTILO Y REDACCIÓN DE LA
LENGUA KICHWA
YACHACHIK:
DR. LUIS MONTALUISA
YACHAKUK:
SEGUNDO H. CHIMBORAZO ZHAU
YACHAYWA:
“CAGUANAPAMBA AYLLULLAKTA”
SHUKNIKI RURAY:
EABORACIÓN DE UN ENSAYO EN KICHWA.
DICIEMBRE 2023
CAÑAR - ECUADOR

2. UCHILLAYACHISHKA YUYAY
RESUMEN
La comunidad de Caguanapamba es una de las comunidades milenarias y autónomas
netamente indígenas que corresponde a la nacionalidad Kichwa del pueblo - Cañari del
Ecuador, pertenece al cantón el Tambo filial a la organización cantonal UCOIT, a la
provincial UPCCC, a la regional ECUARUNARI y posteriormente a la organización
nacional CONAIE. Esta comunidad según la historia ha sido liberada de la invasión, de
los grandes hacendados y terratenientes; data de una escritura desde la época de la colonia
inscrita en el año 1603 en la ciudad de Santa Ana de Cuenca, donde el Gral. Pedro Muñoz
Rico Salto de Avaro vende los terrenos de aproximadamente 2.444,778 hectáreas de estas
comunidades (Caguanapamba y Sisid) a favor de la mujer líderesa indígena María Inga
Gañalsug. Posee una diversidad de encanto en flora, fauna, gastronomía, turismo,
tradición y cultura viva.
PALABRAS CLAVES. Caguanapamba, historia, cultura.
SUMMARY
The community of Caguanapamba is one of the millenary and autonomous indigenous
communities that corresponds to the Kichwa nationality of the Cañari people of Ecuador.
It belongs to the canton of El Tambo, affiliated to the cantonal organization UCOIT, to
the provincial organization UPCCC, to the regional organization ECUARUNARI and
later to the national organization CONAIE. This community according to history has been
liberated from the invasion of large landowners and landowners; dates from a deed from
the time of the colony registered in 1603 in the city of Santa Ana de Cuenca, where Gen.
Pedro Muñoz Rico Salto de Avaro sold the land of approximately 2,444.778 hectares of
these communities (Caguanapamba and Sisid) in favor of the indigenous woman leader
Maria Inga Gañalsug. It has a diversity of charm in flora, fauna, gastronomy, tourism,
tradition and living culture.
KEY WORDS. Caguanapamba, history, culture.

3. “CAGUANAPAMBA AYLLULLAKTA”
Maypitak kanchik
Caguanapamba ayllullaktaka
Cañar marka, Tambo kitipi
kuskayashkami kan, ñukanchik
llaktaka achka chirimi kan,
shinashpami 10 - 20o
C
chirikunuypachata1
charin; 3.100
msnm aksiypimi2
taririn;
2.444,778 kayllayachiy3
patsaktatkipampatami4
charin.
Caguanapamba shimika kichwa
shimimantami shamun, kawana = mirar, observar, pampa = planicie, llanura.
Saywakuna5
Kay Caguanapamba
ayllullaktaka Sisid
ayllullaktawan
ishkantinchishkami kan.
Chinchaysuyutaka: Chimborazo
markawan. Kullasuyutaka: Cañar
mayuwan. Antisuyutaka:
Ingapirca kitilliwan, shinallatak
(Castillo, Silante Bajo, Turchi
Cochapamba) muyuntin
ayllullaktakunawan. Kuntisuyutaka: Juncal kitilliwan, Mushuk Jalupata, Cuchucorral,
Marcopamba, Coyoctor ayllullaktakunawan.
1
Chirikunuypacha / clima
2
Aksiy / altitud
3
Kayllayachiy / aproximar
4
Patsaktatkipampa / hectárea
5
Saywa / límite. Cartografía GPC. Restitución UPCCC. GPS Campo https://fcaguana-
utpl.blogspot.com/2011/

4. Wiñaykawsay
Caguanapamba, Sisid
llaktakunaka
ñawpapachamanta hatun
ayllullaktakunami kan.
Shinami Cuencapa Santa Ana
llaktapi kay ayllullaktakunapa
allpa killkaka rurarishka,
Mana alli riksirik, yacharik
usharinchu, killkakamayukpa6
shutitaka, shinapish 1603
watapi 25 wayru killkapimi killkaka rikurin, kay uyanchakkunapa7
ñawpakpi: Sebastian
de la Madrid y Cavío, Juan Tello de la Checa, Andrés Segarra yayapish; shukta
manyamantaka kay ishkay ayllullaktapi kawsak runakunapa yanapawaymantaka Pedro
Mayún taytami shuti aspiktaka rurashka, shinallatak Gral. Pedro Muñoz Rico Salto de
Avaro allpa katukmi shuti aspiktaka rurashka; Chashnami kay allpakunaka mama Maria
Inga Gañalsug warmiman katushka sakirishka, pimi 500 pesos antakullkipi, shinallatak 2
pukchiku8
kuripi payllashka. (Caguanapamba ayllullaktapa killka 1603)
Churarinakuna
Ayllullaktapika tayta mamakunallami ñawpa kikin churarinataka churarinkuna, kipa
wiñay wamrakunaka sapallaku hatun punchakunallapimi mutsuypankuna, ñukanchik
kikin churarinawanka sumaymanami wamrakuna, wawakunaka rikurinchik.
6
Killkakamayuk/ escribano
7
Uyanchak / testigo
8
Pukchiku / onza

5. Karipa churanakuna
Ñawpa pachakunamantami yurak tullpu millma
muchikuta churarinchik, shinallatak ruwanaka
pacha puchka wiwikapak millmawan “ishkay
kallupi” awanakaspipi awashkami kan; puka,
yana, ankas tullpukunatami mutsuypanchik,
ruwanata urayman kacharishkata
churakushpaka Pachamamawan paktalla
kawsaytami rikuchin, shinallatak rikraman
shitashpa churakushpaka ninan kariyashka (taslla) kashkatami rikuchin; pacha
millmawan awashka yana tullpu kushmatami churarinchik, tallpaka yurak pintupi tullpu
sisakunata chantashkami kan, yurak pintu tullpuka punchalla yuyaywan alli kawsaytami
rikuchin, chikan sumak tullpu chumpikunami tiyan, kaykunaka sumak shuyukunawan
awashkami kan, ñawchipika chumpikuwan sirachishkami kan, kay warapish wiwikapak
millmawan awashka yana tullpumi kan, Caguanapamba runakunaka suni chimpashka
akchatami charinchik, suni akchakata charinaka ñawpa yayakunapa sapi yachaywanmi
riksirinchik, karipa ushutaka (alpargata) yana tullpu karapi manakashpaka shirinkawan
rurashkami kan.
Warmipa churana
Kay ayllullaktapa warmipa muchikuka sisanchishkami
kan, llama millmawan rurashka, hatun ankara yurak
muchikumi kan, muchikuka ishkay uchilla yurak
puyllukunatami warkuchishkata charin, kunanpika
kaytaka kipa wiñay kuytsakunaka raymikunallapimi
churarinkuna. Kaywanka karilla warmi kayta, shinallata
Chimborazo taytapa rasu umatami rikuchinchik,
shinapish, muchikuka mana runakunapa pacha churakuna
kashkachu ninmi, kunanpika ñukanchikpa pacha
tikrachishkami kan. Kay suni paychika, killu mulluwan,
mana kashpaka puka mulluwan, rurashkami kan.
Uraymanyapika kuri chakatata warkushkami kan. Killu suni paychitaka ishkantin rinripi
warkuchishpami churarinkuna, shinapish alli kuri paychitaka hatun raymikunallapimi

6. churankuna, shinallatak sumaymana kullki suni paychitaka sawarina punchapi, mana
kashpaka willkaypami (adorar) churankuna. Kayta churakushpaka kuyaytami
rikuchinchik. Wallkaka rumimanta puka tullpu mullukunata puchkapi pallashkami kan,
kaytaka kunkapimi aparinchik, shinapish kay puka tullpuwanmi runakunapak unanchata
rikuchinchik. Ñawpa pachapi tantanakuykunata pushak sinchi apuk taytakunapa
hichashka yawartami rikuchin. Sarun pachakunapika, kay wallkaka raku muruwan
rurashkami kashka. Kullkisapa warmikunaka kunka hunta wallkatami churarin kashka.
Kunan pachapika uchilla mullukuta, ashallatami churarinkuna. Kay pachallina pintuka
yana, puka, ankas, maywa tullpupish kayta ushanmi. Kaytaka chirikunapi pillurinkapak,
mana kashpaka kukawita aparinkapakpish mutsuypankuna. Shinapish kunan
pachakunapika tawka tullpukunami rikurin. Wallkarinaka yana, puka, ankas, maywa
kashpapish sunilla pintumi kan. Kaytaka talpapa hawapimi churarinkuna. Shinashpapish
ishkaylayatami churarinkuna, ñawpaman churarishpaka sawarishka warmi kaytami
rikuchin; shinallatak shalakanashpa rikraman watarishpaka kuytsa kaytami rikuchin.
Shinallatak, ñawpa mamakunaka ishkay pachallitami pakta churarin kashka; uku
pachallinaka ima tullpupishmi kan, hawalla pachallinaka yanami kan. Tupuka llikllata
tupullinkapakmi mutsuypanchik, ñawpa pachamanta añañaymi9
kan, 10 cm suni anta
takarpu rumpa umayu, pirurupishmi kan, pirurupa chawpipika sumak kishpi, rumi,
yurakkishpi, tullpukunawanmi warawakunata10
apan, shinallata hutkuyukmi kan,
maypimi waminsi chumpikuwan watachinkuna, mana wallkarinamanta tupu urmachun.
Talpaka yurak chuya pintupi tullpu sisakunata chantashkami kan. Sisakunaka
Pachamamapi sisapampatami rikuchin.Makiwatanaka puka tullpu mulluta puchkapi
pallashkami kan, kaytaka makipimi watarinkuna. Ñukanchik mamakunaka shina
makiwatanata watarishpami sinchi makita charin kashka, imatapish llashaklla, sinchilla
allpallamkaykunata ruray ushankapak, mana maki ankuchun. Shinallata puka tullpuka
runakunapa sinchi samayta ushaytapishmi rikuchin. Ñawpa watakunapika, kay
makiwatanaka kural mullumi kana kashka. Chumpika maykankash tullpu
puchkakunawan rurashkami kan, makipi sunilla awashkami kan. Puka tullpuka
runakunapa sinchi samayta ushaytapishmi rikuchikun. Shinallatak, kay chumpika
warmipa wiksata, wawamamatapishmi wakaychin, sinchi warmi kachun ushaytapishmi
kun. Chaymantami chawpi ukkupi (cuerpo) watarishka kan. Sayaka warmipa
churarinami kan, kay churanaka wiwika millmamanta rurashkami. Kunkuri kamanmi
9
Añañay / joya
10
Warawa / adorno

7. chayan, wikawpimi watuwan watallirina, sumak sami tullpu puchkakunawan
chantashkami kan, sayakunaka puka, yana, waminsi, kishpu, killu tullpupishmi tiyan;
maykan warmikunaka ishkay sayakamanmi churarinkuna; kitiman, raymiman
llukshinkapaka chay mushuk sumaymana sayatami hawata wikaw watupi mikllashpa
churarinkuna; ukunchi sayaka mawkallami kan. Tikrashpapish sayataka churarinkunami.
Kay sayakunataka churarina katuy wasipimi rantinata ushankuna, kuytsakunaka ura
urallami sayataka churarinkuna, chumpiwampish watallirinkunami. Ushutakunaka
wakrakaramanta, shirinkamanta rurashka yana tullpumi kan, chakipampaka ashtawan
rakullami kan. Akchata watallirinkapakka suni ñañulla waminsi tullpu chumpikutami
mutsuypankuna, manakashpaka chimpata rurashpa sumak warawakunawanpish
watallirinkunami; sarun watakunapika akchataka umamati chawpipi paskashpami
ñakcharikkuna kashka, shinami Cañar runakunapa kawsaypi punchalla yuyayta
(pensamiento claro) rikuyta, munaytapish riksichin kashka.
Kawsak ayllushutikuna
Ñawpa apukkuna
Llaki kawsay
Hatunallpakunapa rantikuna
Yachakuy
Allpallamkay
Wakrakamay
Tantanakuy
Mikuy
Ñawpayachay
Ayllullaktapa Sumakuskakamay
Alliyachak wamrakuna
Llaktamantallukshiriy
“Caguanapamba” Ayllullaktamanta,
Segundo H. Chimborazo Zhau killkashka
2023

8. KAMUKUNAMANTA
TINKISHKAKUNA