Features

1. TOPIC: A GLIMPSE ON YOUR JOURNEY AS A CAMPUS PAPER ADVISER
KALISOD APAN NAGDALA UG KALIPAY UG KADAUGAN
By: Peter Paul C. Cubay
“Daghan ang gitawag, apan pipili lang ang gipili.”
Mao kini ang linya nga kanunay natong madumduman kun kita anaa sa katumanan sa atong
tagsa tagsa ka pangandoy sa kinabuhi human sa dili maisip nga mga pagpakibugno sa mga hagit nga
halos dili nato maagwanta ug makaya.
Usa lamang ako ka yanong magtutudlo sa kanhi nga panahon sa wala pa nako gilakat ang dalan
nga matod pa sa bangiitan nga magbabalak nga si Robert Frost “The Road less Travel”. Pero, nabag-
o ang tanan human nako gidawat ang usa sa mga buluhaton nga halos giayran sa tanan- ang
pagkaadviser sa school paper.
Normal lang sa bag-o nga empleyado ang pagsugot ug pagsanong sa mando sa iyang agalon.
Kini mao ang taras nga gihuptan sa mga Pilipino nga maoy hinungdan nga bisan asa nga parte sa
kalibutan sila paingon, gikahimot-an gayud ang sila sa ilang mga agalon. Usa ako sa mga tawgon nato
nga mga masinugtanon nga magtutudlo, busa sa walay pagduha duha akong gidawat ang maong
tahas gikan sa akong prinsipal nga ako ang mamahimong adviser sa school paper sa tumang
pagpaubos ug pagkamahinangpon.
Niadtong panahona, wala pay school paper ang among eskwelahan tungod kay bag-o pa kining
natukod. Sama sa usa ka giyera diin bugtong lapis ug bolpen ang among hinagiban, among gisagubang
ang tumang kalisod sa kahimtang sa pagsugod sa among gimbuhaton. Dako namong kalipay nga
human sa pipila ka bulan sa among paglihok, nahuman na gayud ang kinaunahan nga publikasyon sa
among eskwelaha. Mura ko ug gibayaw sa langit sa tumang kalipay nga nagmalampuson ang among
school paper bisan sa kulang sa budget ug panahon.
Apan, ang kalisod nga among giagian wala lang nahuman niadtong higayona. Dili tiaw ang ka
katungdanan sa usa ka school paper adviser. Tungod kay gikinaganglan man nga moapil sa Division
Schools Press Conference, nangandam na usab kami kauban sa akong mga staff aron sa pag-apil sa
maong sangka diin ang pagsulat maoy puhunan.
Sa walay swerte, wala kami nakadaug sa unang higayon tungod sa kakulang sa teknikal nga
kahibalo. Pero matod pa sa panultihon sa English nga “try and try until you succeed”, amo nausab nga
gisulayan ang pag-apil sa maong kompetisyon bawon ang pangandoy ug paningkamot nga amoa na
nga makab-ot ang kadaugan nga gidamgo sa matag-usa. Ug kalaooy sa Ginoo, nakuha na jud namo
ang kadaugan batok sa bagang doot sa mga manunulat sa probinsya sa Bohol.
Pagkatam-is gayud handumon ang mga gutlo diin among gisaw-an ang kadaugan nga hilabihan.
Kami sama sa mga bata nga walay boot nga nagpaninggit ug nanglukso taliwala sa mga katawhan
tungod sa kalipay nga dili masukod. Ang mga kasakit ug kalisod ang among nahiaguman sa panahon
sa among pagbansay bansay among kalit nga nahikalimtan gumikan sa kalampusan nga dili
katupngan.
Gikan niadto sunod sunod na ang among kadaugan, ug dili lang kay sa Division kon dili, amoa
usab naabot ang pinakataas nga ang-ang sa kompetisyon, ang National Schools Press Conference sa
halayo nga dapit sa nasud.
Tinood nga lisod ang proseso, apan ang katumanan sa tanan nga mga pag-antos ug paghago,
tipik lamang sa kagahapon nga pagkanindot balikan ug pagasaw-an kauban sa mga kabataan nga
aduna nay dakong parte sa akong dughan.
Busa, samtamg may panahon pa, atong gamiton ang mga talento nga gasa gikan sa Kahitas-
an aron sa paghatag ug inspirasyon sa mga kabataan nga atong gialagaran.
Daghan ang gitawag, apan pipili lang ang gipili…. KINSAY NAKAHIBALO NGA IKAW NAPUD
ANG SUNOD NGA PALARAN UG BULAHAN.