Berisikan tata cara ibadah gereja

1. AGENDRE WEMAOSO YESU
Sangai Agendre : Ya'ami banua Zo'aya, no owulo ita oi faonda ba wa'owuawua
dõdõ, meno maoso Zo'aya ya'ita Yesu Keriso moroi ba ngai
zimate. Andrõ ba dõi Yesu ma'owai ami : Ya'ahowu
Sato : Ya'ahowu
Sangai Agendre : Keriso So'aya, no maoso Keriso
Sato : Duhu, no maoso Keriso
Sangai Agendre : Ya faofao khomi Lowalangi
Sato : Ya fao Khõu Geheha-Nia
Sangai Agendre : Da ta'owua-wua'õ dõdõda wangondrasi Yehowa, da ta'omusoi'õ
dõdõda ba wamalua fasumangeta khõ Lowalangida. Tasuno Ia,
manunõ ita moroi ba mbuku zinunõ numero 109
“HE NIHA GULIDANO”
1. Suno Zo’aya, si maoso moroi ba lewatõ.
He tõdõgu, angalulu ba ohe zinunõ.
Meno mõna , lõ sanaha Ya’ia, bano te’ala zatana.
2. Suno Zo’aya me duhu no mõi salahida.
Tasuno Ia tõdõda me fangefa’õda.
Yesu lala, ba fa’aduhu Ia, same’e fangorifida.
3. Amati Yesu solaŵa fefu ududa.
Fa’abõlõ Yesu zame’e mõna ya’ita.
Sindruhu sa te’alani zatana, no mõna Yesu So’aya.
4. Tabu khõ Yesu, sogaoni niha mõi khõ Nama.
Dozi ita ya ta’o’õ Ia si no mõna.
Da tafati no Ifabu’u khõda wa’auri so’ahonoa.
"Votum"
Sangai Agendre : Da tahonogõ dõdõda ba wariawõsa, ba ba wa hasambua khõ
Lowalangi (Muzizio Zato)
Sangai Agendre : No owulo ita bada'e, ba dõi Lowalangi Ama, ba ba dõi nono-Nia
Yesu Keriso, ba ba dõi Geheha Ni'amoni'õ. Fangorifida ha ba
dõi Yehowa si no mombõi banua si yawa awõ danõ.
Sato : Y A D U H U
Sangai Agendre : ba nalõ mususugi Keriso, ba si lõ boto wamatimi andrõ, ba lõ si
tebulõ ami ba horõmi; ba iada'e, ba no mususugi Keriso, moroi
ba ngai zimate. Haleluya
Sato : H A L E L U Y A
Sangai Agendre : Mangandrõ ita: He Yesu Keriso So'aya ya'aga, sangorifi õsi
gulidanõ andre. Ma'andrõ saohagõlõ khõU me no õlawa
wa'abõlõ horõ ba fa'amate ba wemaoso-Mõ andrõ. Iada'e lõ
sa'ae ata'u ndra'aga ba lumõ wa'abõlõ wa'amate andrõ, Me no
maoso Ndra'ugõ ba wangorifi ya'aga. No alõmõ wa'amate
andrõ ba wemõna, No õ'efa'õ ndra'aga ba wa'abõlõ zogõmi-
gõmi, Ba no õ'ohe ndra'aga ba haga. No õ'efa'õ ndra'aga moroi
ba wesu horõ, irege tobali ndra'aga ono khõ Lowalangi Ama.
He Yesu Keriso no õfaogõ ndra'aga ba wa'amate-Mõ ba
tesusugi gõi ndra'aga ba wemaoso-Mõ andrõ, ma'andrõ khõ-U
bõi bulõ'õ khõma howu-howu-Mõ, me Ya'ugõ zamatõrõ banua
si yawa awõ danõ i'otarai da'e irugi ba zi lõ aetu. Yaduhu.
(Mudadao zato)

2. Sato : Manunõ ita moroi ba mbuku zinunõ numero 110 “TASUNO
YESU, SI NO MAOSO” Lala Nahõnõ Mbawagu Ena’õ
1. Tasuno Yesu, si no maoso, same’e khõda femõna.
Kurunga horõ no terasa, fa’amate no te’ala.
Ba fa’a bõlõ gafõkha, no oi ilawa So’aya.
2. Tasuno Yesu, si no maoso, simõna ba sebua tõi.
No Ya’ia gumbu wa’auri, ibe fa’aurida gõi.
Da’õ gurakha zamati, sanau’ õlõ si lõ farõi.
3. Tasuno Yesu, si no maoso, sanusugi ya’ita gõi.
He mate tarõi gulidanõ, ba Yesu zanusugi zui.
Torõi nahia wa’obou, mõi ba wa’auri sibohou.
3. Tasuno Yesu, sondrorogõ, sangohahau’õ tõdõda.
Me Ya’ia zanga’aro’õ, famati ba fanõtõna.
Ya bõi mangiwa dõdõda, irugi ba gamozua.
5. Tasuno Yesu, sama’ema, ondrõita so’ahonoa.
Si lõ irai mila ba niha, ni’asiwai Yesu khõda.
Da taforege wangalui, afu manema ita gõi.
6. Tasuno Yesu, si no maoso, sebua ba so lakhõmi.
Ya’ia wondrege Zalawa ba Kubalo si lõ farõi.
Ha Ya’ia tatõngõni ba zi sandrohu fekoli.
Sangai Agendre : Da tafondrondrongo daroma Li Lowalangi, tehalõ moroi ba zura
II Moze 20 : 1 – 17
1. Ba iwaʼõ daroma li andrõ fefu Yehowa, imane:
2. Yaʼodo Yehowa Lowalangiu, si no mangeheta yaʼugõ ba danõ Miserayi andrõ,
ba zi no mõi sawuyu ami.
3. Bõi so khõmõ Lowalangi tanõ bõʼõ, baero ndraʼo.
4. Bõi fazõkhi khõu nadu, ba he famaedo hadia ia, he si so si yawa ba mbanua,
ba he si so si tou ba guli danõ, ba he si so ba nidanõ, barõ danõ.
5. Bõi angalulu khõnia ba bõi fosumange ia, me no Lowalangi solohu ndraʼo,
yaʼodo andre, Yehowa, Lowalangiu, sanguhuku horõ ndra ama ba ndraono ba
ba maʼuwu mitou, khõra si fatiu tõdõ khõgu,
6. ba si hakhõsi tõdõ sangomasiʼõ yaʼo ba soloʼõ oroisagu; irugi hõnõ ngaʼõtõ.
7. Bõi tõtõi dõi Lowalangiu Yehowa ba waya; lõʼõ sa zi lõ ihuku Yehowa zanõtõi
tõinia ba waya.
8. Ameʼegõ tõdõ luo wolombase andrõ, ba weʼamoniʼõ yaʼia.
9. Õnõ ngaluo mohalõwõ ndraʼugõ ba õhalõ halõwõu fefu.
10. Ba ero fitu bongi, ba luo wolombase khõ Lowalangiu Yehowa; bõi babaya
hadia ia halõwõ ba daʼõ, he yaʼugõ, ba he onou matua, ba he onou alawe, ba
he sangai halõwõ khõu ira matua ba he sangai halõwõ khõu ira alawe, ba he
urifõu, ba he si fatewu khõu ba mbanuami bakha.
11. Õnõ ngaluo sa mege khõ Yehowa, ba wamazõkhi banua si yawa, awõ danõ,
awõ nasi, awõ nõsira fefu; ba ba luo si fitu, ba no molombase ia. Andrõ wa no
ifahawuʼõ luo si fitu andrõ Yehowa, ba no iʼamoniʼõ.
12. Fosumange namau, awõ ninau, enaʼõ anau nosou ba danõ, nibeʼe Lowalangiu
Yehowa khõu.
13. Bõi angeʼe.
14. Bõi ohorõ.
15. Bõi anagõ.
16. Bõi bõbõgõ khõ nawõu zi lõ duhu.
17. Bõi isõ nomo nawõu. Bõi isõ woʼomo nawõu ba he sangai halõwõ khõnia ira
matua, ba he sangai halõwõ khõnia ira alawe, ba he õrõbaonia, ba he
kudonia, ba he hadia ia, fefu, nibayabaya nawõu.

3. Fangandrõ Fangefa Horõ
Sangai Agendre : Ya'ami ira talifusõ, na tawa'õ lõ horõda, ba talimo ita, ba
siduhu lõ'õ ba dõdõda. Na ta'ombakha'õ horõda, ba lõ farõi Ia,
ba no satulõ Ia, Fa'i'efa'õ khõda horõ andrõ, Ihaogõ ita, awõ
wa iheta fefu zi lõ atulõ. Andrõ da mõi ita fõna Lowalangi si fao
fangidengide'õ ba wangombakha horõda, (Musindro ita fefu)
Sangai Agendre : Mangandrõ ita:
He so'aya ya'aga Yesu Keriso si mate ba rõfa ba hili Gologata, ba si no maoso moroi
ba ngai zimate. Faduhu dõdõma ba daroma Li-Mõ me õwa'õ:
"Ya'odo wemaoso ba fa'auri, samati khõ-Gu, ba auri hewa'ae
mate ia. Ba hiza, ba lala wa'aurima sero ma'õkhõ asese
ma'ositengagõ ba ma osilõ'õgõ Ndra'ugõ So'aya, me ma'o'õ
nifakhoi dõdõma samõsa. Bologõ dõdõ-U khõma, ba be'e aefa
khõma horõma andrõ. Hakhõsi dõdõ-U khõma So'aya, bõi tehe
tekiko, tõrõtõrõ tõdõ-U wa'ebua dõdõ-U awõ wa'ahakhõ dõdõ-
U khõma. Bõi bulõ'õ ndra'aga moroi ba wa'omasi ba ba
wangorifi andrõ si no õhõnagõ ba zamati khõ-U.
Sato : Mangandrõ ba dõdõ zamõsana fõna Lowalangi 1-2 Menit
Sangai Agendre : Hakhõsi dõdõU khõma Ama, ba be'e aefa khõma horõma andrõ
ma'afefu... Y A D U H U
Na ubini'õ horõgu khõU Yesu
Ba lõ usondra zahono dõdõgu
U'ombakha'õ ngawalõ horõgu, molala dõdõ
Sangai Agendre : Turia wangefa horõ: Imane taroma li Lowalangi: ba no erege
dõdõGu õbe'e ba horõu andrõ; no õfakaoDo olalõwamõ. Ya'o
Ya'odo andre zamunu lalõu andrõ, bõrõ ndra'o, ba lõ'õ sa'ae
itõrõ tõdõGu horõu. Lakhõmi khõ Lowalangi Si Yawa...
Sato : Ba fa'atulõ ba gulidanõ ba niha ni'omasi'õ andrõ
Sangai Agendre : Da tafondrondrongo waõ-waõ wemaoso Zo'aya ya'ita Yesu
Keriso. Manunõ ita moroi ba BZ. No. 113 : 1
1. No ifuli auri Yesu, nisusugi Yehowa.
Oi te’ala zaradadu somba’agõ femõna.
Oi mudõgõ gulidanõ, me mõi tou mala’ika.
Si mõi mamokai lewatõ ba nibe’e So’aya.
Sangai Agendre : Matai’o 28 : 1 – 4 Imane taromali lowalangi
1. Ba ba zi bongi, me no aefa luo sabato, me arakha moluo
luo migu, ba mõi Maria andrõ, banua Magadala, awõ Maria
si sambua andrõ, mamaigi lewatõ.
2. Ba hiza ziheu sabõlõbõlõ. No mõi tou malaʼika Zoʼaya,
moroi ba zorugo, mõi ia mameta gowe andrõ, ba idadaoni.
3. Ba hulõ gari mbanua wamaigira yaʼia, ba barunia, ba no
afusi, hulõ mbetua
4. Ba manizinizi zanaro andrõ, faʼataʼura ia bo tobali hulõ zi
mate ira.

4. Manunõ ita moroi ba BZ. No. 113 : 2
2. No ifuli auri Ia, oi tobali dõdõra.
No oroma mege khõra, me alele ba rõfa.
No Ilaŵa wa’amate, ba no mõna Zo’aya.
Tandra Ia sifõfõna, nisusugi Yehowa.
Sangai Agendre : Matai’o 28 : 5 – 8 Imane taromali lowalangi
5. Ba humede malaʼika andrõ, imane ba ndra alawe andrõ:
Bõi miʼataʼufi! uʼila sa, miʼalui Yesu andrõ, niforõfa.
6. Lõ yaʼia ba daʼe; noa sa maoso ia, itõrõ niwaʼõnia; miʼae
mifaigi naha andrõ, ba zi so ia mege.
7. Ba mitaʼitaʼi, miʼae miwaʼõ khõ ndra nifahaõnia, wa no
maoso ia moria ba ngai zi mate, ba hiza, mowaõwaõ ia ba
Galilaia, ba daʼõ miʼila ia dania.
8. Hiza, no uwaʼõ khõmi. Ba laʼaiioʼõ ira, larõi lewatõ, ataʼu ira,
ba omuso sibai dõdõra, fagohi ira, ba wangombakha ba
nifahaõnia.
Manunõ ita moroi ba BZ. No. 113 : 3
3. Fao khõ Yesu auri ita, na ta’o’õ li-Nia.
Si so ba gambõlõ Nama, mangandrõ salahida.
Ihõnagõ Ifõfõ’õ nahia zamõsana.
Fefu zamati khõ-Nia oi lasõndra we mõna.
Sangai Agendre : Matai’o 28 : 5 – 8 Imane taromali lowalangi
9. Ba hiza, falukha ira Yesu, ba imane khõra: Yaʼami! Ba
laʼondrasi ia, laraʼu gahenia, latuhi danõ fõnania.
10. Ba imane khõra Yesu: Bõi miʼataʼufi, miʼae miwaʼõ ba
dalifusõgu, enaʼõ mõi ira ba Galilaia, ba ba daʼõ laʼilado
dania.
Sangai Agendre : Tafatohu wombaso taroma li Lowalangi tehalõ moroi ba zura
Filifi 3 : 7 – 11. Imane taromali lowalangi
7. Ba hadia haregu, fõna, ba no ubeʼe teʼalagu, ba dõdõgu,
bõrõ Keriso.
8. Ba fefu, hadia ia manõ saʼae, ba teʼala manõ, uwaʼõ
tõdõgu, bõrõ waʼaboto ba dõdõgu Keriso Yesu, Soʼaya yaʼo,
sebua moroi ba danõ bõʼõ fefu; daʼõ mbõrõ, wa no
utayaigõ fefu hadia ia, ba sasao ia, uwaʼõ tõdõgu, enaʼõ
usõndra haregu Keriso,
9. ba enaʼõ oroma, ba khõnia sodo, ba lõ khõgu faʼatulõ dõdõ,
khõgu, si otarai goroisa; ha faʼatulõ dõdõ andrõ, soroi ba
wamati khõ Keriso, faʼatulõ dõdõ soroi ba Lowalangi, ba
wamati andrõ;
10. fa aboto ba dõdõgu ia, awõ waʼabõlõ wemaosonia andrõ,
awõ wefao ba wamakao andrõ, khõnia, na fagõlõgõlõ
ndraʼo ba waʼamatenia;
11. ma atõ ukhamõ wemaoso zi mate andrõ.
Sangai Agendre : Ya'ahowu zamondrongo taroma Li Lowalangi ba same'e ba
dõdõ,
Sangai Agendre + Sato : Y A D U H U

5. Sangai Agendre : Iada'e tebe'e khõda ginõtõ ba wolohe fasõmbatada khõ
Lowalangi. Ta'osamuzaigõ wame'e, he fasõmbata sifõfõna, ba
simanõ gõi zi mendrua awõ zi medõlu. Ba sifõfõna ua da
tafondro- ndrongo daroma Li Lowalangi me imane: Andrõ
ufarou dõdõmi, ya'ami ira talifusõ, moroi ba wa'ahakhõ dõdõ
Lowalangi andrõ, ena'õ mibe'e sumange mbotomi Sumange
sauri, ni'amoni'õ, somasi Lowalangi; da'õ wamosumange
Lowalangi khõmi, si so tõdõ.
Sangai Agendre : Tafa'ema wasõmbatada khõ Lowalangi, manunõ ita moroi ba
mbuku zinunõ numero 261 "YA'E ZUMANGE FASOMBATA"
1. Ya’e zumange fasõmbata, ma’ohe sumange Yehowa.
Ma’andrõ khõ-U fahowu’õ zumange ni’ohema khõ-Mõ.
2. Ya’e zumange fasõmbata mabe’e soroi ba dõdõma.
Ma’andrõ khõ-U fahowu’õ zumange ni’ohema khõ-Mõ.
3. Ya’e zumange fasõmbata buala si’otarai Nama.
Ma’andrõ khõ-U fahowu’õ zumange ni’ohema khõ-Mõ.
4. Ya’e zumange fasõmbata, boto, noso ba fa’aurima.
Ma’andrõ khõ-U fahowu’õ zumange ni’ohema khõ-Mõ.
5. Ya’e zumange fasõmbata, lõ irugi zomasi dõdõ-U
Ma’andrõ khõ-U fahowu’õ zumange ni’ohema khõ-Mõ.
6. Ya’e zumange fasõmbata, ma’aohasi gõlõ Zo’aya.
Ma’andrõ khõ-U fahowu’õ zumange ni’ohema khõ-Mõ.
Sangai Agendre : Da tafaogõ dõdõda ba wanuno Lowalangi faoma sinunõ
ni'olohesi: Kor dan Vocal Grup
Persembahan Puji-Pujian:
1. Koor Orudua Oleh :
2. Koor Komper Oleh :
3. Koor KKB Oleh:
4. Vocal Group KOMPA
Sangai Agendre : Da tafa'anõ dõdõda wamondrondrongo taroma Li Lowalangi,
manunõ ita ita moroi ba mbuku zinunõ No. 163.
Sangai Huhuo : Ya irorogõ dõdõmi, awõ gera'erami fa'ohahau dõdõ andrõ, khõ
Lowalangi, sabõlõ moroi ba gera'era niha fefu, ba khõ Keriso
Yesu.
A. Fombaso Taroma Li Lowalangi
B. Fanuriaigõ
C. Nitanõ Ba Dõdõ
D. Fangandrõ Fanga'aro'õ Huhuo
Sangai Agendre : Me no tarongo daroma Li Lowalangi, ba da tafaogõ lida
wamaduhu'õ famatida ya'ita Niha Keriso fõna Lowalangi,
muzizio ita fefu..... endronga lida
Sangai Agendre : Da tafondrondrongo gangombakhata moroi……