1. Арагш гүйсэн 100 алхам урагшилсан мянган алхамтай тэнцэнэ [ 2011.05.25 ]
Илүүдэл жингээсээ салах хамгийн шилдэг арга ухарч гүйх гэнэ.
Энэ нь урагш гүйхээс тав дахин их илчлэг шатааж, булчинг чангалан, үе мөчний холбоосыг сайжруулдаг байна. Мөн биеийн
тэнцвэрийг сайжруулж, мэдрэхүйг хөгжүүлдэг гэнэ. Ийм гүйлтээр хичээллэдэг тамирчид яваандаа орчиндоо болж буй үйл
явдлыг харалгүй, зөвхөн сонсож мэдрэх чадвартай болдог аж.
Хөлийн хуруунаас хөдөлгөөн эхэлдэг тул сунгалт сайжран, хөлийн булчингийн хэлбэр засагддаг нь ч ажиглагджээ. Товчхондоо
арагш гүйсэн 100 алхам урагшилсан мянган алхамтай тэнцдэг аж. Өмнөд Америкийн Стелленбошийн их сургуулийн эрдэмтдийн
баг эмэгтэй оюутнуудыг зургаан долоо хоногийн турш долоо хоногт гурван удаа ингэж гүйлгэжээ.
Ингэхэд тэд биеийн жингийнхээ 2.5 хувийг хаяж, илтэд тамирчин төрхтэй болсон байна. Сүүлийн үеийн бялдаржуулах урлагийн
чиг хандлага болоод байгаа ухарч гүйх нь гэхдээ шинэ зүйл биш. Учир нь 1970­аад оны үед эмч нар бокс, хоккейн адил аюултай
спортын төрөл хэмээн хичээллэхийг хориглож байжээ.
Гэтэл сүүлийн үед энэ төрлөөр хичээллэгсдийн тоо Европт, тэр дундаа Британид огцом өсч байна. Ирэх зургадугаар сард араар
гүйгчдийн анхны тэмцээн Лондонд зохиогдох бол наймдугаар сард Манчестрт улсын аваргаа шалгаруулах гэнэ.
Энэ төрлийг сонирхон хичээллэгсдэд аюулгүй байдлаа бүрэн хангасан талбайд хичээллэхийг мэргэжилтнүүд зөвлөжээ. Үл ялиг
гэдийгээд хөлийнхөө урд хэсгээс хөдөлгөөнөө эхлэх,мөн гүйх үедээ байн байн эргэж харахгүй байхыг ч зөвлөсөн байн