2. Ծիծաղից մարդուկը
Կար չկար ծիծաղից մի մարդ կար։ Նրա քիթն
էլ էր ծիծաղից, բերանն էլ։ Նա ծիծաղից շորեր էր
հագնում։ Երբ նա քայլում էր այգում, զգաց, որ շատ
հոգնած է։ Նա տեսավ մի աթոռ, նստեց աթոռի վրա
և քնեց: Նա երազում տեսավ, որ հանկած կոնֆետի
անձրև է գալիս։ Ուրախությունից սկսեց բարձր
ծիծաղել․ նա շատ էր սիրում կոնֆետներ։ Իր
ծիծաղից արթնացավ ու տեսավ՝ ուրախ երազ էր:
3. Կախարդական հեղուկը
Եթե ես կարողանայի պատրաստել
կախարդական հեղուկ, այն կունենար կարմիր
գույն և ելակի համ։ Եվ երբ ես այն խմեի,
անմիջապես կխոսեի ֆրանսերեն, գերմաներեն ու
իսպաներեն։ Կկարդայի բազմաթիվ գրքեր և չէի
հոգնի ու շատ ժամանակ կունենայի խաղալու և
մարզվելու համար։ Երանի իրականանար
կախարդական հրաշքը։
4. Թարս իրերի քաղաքում
Ես ճամփորդել շատ եմ սիրում։ Դա շատ լավ է։ Բայց տեսեք՝
մի անգամ ինձ հետ ինչ պատահեց, երբ հայտնվեցի Թարս
իրերի քաղաքում։ Որոշեցի գնալ տատիկիս մոտ,
զանգահարեցի նրան և ասացի․
—Տա՛տ, տուն քո գալ ուզու՞մ ես,— և շտապ դուրս եկա
տնից։
Տատիկս չէր հասկացել, որ ես գտնվում եմ Թարս իրերի
քաղաքում, նստել էր գնացք և շտապել էր ինձ մոտ՝ Թարս
քաղաք։ Ես հոգնած թափառեցի փողոցներով և այդպես էլ չգտա
տատիս, ոչ էլ՝ տատիկս ինձ։ Ահա թե ինչ է լինում, երբ
հարցերը ճիշտ չես ձևակերպում։
5. Իմ դասընկերուհիները
Իմ ամենամոտ ընկերուհիներն են
Քնարիկը և Էմիլին։ Ես Քնարիկին
առաջին անգամ տեսել եմ ամառային
ճամբարում։ Մենք միանգամից
ընկերացանք։ Քնարիկը շատ բարի,
ուրախ և ժպտերես աղջիկ է։ Նա
բարձրահասակ է, ունի գեղեցիկ աչքեր և
շատ սիրուն, երկար մազեր։ Ես շատ եմ
սիրում նկարել Քնարիկի հետ։
Էմիլիի հետ ծանոթացել եմ դպրոցում։
Մենք միասին պարի ենք գնում։ Էմիլին
շատ գեղեցիկ ձայն ունի։ Նա շատ բարի
է, ունի գեղեցիկ աչքեր և երկար մազեր։
Ես շատ եմ սիրում խաղալ
ընկերուհիներիս հետ:
•
6. Ես Նարե
Կարապետյանն եմ
Իմ անունը Նարե է, մազերիս գույնը բաց
շագանակագույն է, աչքերիս գույնը՝
շագանակագույն, հասակս՝ 123 սմ․։ Ես սիրում եմ
նկարել, պարել, լողալ, խաղալ ընկերներիս հետ,
սիրում եմ նաև իմ դպրոցը։ Ես չեմ սիրում
ուշանալ։ Ինձ ամենաշատը ուրախացնում է այն,
որ հայրիկս մեզ խաղահրապարակ է տանում։ Ես
ապրում եմ տատիկիս, հայրիկիս, մայրիկիս,
եղբորս և հորաքրոջս հետ։ Իմ ամենամոտ
ազգականներն են՝ պապիկս, տատիկներս,
հորաքույրներս, մորաքույրս և իմ զարմիկները։
Բարեկամներից իմ ազգանունը կրում են
հորաքույրներս։ Իմ ազգանունը Կարապետյան է,
որի արմատը՝ <<կարապետ>> բառը նշանակում է
առաջնորդ։ Իմ պապիկները և տատիկս
ինժեներներ են, իսկ մյուս տատիկս՝ մանկավարժ։
Ծնողներիս տատիկ-պապիկները բանասերներ են,
ինժեներներ և հաշվապահներ։
7. Մեղվի երազը
Լինում է, չի լինում, մի աշխատասեր մեղու
է լինում։ Նա օրնիբուն աշխատում է, ծաղկից
ծաղիկ է թռչում, անարատ նեկտար հավաքում
և տանում փեթակ։ Մի օր մեղուն փեթակից
դուրս է գալիս և տեսնում է, որ ծաղիկներ
չկան, դաշտերը սպիտակ ձյունով են ծածկվել։
Փնտրում է իր ընկերներին, սակայն չի գտնում։
Երկար ճանապարհ է անցնում մեղուն և
հանկարծ հեռվում նկատում է կանաչ դաշտեր։
Հասնում է դաշտ և ծառի վրա մի փեթակ է
տեսնում։ Մտնում է ներս ու հանկարծ
նկատում է, որ ծուռթաթ արջը փորձում է
փեթակը շրջել, որպեսզի մեղր ուտի։ Մեղուն
արթնանում է և հասկանում, որ դա
մղձավանջային երազ էր։
8. Լուսնի ու Արևի ընկերությունը
Լուսինը և Արևը լավ ընկերներ են։
Արևը շատ է ցանկանում հյուր գնալ
Լուսնին և խաղալ Լուսնի
հարևանների՝ Աստղերի հետ, բայց
դա նրան չի հաջողվում։ Սակայն
Արևը չի տխրում և նրանք չեն վիճում։
Նրանք լավ ընկերներ են, բայց
իրարից շատ հեռու են։ Լուսինը
սիրում է Արևին, որովհետև նա շատ
պայծառ է և ուրախ։ Իսկ Արևը սիրում
է Լուսնին, որովհետև նա շատ մեղմ է
ու հանգիստ։
9. Նամակ Ձմեռ պապուն
Բարև, Ձմեռ պապիկ: Ես ուզում եմ, որ
մայրիկս և հայրիկս առողջ լինեն, իսկ եղբայրս
և ես՝ լավ սովորենք, տատիկներիս և
պապիկիս համար՝ շատ-շատ առողջություն։
10. Նամակ ձմռանը
Բարև Ձմեռ, ճանաչեցի՞ր ինձ։ Ես
Նարեն եմ Կարապետյան։ Վաղուց
սպասում եմ քո գալուն։ Ես ուզում եմ,
որ դու մեզ բերես առատ ձյուն, խինդ
ու ծիծաղ, սահնակ, չմուշկ, դահուկ։
Անհամբեր սպասում եմ, որ քո
կախարդակլան վրձնով ճերմակ
ներկես սար ու ձոր, դաշտ ու անտառ,
որպեսզի երեխաներով
պատրաստենք շատ սպասված
ձնեմարդը։ Սիրելի Ձմեռ, բայց
ամենից շատ երազում եմ տեսնել
Ձմեռ Պապին, Ձյունանուշին և
տոնածառի տակ իմ նվերները։
Սիրով՝ Նարե Կարապետյան
11. Իմ հասցեն
Ես ապրում եմ քաղաք Երևանում։ Իմ
հասցեն է՝ Շիրազի փողոց 46 շենք,
բնակարան 3։ Այն գտնվում է Աջափնյակ
համայնքում։
Ես շատ կուզենայի, որ մեր բակում
առանձին խաղահրապարակ լիներ միայն
հեծանվորդների համար։ Ուզում են նաև
խաղաղություն մեր երկրին։
•