1. ALUMNO/A…………………………………………………………………………………
FICHA ASISTENCIA CONCERTO DIDÁCTICO
Martes 4 novembro 2014. Pavillón polideportivo de Monfero
O pasado martes 4 de novembro o cantante Pablo Balseiro, acompañado pola súa banda, visitou
o CPI Virxe da Cela para ofrecer un divertido concerto, titulado Per-Versións. Durante hora e media
dedicaron ao seu público de ESO unha morea de versións de diferentes temas que habitan na nosa cultura
popular, desde pasodobres, rumbas e outros ritmos de orquestra, versións de famosas cancións da década
dos oitenta e os noventa, e tamén algunha incursión na música máis actual. Aínda que os rapaces e
rapazas animaban timidamente con palmas desde os seus asentos, os músicos deixaron a pel no escenario,
baténdose en duelo constante coas pésimas condicións acústicas do pavillón polideportivo, os ruídos de
maquinaria dos operarios que nese momento realizaban tarefas de restauración do edificio e incluso a
forte treboada con intensa choiva que se escoitou ao final do concerto, rebotando e retumbando na uralita
do tellado!!! A nota divertida e de cor a puxeron un grupo de rapazas de 2º da ESO, que pediron a famosa
canción da Macarena e saíron a bailar á pista. Posteriormente tamén realizaron un tren chu-chu que se
desprazou polo espazo ao ritmo das cancións.
1.- Reflexiona sobre o significado do título do concerto.
2.- Realiza unha lista cos títulos dos temas que lembres.
3.- Describe detalladamente cada un dos instrumentos musicais que se empregaron no concerto
e clasifícaos segundo a familia musical que pertenzan.
4.- Un dos ritmos máis utilizados neste concerto foi a rumba. Fai un pequeno traballo de
investigación sobre este ritmo musical.
5.- Fai unha crónica de entre 10-20 liñas de este evento musical celebrado no noso centro.
6.- Realiza unha entrevista ficticia a Pablo Balseiro.