1. CRÓNICA DA VISITA DE LANCY DODEM AO C.P.I. VIRXE DA CELA
O día 9 de Febreiro de 2011 visitou o noso colexio Lancy Dodem, o primeiro neno
apadriñado pola Fundación Vicente Ferrer. Explicounos como traballa a Fundación na India.
Gustoume moito como explicaba, xa que o facía con exemplos para que o entendéramos mellor.
Púxonos un vídeo sobre os proxectos que desenvolve a Fundación Vicente Ferrer en
Anantapur. Comezamos a facerlle preguntas, e aínda que el non respondía exactamente á
pregunta, expresábase moi ben. Contounos que había moitos colaboradores que ían á India a
coñecer a Fundación e axudar, e convidounos a que fóramos, algo que sería estupendo.
Fixemos unha pequena pausa despois de tantas preguntas, e comezamos de novo, cambiando
os papeis. Nós explicámoslle a el o que facíamos a través de Monferosolidario e a el gustoulle
tanto o que facíamos como a nós o que fan eles. Encantounos que nos visitara e quedamos moi
agradecidos.
Anaís Buyo Collazo, 3º da E.S.O.