هي مجموعة من التعفنات ( أمراض ) كدوز من واحد الانسان مريض بها لواحد الانسان آخر عن طريق العلاقات الجنسية . وكتظهر كثير الشي في الأعضاء الجنسية .
السيلان والشنكر والنوار والتولال اللي كيكون في الأعضاء التناسلية والكميلة والحكة والتهاب الكبد اللي كيتسبب فيه فيروس ب ولا س ومرض السيدا .
السيلان قيح وهاذ القيح السبب ديالو مكروب وهاذ المرض هو اللي كيتسمى السيلان اوكمكن اتصاب به المراة والرجل كيدوز المكروب ديال هاذ المرض من شخص مريض لشخص آخر عن طريق الممارسة الجنسية في كثير الشي . ويلا ما الداواش في وقتو كتنتج عليه نتائج خطيرة بحال : العكر - الحمل خارج الرحم – تعفن الفرج – تعفن الكرش الصغيرة – اوكيتعادى الجنين وقت الولادة ويمرضو عينيه وربما يعمى – انتفاخ الفولات – مرض البروسطاط – الحصران من البول
يمكن يكون عند المراة واحد من جوج ديال الانواع ديال السيلان : السيلان الطبيعي والسيلان المرضي – كيتميز السيلان المرضي باللون لصفر كيتلصق وريحتو كريهة ( خانزة )
كيكون فشكل قيح ما اخضر ما اصفر - اما قطرة وحدة على السليب واما بشكل اكثير
السيلان كيعادي بالطبع وعلى هذا يكون من اللازم على الانسان المريض يوقف العلاقات الجنسية ديالو حتى يبرا تماما واللا يستعمل العازل الطبي باش يحمي الشريك ديالو
زيادة على السيلان كاين تعفنات اخرى منها النكر وانوار والسيدا – والشنكر هو جرحة مقيحة كتكون فالأعضاء التناسلية ديال المراة والرجل . وكتضر بزاف
أما النوار فهو جرحة ما فيهاش القيح وماكتضرش بزاف وهادشي هو اللي كيجعل النوار خطير حيث لمريض كيبقى قاد يمارس الجنس وكيعادي غيرو - والنكر والنوار خطيرين حيث كيكونو الباب اللي كيدخل منو الفيروس ديال السيدا للجسم
ايلا ما الدواوش كيعطيو : زيدة ديال الدراري ميتين ( النوار ) – زيادة ديال الدراري صمكين – زيادة ديال الدراري عينيهم امراض – مرض القلب والدماغ والجهاز العصبي ( النوار ) – الألم ديال المفاصل لهذا فالإهمال ديال العلاج تيأدي لعواقب وخيمة ومضاعفات خطيرة
![التعفنات المنقولة جنسيا ,[object Object]](data:image/gif;base64,R0lGODlhAQABAIAAAAAAAP///yH5BAEAAAAALAAAAAABAAEAAAIBRAA7)