1. Эрдэм шинжилгээний хурал
Оюутан суралцаж байх хугацаанд хичээлээс гадна өөрийгөө хөгжүүлж мэдлэгийн хүрээгээ
тэлэхэд хэрэгтэй нэг зүйл бол эрдэм шинжилгээний хуралд оролцож байх явдал юм.Эрдэм
шинжилгээний хурал хичээл эхлээд намар дараа нь хавар гээд жил бүр 2 удаа
болдог.Эхлээд тэнхимүүдийн эрдэм шинжилгээний хурлууд болж тэндээс шалгарсан
бүтээлүүд сургуулийн хуралд оролцдог бөгөөд сургуулийн хурлаас шалгарсан тохиолдолд
бүх МУИС-ийн эрдэм шинжилгээний хуралд оролцох эрхтэй болдог.Би төгсөх ангийн
оюутан боловч энэ жил анх удаа оролцсон.Уул нь бол жил бүр оролцож байвал зүгээр л
юм байна лээ.Энэ жилийн хувьд манай тэнхимийн эрдэм шинжилгээний хурлаас
ажиглахад оюутнуудын оролцоо идэвхижиж байгаа нь харагдсан.Манай баг тэнхимийн
хуралд орж 2 –дугаар байр эзэлж сургуулийн эрдэм шинжилгээний хуралд
оролцсон.Сургуулийн эрдэм шинжилгээний хуралд бүтээлд тавигдах гол шаардлага бол
судалгааны арга зүйгээ зөв сонгосон, шинэлэг санаа гаргаж ирсэн байх явдал юм.Иймд
үнэхээр шинэ содон санаа гаргаад судалгааны арга зүйгээ зөв гаргаж өгч үр дүнгээ зөв
гэдгийг баталж чадсан тохиолдолд уг бүтээл сайн бүтээл болж үздэг байна.