1. O TEMPO E O CLIMA SOBRE O TRABALLOS
Amanda Vela Papín (3º ESO B)
Neste traballo falo de como inflúen o tempo e o clima sobre as algas
mariñas. O tempo dunha zona inflúe moito nalgúns tipos de traballos,
sobre todo os traballos do mar como os relacionados coa recollida de
algas.
En primeiro lugar ten que deixar o mar, que non estea picado para
coller as algas , logo sóbense os sacos das algas molladas cara á terra e
unha vez arriba sécanse sempre e cando o deixe o tempo.
Favorablemente, ao facer sol seca en 4 ou 5 horas, dependendo do tipo de
algas que sexan : hai algas chamadas "as gordas, que esas son máis
baratas e secan antes, hai as algas "finas" que valen máis caras , e tamén
existen unhas especies que son chamadas o "musgo" e a "follada" (estas
últimas son como verduras grosas).
Para secalas necesitan o seu tempo , se as estendes co chan húmido
xa non che secan en toda a tarde, porque xa quedan húmidas, é dicir,
terás que cambialas de sitio. Unha vez estendidas, ao quentar ben o sol,
terás que darlles volta e volta para que sequen polos dous lados, sempre
e cando lles arrinques algunhas pólas húmidas que humedecen as algas.
Se o tempo fose malo gardaríanse ata que o tempo deixase secalas,
pero non durante moito tempo. Por iso, por desgraza do tempo, no
outono e no inverno xa non se podería traballar neste tipo de traballos, xa
que non che secarían as algas e apodrecerían acompañadas dunha cor
rosada. Polo contrario, para os cultivos de horta, os agricultores preferirán
a choiva para que estes crezan e non morran. Para cada traballo hai as
súas causas e as súas consecuencias.