1. Orain elkarrizketa bat egingo diogu gure andereñoari.
-Kaixo Conchi!
-Txikitan, hau izan zen zure eskola?
-Bai, 6 urterekin sartu nintzen eskolan; duela 50 urte.
-Orduan, zuk estreinatu zenuen Mukusuluba eskola?
-Bai, ireki zenean sartu nintzen, orduan eskola ofizialki Colegio Nacional Mixto San
Vicente deitzen zen. Baina, auzoan Escuela Montecabras izenarekin ezagutzen zen.
-Zenbat urte egon zinen?
-Lau urte, gero beste eskola batera joan nintzen.
-Sartu zinenean euskara hitz egiten zenuen?
-Ez, eskolan ez genuen euskara hitz egiten. Nik ez nekien, eta gainera, debekatuta
zegoen euskaraz hitz egitea. Irakasgai guztiak gazteleraz ikasten genituen.
-Patioak zeuden, nolakoak ziren?
-Bai, tamaina aldetik orain bezalakoak ziren. Baina futbol zelaiak ez zeuden margoturik,
eta lorategiak ez zeuden.
-Zenbat irauten zuen atsedenaldiak?
-Gaur egun bezala, 30 minutu.
-Nolakoak ziren klaseak?
-Tamaina aldetik berdinak, baina barrutik ez ziren hain koloretsuak.
-Zer materiala erabiltzen zenuten?
-Bakarrik liburu bat geneukan “La Enciclopedia Álvarez de primer grado” eta gero “La
Enciclopedia Álvarez de segundo grado”. Horietan irakasgai guztiak agertzen ziren:
matematika, gaztelania, gizarte, natura… Eta bakarrik koaderno mehe bat geneukan
ariketa guztiak egiteko.
Gainera, eragiketak egiteko eta letra hobetzeko Rubio koadernoak egiten genituen.
Lehenengo kurtsoetan arkatza bakarrik erabiltzen nuen.
2. -Jantokian geratzen zinen?
-Ez, ez zegoen.
-Klaseak mistoak ziren?
-Ez, neskak eskailera batetik sartzen ziren eta mutilak beste batetik. Gainera andereñoek
neskei klaseak ematen zizkieten, berriz mutilei maisuek.
-Zenbat ume zeuden klase bakoitzean?
-Gutxi gorabehera klase bakoitzean 40 ikasle.
-Zer ordutan hasten ziren klaseak eta noiz amaitzen ziren?
-Goizean 9etatik-12tara eta arratsaldean 3etatik-5etara.
-Egunero etortzen zineten eskolara?
-Ez, ostegunean arratsaldez ez geneukan klaserik, eta larunbatean goizez etortzen behar
genuen.
-Gimnasioa zegoen?
-Bai. Baina kolorea oso iluna eta sabaitik sokak zintzilikatuta zeuden.
-Aterpeak zeuden?
-Ez, ez zeuden.
- Atezainaren etxea patioan zegoen?
-Bai.
-Inauteriak ospatzen zenuten? Eta beste festa batzuk?
-Ez, uste dut ezetz. Bakarrik gogoratzen dut maiatzean “Mes de la Virgen” loreak ekartzen
genituen klasera eta egunero amabirjinari abesten genion.
-Txangoak egiten zenituzten?
-Ez.
-Esekitokiak zeuden?
-Bai, baina klase barruan, kanpoan komunak zeudelako.
-Klaseko arauak errespetatzen zenituen?
-Noski baietz, bestela zigorrak jasotzen genituen.
-Irakasleek erregelarekin jotzen zuten?
-Oso gutxitan.
Eskerrik asko!
Agur!!!