Presentación empregada no obradoiro "Máis mulleres cineastas" do Fórum Metropolitano.

1. Lotte Reiniger

2. Lotte Reiniger
N: 2 de xuño de 1899, Berlín (Imperio alemán)
M: 19 de xuño de 1981, Dettenhausen (Alemaña Occidental)
Fascinada pola tradición chinesa das marionetas
de sombras e polos efectos especiais, empezou a
traballar no teatro de Max Reinhardt facendo
vestiario e materiais para a escena e axiña deu o
salto ao cinema. Casou en 1921 con Carl Koch
(1892­1963), que colaborou con ela na realización
dos filmes. Neses anos estaban plenamente
inmersos na vangarda cultural alemá; do seu
círculo de amizades formaban parte Walter
Ruttmann e Bertold Brecht.
Imaxe: Lotte en Roma en 1939. Dominio público.
Fonte: wikipedia.

3. Coa técnica da animación de siluetas
realiza a curta de debut, Das Ornament des
Verliebten Herzens | O ornamento do
corazón namorado, e as cinco seguintes, ao
abeiro do Institut für Kulturforschung
(instituto da investigación cultural),
produtora de filmes educativos fundada
por Hans Cürlis que quixo experimentar
coa animación. A acollida é moi boa, mais
as dificultades de financiamento obríganos
a facer traballos de publicidade,
empregando tamén siluetas. É unha época
dourada para a animación experimental
alemá: canda Lotte Reiniger están,
ademais, Hans Richter, Walter Ruttmann e
Oskar Fischinger.
Aschenputtel | Cincenta (Lotte Reiniger, 1922)

4. Entre 1923 e 1926 desenvolve o
ambicioso proxecto de Die Abenteuer
des Prinzen Achmed | As aventuras do
príncipe Achmed, unha das primeiras
longas de animación (e a máis antiga
que se conserva na actualidade).
Realiza máis animacións e mesmo un
filme que mesturaba siluetas con
imaxe real, Die Jagd nach dem Glück |
A busca da felicidade, con Jean Renoir
como actor, do que hoxe só se
conservan as partes animadas. Viaxa
a Exipto e Grecia e afonda no seu
coñecemento das tradicións teatrais
con marionetas e sombras.

5. Próximos a intelectuais de esquerdas,
Carl Koch e Lotte Reiniger intentaron
marchar de Alemaña co triunfo do
nazismo en 1933. Durante doce anos
ningún país lles concedeu visados
permanentes, así que pasaron todo ese
tempo saltando dun lugar a outro cada
poucos meses con permisos de turista. O
comezo da II Guerra Mundial lévaos a
Italia, onde permanecerían até finais de
1943, en que regresan a Alemaña
avisados pola embaixada de que as
cousas van empeorar e, de paso, para
coidar a nai de Lotte, enferma. Nese
tempo reciben encargos do goberno nazi,
que facilitan a súa supervivencia.
Die Goldene Gans | O ganso de ouro (Lotte Reiniger, 1944)

6. En 1948 abandonan Alemaña para
sempre e establécense en Londres.
Fundan Primrose Productions e crean
unha ducia de curtas baseadas en
contos clásicos.
A morte de Carl Koch en 1963
tradúcese nun longo silenzo creativo.
Nos 70 renace o interese polo seu
traballo. Lotte regresa a Alemaña e
realiza tres filmes máis antes do seu
falecemento en 1981, aos 82 anos.
The Sleeping Beauty | A bela durminte (Lotte Reiniger, 1954)