1. Boletín do Equipo de Normalización Lingüística do CEIP de Randufe
Nº 6 febreiro de 2007
II
[…]Asentáronse os romanos
en cidades que fixeron,
os antigos poboadores
dos seus castros descenderon.
Mesturáronse os dous pobos,
vencidos e vencedores,
e o cabo dun certo tempo
non quedaron máis rancores.
Os romanos posuían
unha avanzada cultura,
e adiantaron moito as artes,
o comercio , a agricultura.
Falaban estes romanos
a ilustre lingua latina,
e o cabo de pouco tempo,
Galicia por súa a tiña.[…]
Darío Xoán Cabana
Hoxe traemos á contracapa deste boletín unha imaxe que
atopamos por esa arañeira ou rede coñecida comunmente como
internet. Nela vemos á fermosísima Nicole Kidman cun cartel lu-
minoso ás súas costas que di:
FÁLALLE GALEGO forever
Sirva esta brincadeira para dicirlles que falar galego é tan
“glamouroso” como Nicole Kidman. Forever!, Por sempre!
2. Hoxe imos falar de algúns verbos que por contaminación do castelán úsanse incorrectamente
en galego. Son verbos que en galego non se usan con pronome reflexivo..
Así en galego é incorrecta a expresión: Xoán rompeuse unha perna
A forma correcta é: Xoán rompeu unha perna
Son verbos que non admiten formas pronominais (pronomes reflexivos) entre outros: abran-
dar, adormecer, afrouxar, almorzar, apurar, atrasar, baixar, caer, calar, cargar, casar, ci-
catrizar, coller, comer, curar, deixar, demorar, desfondar, desinchar, dislocar, empachar,
enfermar, escapar, escordar, esperar, espertar, estreitar, fracturar, inchar, incrementar,
marchar, merendar, morrer, parar, podrecer, quedar, rachar, rebentar, recordar, rir, rom-
per, sentar, sorrir, terminar, tropezar, xogar...
Son polo tanto incorrectas expresións deste tipo:
Luísa marchouse de viaxe. Onte cainme da bicicleta . O neno espertouse coa febre.
O correcto é:
Luísa marchou de viaxe. Onte caín da bicicleta. O neno espertou coa febre.
INCORRECTO:
Roberto enfermouse na voda de Ma-
ría, que se casou o pasado sábado.
Sentouse e comeuse de entrada tres
pratas de mariscos. Terminouse o
banquete e teimaba en comerse aínda
unha ducia de pasteis. Empachouse
con tanta comida como meteu no ban-
dullo que se lle inchou coma un globo.
CORRECTO:
Roberto enfermou na voda de María,
que casou o pasado sábado. Sentou e
comeu de entrada tres pratas de ma-
riscos. Terminou o banquete e teima-
ba en comer aínda unha ducia de pas-
teis. Empachou con tanta comida co-
mo meteu no bandullo que lle inchou
coma un globo.