2. Estamos, no seo do BNG, dentro dun proceso asembleario que culminará no mes de outubro, coa
celebración da Asemblea Nacional, sempre que non haxa eleccións xerais anticipadas. Neste caso, o
proceso ficaría interrompido até se celebraren os comicios, pois o BNG ten que responder debidamente
aos retos políticos e ás necesidades do pobo galego, en todos os aspectos. Por decisión do Consello
Nacional, a proposta do seu portavoz nacional, Guillerme Vázquez, acordouse que, antes de entrar no
proceso propiamente dito, as distintas correntes que presentaron candidaturas na anterior Asemblea
Nacional extraordinaria, celebrada hai xa dous anos, formasen unha comisión para analizar e debater
sobre a situación tan crítica pola que está a pasar o país, Galiza, no actual contexto internacional, e
propor alternativas e solucións para enfrontala de maneira máis eficaz. Asemade, as distintas correntes
ficaban comprometidas a plasmar por escrito a súa visión tanto a este respecto como verbo dos proble-
mas que, como organización, ten o BNG, coa fin de que se poida mellorar o seu funcionamento e refor-
zar a súa unidade e operatividade.
A corrente Alternativa pola Unidade, que no anterior proceso electoral interno para conformar o Conse-
llo Nacional acadou o 45,29% dos votos, presentou, na Comisión devandita, con data 9 de xuño, o docu-
mento que figura a continuación. Nel expóñense, de maneira esquemática, as análises, os problemas e as
posíbeis solucións, tanto do punto de vista político como orgánico, para mellorar a actuación social do
BNG, desde o criterio de ser o nacionalismo actual nel representado unha forza insubstituíbel, útil, cunha
base real en todo a nación e cunha potencialidade que debemos mellorar, mais nunca contribuír a deterio-
rar. Todo o que se propón a continuación, como punto de partida, para o debate e o acordo, está dentro
dos fundamentos ideolóxicos do BNG, da tradición histórica e da actuación consecuente do nacionalismo
galego durante os case trinta anos que xa ten coa súa formulación frontista actual, das súas análises e
obxectivos políticos enunciados e defendidos desde a súa fundación. É, sobre todo, unha posta ao día
subliñando os aspectos que, hoxe por hoxe, cómpre pór en primeira liña do noso discurso e da nosa
acción, matizándoos ou aclarándoos máis, por seren cruciais para confrontar a crítica situación económi-
ca, social, cultural, lingüística e política, que estamos a vivir, con enerxía, convicción e, sobre todo, realis-
mo. Sen medo, con habelencia táctica, pero coa claridade que cómpre para combater a confusión social
existente. No caso de Galiza, só o nacionalismo pode orientar o pobo galego nunha dirección
que non sexa fraudulenta para os intereses colectivos, os maioritarios, como pobo e como nación.
A nosa alternativa cobra hoxe máis sentido que nunca, como única orientada e capaz para combater a
globalización e procurar unha solución de mudanza social e económica real que beneficie a todos os
pobos e nacións, posibilitando un deseño internacional xusto.
O Consello Nacional do BNG tamén propuxo que se celebrasen durante o mes de xullo asembleas comar-
cais para debateren os textos presentados polas distintas correntes. Das xa celebradas, practicamente
todas, podemos concluír que representaron unha boa oportunidade para discutirmos de política coa
tranquilidade necesaria e sen presións electorais internas e externas. Constatamos as nosas diferenzas
políticas, que explican as discordancias e os problemas que lastran a nosa capacidade. Como Alternati-
va pola Unidade estamos en disposición de acordar, a partir de mínimos comúns que, naturalmente,
non impidan sermos unha forza política operativa, útil á sociedade galega, necesaria por representar na
práctica unha alternativa nacionalista (autoorganización e soberanía do país), democrática (os dereitos
colectivos e os individuais, como inseparábeis), ao servizo das maiorías sociais (modelo económico e
social), pacifista e antiimperialista. Temos a certeza de que a situación crítica da Galiza axudará, como
sempre, a vencer as diferenzas ideolóxicas e de percepción entre nós, para asumirmos unha práctica
concreta á altura das circunstancias, como fixemos desde a anterior Asemblea Nacional. Con maior
cohesión e unidade interna e con máis entusiasmo e capacidade social.
Galiza, xullo de 2011
3. O nacionalismo galego está a vivir un momento de
go
inflexión crítica que ten a súa causa nos seguintes
factores: a) un forte proceso de globalización económica,
hexemonizada polo capital financeiro transnacionalizado; b)
pital
unha crise económica e social, de impacto moi negativo nas
nacións da periferia europea e nas maiorías sociais; c) unha
ropea
crise política das democracias formais, cada vez menos repre-
cracias
sentativas da soberanía popular ou nacional e máis subordina-
das aos ditados de poderes oligárquicos, actuantes a través de
deres
institucións e organismos supranacionais e supraestatais (FMI, BCE, Comisión Europea...); d) unha recentralización
do Estado español, parella cunha xerarquización e aumento da desigualdade política e económica no seo da Unión
Europea, dirixida a laminar os movementos populares nacionalistas e calquera traba ou dificultade á expansión do
capital e as empresas transnacionalizadas, así como a reforzar a asimilación cultural e lingüística á lingua e cultura
hexemónica, a española; e) unha grande confusión ideolóxica nas clases populares, derivada da hexemonía das
análises, interpretacións e propostas do capital financeiro e industrial transnacionalizado e das institucións, organi-
zacións e medios ao seu servizo para encarar a crise actual e deseñar o modelo social e político futuro; f) o medre
do individualismo, a frustración e a resignación en amplos sectores sociais, co conseguinte desprestixio da política,
as organizacións políticas e as institucións democráticas, sempre en detrimento das alternativas menos afectas aos
sistema; g) a aparición de fenómenos esporádicos de protesta, especialmente na mocidade, indicativos do malestar
social, confusos e ambiguos nas súas formulacións políticas e mesmo pretensamente apolíticos e antipartidos, moi
condicionados pola globalización comunicativa favorecida polas novas tecnoloxías; h) a dificultade, precisamente
pola súa necesidade, para manter na Europa alternativas e marcos nacionais de actuación, orientadas a combater
a globalización e as súas consecuencias desde o principio do dereito dos pobos, das nacións, concretamente sen
Estado, a decidiren, e desde unha perspectiva non xerarquizada nin imperialista do mundo, favorábel ás maiorías
sociais, como é o caso do BNG...
A este contexto, hai que engadir, tres importantes factores, cuxa incidencia na situación do BNG non é
pequena: a) sermos unha forza política que pasou xa por experiencias de goberno, tanto na Xunta como nas princi-
pais cidades de Galiza, polo que non estamos inmaculados, sendo os efectos sociais contraditorios, con luces e
sombras; b) non contarmos coa estabilidade interna necesaria, durante os últimos anos, para dar unha imaxe social
de forza política cohesionada e unida; c) a incapacidade política e organizativa para atender a un tempo os retos
electorais continuos, a presenza institucional e a necesaria vertebración do nacionalismo na sociedade a través de
distintas formas de participación non directamente políticas, mais incentivadas e promovidas desde unha perspecti-
va nacionalista: culturais, asociativas de todo tipo, comunicacionais e mesmo unha máis eficaz osmose co sindica-
lismo nacionalista.
4. propostas
Atendendo aos factores enunciados no primeiro parágrafo, facemos as seguintes
ideolóxico-políticas para clarificarmos e precisarmos o discurso do BNG:
1. Fronte á crise das institucións do actual réxime democrático, incluída a forma de participación electoral, unha
monarquía parlamentar e un Estado descentralizado autonómico, coa provincia como circunscrición electoral,
definirémonos como unha alternativa política nacionalista, autodeterminista, loxicamente republicana,
entendido este adxectivo, como partidaria dunha República laica, confederal, de nacións-estados confederados. A
bandeira republicana de Galiza é a galega coa estrela de cinco puntas. A circunscrición electoral debe ser a nación
ou as comunidades autónomas, no seu caso; o reparto da representación institucional debe facerse conforme aos
criterios de proporcionalidade directa; a porcentaxe de acceso debe baixar ao 3% para todo tipo de procesos
electorais; o número de representantes da circunscrición debe corresponder ao seu censo electoral.
2. Fronte á hexemonía do capital financeiro e industrial transnacionalizado e os seus aparatos políticos, culturais e
mediáticos, que teñen provocado a grave crise na que estamos sumidos, o BNG opta por un modelo de econo-
mía mixta, no que a banca, as empresas enerxéticas, as de telecomunicación e os servizos básicos, teñen que
ser públicos ou de control público maioritario. Asemade defenderá sempre, como fundamental, o dereito de
Galiza a producir, a contar cunha base agraria e industrial propias, única forma de garantir a súa viabilidade
como nación, como pobo, acabando co seu envellecemento, retroceso demográfico e a emigración forzada da
súa mocidade.
3. A Unión Europea, como marco e deseño da globalización que nos afecta tan negativamente, debe ser rexeitada
polas súas consecuencias tan negativas, de todo punto de vista, nomeadamente, para as nacións periféricas,
en concreto e de forma específica para Galiza, e para as maiorías sociais. A UE é hoxe por hoxe un deseño
antidemocrático, antipopular e antinacional, contrario a respectar a soberanía, a necesaria capacidade de
decisión dos pobos nos temas que os afectan gravemente, á participación e o diálogo en pé de igualdade nos
proxectos supranacionais. É un poderoso instrumento de xerarquización política, cultural e económica, de
desigualdade. Atenta gravemente contra o dereito de todos os pobos europeos a ter unha base económica
propia e verdadeiros gobernos democráticos, sendo na práctica un mercado único coa hexemonía política de
Alemaña. O BNG, que non rexeita a integración de Galiza ou o Estado español en unidades supranacionais, consi-
dera que só son necesarias e asumíbeis se son para a cooperación, o diálogo e o deseño de políticas democráti-
cas que favorezan a igualdade e a convivencia entre todos. O Estado español, coa súa submisión aos ditados
do FMI, o Banco Central Europeo, a Comisión e Alemaña, estase facendo aínda máis antidemocrático e oligárqui-
co. Finalmente, o BNG proporá un debate sosegado e aberto, no foro que se considere máis oportuno, sobre a
viabilidade da moeda única nun espazo económico tan desigual e con políticas tan xerarquizadas.
4. No contexto global, o BNG debe subliñar o dereito de Galiza a decidir e reforzar a súa actuación no seu espazo
natural. Pensamento, organización e acción políticas orientaranse a mellorar e desenvolver as potencialidades do
nacionalismo galego, tendo en conta o contexto global. Como engrosar as filas do nacionalismo cos socialmente
descontentos, como facer clara a percepción de que os males da globalización na Galiza teñen só resposta
acaída no nacionalismo. Como reducir o perigo da españolización social, especialmente da mocidade, proclive
á participación en modelos que se sustentan no individuo cidadá que vive a globalidade da ficción mediática e das
novas tecnoloxías, sen decatarse de como incide a globalización na súa realidade máis próxima e como enfrontase
a ela. El será solución para os desastres da globalización na Galiza ou en calquera outro lugar, máis globalización,
por moi cultural, comunicativa, artística ou filosófica que se presente? O BNG debe, en todo caso, revisar as súas
relacións externas en función destes criterios, procurando aliados que sintonicen cos seus obxectivos.
5. O BNG representa a vocación pacifista e antimilitarista do nacionalismo fronte ao belicismo dos impe-
rios globalizadores, á súa inxerencia continúa a través da guerra que non cesa, en distintas partes do mundo,
cos pretextos máis cínicos que non poden agachar os verdadeiros intereses: o dominio económico e a submi-
sión política.
5. propomos un acordo global
En relación cos problemas sinalados no parágrafo segundo,
que pase por interrelacionar os seguintes puntos:
1. Presentar unha candidatura conxunta ao Consello Nacional que saia da próxima Asemblea Nacional
Ordinaria a celebrar en outubro deste ano, a partir dos seguintes criterios:
• Conformala cunha proporcionalidade acorde cos resultados conseguidos na anterior Asemblea Nacional
Extraordinaria.
• Intentar designar o 20% desta candidatura de unidade, un total de dez membros, a partir de propostas, na
proporción devandita, de cada unha das correntes, coa condición de teren que contar co consenso de
todos. Estes membros simbolizarían a vontade de unidade e acordo e deberían actuar téndoa en conta.
2. Participación na nova Executiva de todas as correntes, conforme aos criterios de proporcionalidade
devanditos e cun reparto de responsabilidades que reforce a unidade e a corresponsabilidade.
3. A asistencia á Asemblea Nacional Ordinaria, que se convocará antes do Día da Patria Galega, coa fin de
poder celebrarse no mes de outubro, farase conforme ao criterio 1 afiliado/ 1 delegado, de forma que a
participación nesta parte final do proceso asembleario é directa para toda a militancia que o desexar. Para poder
participar nesta parte final do proceso asembleario, haberá que ter as cotas ao día, estar afiliado antes da data
da convocatoria da Asemblea Nacional polo Consello Nacional, e inscribirse, desde a celebración da Asemblea
Comarcal de debate das Teses até, por motivos técnicos e organizativos, como mínimo con 7 días de antelación
á data de comezo de celebración nas respectivas comarcas ou a nivel nacional, comprobándose que se cumpren
os requisitos para a participación. En todo caso, as e os afiliados con posteridade á convocatoria da Asemblea
Nacional poderán participar en todo o proceso anterior, a nivel comarcal e local, con voz, pero sen voto.
4. Nova función da Comisión de Garantías, designada por consenso, que pasará a denominarse Comisión de
Corresponsabilidade e Garantías: Ás funcións xa establecidas, habería que engadir a emisión de oficio de
advertencias ou reprobacións, dirixidas aos órganos de dirección nacional, cando considere que algunha das
partes ou membros teña comportamentos gravemente desleais ou contrarios á unidade do BNG, a través
deintervencións públicas, que violen na práctica acordos democraticamente tomados ou resulten abertamente
agresivas ou descualificadoras da dirección ou dalgunha corrente.
5. Deseño dunha política de participación activa da militancia do BNG dentro da organización e na vida social
a través do tecido asociativo de todo tipo. Desde a dirección nacional planificarase un traballo con obxectivos
a este respecto, comezando polo asociacionismo cultural, artístico, veciñal e da mocidade, así como no ámbito
sindical, que terá concreción comarcal e local, e seguimento e control para a súa real execución.
6. Deseño dunha política adecuada para os gobernos municipais do BNG ou con participación do BNG, que
supere a tendencia á mera xestión, a falta de perfil e a escasa incidencia no medre social do nacionalismo,
que, en moitos casos, temos comprobado.
7. Proposta de formación dunha plataforma galega de organizacións políticas, sociais e sindicais de
orientación nacionalista, co nome Galiza decide, como foro de debate de problemas estratéxicos de
longo alcance, de importancia para Galiza, propostas de mobilización popular a partir da fixación de proble-
mas prioritarios que necesiten a resposta inmediata da nación. Esta plataforma ou foro, de funcionamento
regular cada dous meses, intentaría aglutinar, como esqueleto galego necesario, toda a masa social disposta
a enfrontar a globalización desde o marco da autoorganización e os intereses do pobo galego, alén da política
institucional, da actividade cotiá e ordinaria e da resposta de cada organización política ou sindical.
