Os SIX pódense entender como un sistema formado por varios subsistemas:
Xestión de datos: encargado das operacións de entrada e saída de datos, e da xestión dos mesmos no SIX. Permítelle ó resto de susbsistemas o acceso ós datos.
Visualización: Crea representacións a partires dos datos. Incorpora a función, entre outras, de edición dos datos.
Análise: Contén métodos e procesos para a análise dos datos xeográficos.
Ou ben compostos por varios elementos:
Datos: son a materia prima precisa para traballar nun SIX, os que conteñen a información xeográfica que sustenta o SIX.
Métodos: son o conxunto de formulacións e metodoloxías a aplicar sobre os datos.
Software: son as aplicacións informáticas que permitan traballar cos datos e implementen os métodos.
Hardware: son os equipos precisos para executar o software.
Persoas: son o motor do SIX e as encargadas de diseñar e manexar o software.
Á hora de buscar un modelo ó que asimilar a forma da Terra, existen dous conceptos básicos: o elipsoide de referencia e o xeoide.
O elipsoide é a forma xeométrica que mellor se adapta á forma real da Terra, e polo tanto a que mellor permite modelizala.
Debido á evolución histórica da idea de elipsoide de referencia, as medidas dos semieixos que o definen non son únicas.
O xeoide é a superficie tridimensional nos que os seus puntos a atracción gravitatoria é constante. En tódolos puntos dun xeoide a dirección da gravidade é perpendicular á súa superficie.
Como no caso do elipsoide, existen diversos xeoides de referencia que varían no tempo.
De forma xeral, as diferencias máximas entre elipsoide e xeoide do orde de 100 m.
O datum é o cunxunto formado por unha superficie de referencia (o elipsoide) e un punto no que enlazalo ó xeoide. Este punto chámase punto fundamental e calcúlase con métodos astronómicos e nel o elipsoide é tanxente ó xeoide.
Para un mesmo elipsoide poden empregarse diferentes puntos fundamentais, polo que haberá varios datum e un mesmo punto poderá ter diferentes coordenadas.
Latitude: ángulo entre a liña que une o centro da esfera co punto da súa superficie e o plano ecuatorial. As liñas formadas polos puntos da mesma latitude chámanse paralelos.
Lonxitude: ángulo entre dous dos planos que conteñen á liña dos Polos. O primeiro é un plano arbitrario que se toma como referencia e o segundo é o que, ademáis de conter á liña dos polos, contén ó punto en cuestión. As liñas formadas polos puntos da mesma lonxitude chámanse meridianos, e converxen nos polos.