Linaha li busoa ka mekhoa e fapaneng tse ling li busoa ka marena ha tse ling li busoa ke bo-ralipoloti. Kahare ho lipolotiki ho na le makhotla le mekha e fapaneng, hore lekhotla le tle le buse naha ho uoa likhethong.

1. Lesotho College of Education
Re Bona Leseli Leseling La Hao
NALANE EA LIPOLOTIKI TSA LESOTHO (2007-
2017)
KA THATO ASHASHA

2. Boitsibiso
• Mabitso:Thato Ashasha
• Moithuti:Lesotho College of Education Thaba-Tseka Campus
O ka bua le ho fumana ka ‘na mona
• Email address: ashashathato0001@gmail.com
• Facebook: http://www.facebook.com/thatoashasha.sebeta
• Linkedin: https://www.linkedin.com/in/thato-ashasha-6115551b7
• Slideshare: http://www.Slideshare.net/thatoashasha/

3. Selelekela
• Lesotho ke naha e busoang ke Bo-ralipolotiki,kahare ho lipolotiki hona le makhotla le
mekha.'Me 'ona a na le ba thehi,ba lateli le mabitso a ikhethollang ho amang. Hore mokha
kapa lekhotla le itseng le tle le buse naha ho uoa likhethong, ebe lekhotla le tla fumana lipalo
tse holimo tsa mabatooa ke lona le busang naha.

4. Ho thehoa hoa ABC
•Ka la leshome le metso e meraro Mphalane selemong sa likete
tse peli le metso e tšeletseng,Mohlomphehi Motsoahae Tom
Thabane o ile a tloha kahare ho Lekhotla la Puso ea Sechaba
ka Sechaba(LCD) le neng le tšoere puso. A theha Lekhotla la
hae la Kobo-tata ea Basotho(ABC),sena se ile sa siea Lekhotla
la Puso ea Sechaba ka Sechaba ka litulo tse nyane tsa
Paramente.
Setšoantšo ka:m.facebook.com>All Basotho Convention

5. Ho phatlalatsoa hoa letsatsi la likhetho(2007)
•Tona-kholo Pakalitha Mosisili o ile a eletsa Motlotlehi Letsie III ho
qhala Paramente ka la mashome a mabeli a metso e mene
Pulungoana,selemong sa likete tse peli le metso e tšeletseng, ‘me
Paramente ea qhaloa letsatsi la likhetho la phatlalatsoa hore li tla ba
ka la leshome le metso e supileng Hlakola,selemong sa likete tse peli
le metso e supileng.

6. Nako ea likhetho
•Mekha e leshome le metso e ‘meli e ne e ngoliselitse ho emela
likhetho.Lekhotla la Puso ea Sechaba ka Sechaba(LCD) le ile la hapa
mabatooa a mashome a tšeletseng a metso e ‘meli,Lekhotla la Kobo-
tata ea Basotho(ABC) le ile la hapa mabatooa a leshome le metso e
supileng,Lekhotla la Kopano ea MaAfrika(ACP) le ile la hapa
lebatooa le leng.Mekha e meng ha e kaba ea hapa mabatooa.

7. Ho phatlalatsoa hoa sephetho
•Ka la mashome a mabeli Hlakola,Komisi e ikemetseng ea
likhetho(IEC) e ile ea phatlalatsa hore Lekhotla la Puso ea
Sechaba ka Sechaba(LCD) le hapile likhetho. Mohlomphehi
Pakalitha Mosisili e ile ea e-ba tona-kholo ea Lesotho.Matona a
‘muso a ile a ba leshome le metso e tšeletseng.
•Setšoantšo ka: www.lcd.org.ls

8. Ho thehoa hoa DC
•Pele ho likhetho tsa selemo sa likete tse peli leshome le metso e
‘meli,Lekhotla la Puso ea Sechaba ka Sechaba(LCD) le ile la
arohana,Mohlomphehi Pakalitha Mosisili o ile a theha Lekhotla
la Puso ea Sechaba(DC).
•Setšoantšo ka: www.dc.org.ls

9. Ho phatlalatsoa hoa letsatsi la likhetho(2012)
•Mohlomphehi Pakalitha Mosisili o ile a eletsa Motlotlehi Letsi III ho
qhala Paramente.Motlotlehi o ile a e qhala ka la leshome le metso e
mehlano Hlakubele selemong sona seo,’me a phatlalatsa hore
likhetho li tla tšoaroa ka la mashome a mabeli a metso e tšeletseng
Motšeanong selemong sa likete tse peli leshome le metso e ‘meli.

10. Nako ea likhetho(2012)
•Mekha e neng e ngoliselitse ho emela likhetho e ne e le leshome le
metso e ‘meli. Likhethong tsena Lekhotla la Puso ea Sechaba(DC) le
ile la hapa mabatooa a mashome a mane a motso o mong,Lekhotla la
Kobo-tata ea Basotho(ABC) le ile la hapa a mashome mabeli a metso
e tšeletseng,Lekhotla la Puso ea Sechaba ka Sechaba(LCD) le ile la
hapa a leshome le metso e ‘meli,Khoetsa ea Sechaba sa Basotho e ile
ea hapa le le leng haele mekha e meng ha e kaba ea hapa mabatooa.

11. Phatlalatso ea sephetho
•Kahar’a naha ea Lesotho mokha kapa lekhotla la lipolotiki le tlameha
ho hapa mabatooa a mashome a tšeletseng a motso o mong.Ka lebaka
la hore ha ho mokha o hapileng mabatooa a makalo mekha le
makhotla li ile tsa lokela ho buisana ka sepheo sa ho theha ‘muso oa
kopanelo. Lekhotla la Kobo-tata ea Basotho(ABC) le Lekhotla la
Puso ea Sechaba ka Sechaba(LCD) a ile a kopanela puso le Mokha
oa Sechaba sa Basotho(BNP).Likhetho tsena ebile tsa pele tseo ho
ileng hoa kopaneloa puso kahar’a naha ea Lesotho.

12. Ntšetso-pele
•Mohlomphehi Motsoahae Tom Thabane o ile a behoa e le tona-kholo
ka la robeli Phuptjane selemong sa likete tse peli leshome le metso e
‘meli.Ka la mashome a mararo Phuptjane, tona-kholo Thabane a
phatlalatsa matona a ‘muso a mashome a mabeli a metso e meraro le
batlatsi ba ‘ona ba supileng.

13. Tona-kholo o tšabela Afrika Boroa(2014)
•Ka selemo sa likete tse peli leshome le metso e mene,ho ile hoa ba le
ho hloka botsitso kahare ho naha ‘me sena se ile sa etsa hore tona-
kholo Thabane a tšabele Afrika Boroa.Ho khutleng hoa hae tlasa
tšireletso ea mokhatlo oa linaha tse ikopantseng tlase ho
Afrika(SADC),Mohlomphehi Cyril Ramaphosa o ile a khothaletsa
naha ea Lesotho hore ho uoe likhethong.

14. Phatlalatso ea letsatsi la likhetho tsa (2015)
•Motlotlehi Letsi III o ile a qhala Paramente ka la hlano Tšitoe
selemong sa likete tse peli leshome le metso e mene.A phatlalatsa
hore likhetho li tla tšoaroa ka la mashome a mabeli a metso e robeli
Hlakola selemong sa likete tse peli leshome le metso e mehlano.

15. Nako ea likhetho(2015)
•Likhethong tseo Lekhotla la Kobo-tata ea Basotho(ABC) le ile la
hapa mabatooa a mashome a mane,Mokha oa Sechaba sa
Basotho(BNP) o ile oa hapa lebatooa le leng,Lekhotla la Puso ea
Sechaba(DC) a mashome mararo a metso e supileng,Lekhotla la Puso
ea Sechaba ka Sechaba(LCD) a mabeli.Likhethong tsena ho ne ho se
na mokha kapa lekhotla le hapileng mabatooa a mashome a
tšeletseng a motso o mong.

16. Ntšetso-pele
•Mohlomphehi Pakalitha Mosisili o ile a kopanela puso le makhotla
tšeletseng,e leng Lekhotla la Puso ea Sechaba ka
Sechaba(LCD),Khoetsa ea Sechaba sa Basotho(PFD),Mokha oa
Sechaba o ikemetseng(NIP),Lekhotla la Mahata-
mmoho(BCP),Lekhotla la K’honkerese(LPC) le Lekhotla la Marema-
tlou(MFP).

17. Tona-kholo Pakalitha o behoa litulong
•Ka la leshome le metso e supileng Hlakubele selemong sona
seo,Mohlomphehi Pakalitha Mosisili o ile a behoa e le tona-kholo.Ka
la mashome a mararo ho ile hoa hlapantšoa matona a mashome a
mabeli a metso e supileng le batlatsi ba ‘ona ba supileng.

18. Ho thehoa hoa AD(2016)
•Ka Tšitoe selemong sa likete tse peli leshome le metso e
tšeletseng,Mohlomphehi Monyane Moleleki o ile a theha Lekhotla la
Kopano ea Sechaba(AD).
•Setšoantšo ka: www.ad.org.ls

19. Ntšetso-pele
•Mekha le makhotla a bohanyetsi a ile a bontša ho se khotsofale ho
tona-kholo ka la pele Hlakola selemong sa likete tse peli leshome le
metso e supileng.Eaba ba khetha Mohlomphehi Monyane hore e be
tona-kholo e ncha empa taba eo ea se ke ea phethahala kaha
Mohlomphehi Mosisili o ile a eletsa Motlotlehi Letsie III ho qhala
Paramente, ‘me e ile ea qhaloa ka la supa Hlakubele.

20. Ntšetso-pele
•Ka la leshome le metso e meraro ho ile hoa phatlalatsoa letsatsi la
likhetho hore li tla ba ka la tharo Phuptjane selemong sa likete tse
peli leshome le metso e supileng.Mekha e mashome a mabeli a
metso e robeli e ne e kenetse likhetho.

21. Phatlalatso ea sephetho(2017)
•Lekhotla la Kobo-tata ea Basotho(ABC) le ne le hapile mabatooa a
mashome a mane a metso e supileng,Lekhotla la Puso ea
Sechaba(DC) a mashome a mabeli a metso e tšeletseng,Lekhotla la
Puso ea Sechaba ka Sechaba(LCD),Lekhotla la Kopano ea
Sechaba(AD),Lekhotla la Sethala sa kholiso ea meruo(MEC) le
Khoetsa ea Sechaba sa Basotho(PFD) a ile a hapa lebatooa le le leng.

22. Ntšetso-pele
•Lekhotla la Kobo-tata ea Basotho(ABC) le ile la kopanela puso le Lekhotla la
Kopano ea Sechaba(AD),Mokha oa Sechaba sa Basotho(BNP) le Lekhotla la
K’honkerese e nchafetseng(RCL).Mohlomphehi Tom Thabane o ile a behoa e le
tona-kholo ka la leshome le metso e tšeletseng Phuptjane.Ka la mashome a
mabeli a metso e meraro ho ile hoa hlapantšoa matona a mashome a mabeli a
metso e mehlano le batlatsi ba ona ba supileng.

23. Mehloli ea lipatlisiso
• Koloi,B.(2014).Coalition represented in IEC.[online] Available at:
http//lestimes.com/coalition-parties-represented-in-iec/ [Accessed 12 January.2014].
• Sunday Express,(2013).Coalition under siege.[online ] Available at:
http://sundayexpress.co.ls/coalition-under-siege/ [Accessed 14 September.2013].
• Zihlangu,B and Ntaote,B.(2014).Coalition pact collapse.[online] Available at:
http://lestimes.com/?p16706 [Accessed 13 June.2014].