1. ILLUM: FESTA TAL- ĦNIENA DIVINA!

2. L-Ewwel Qari: mill-Atti ta’ l-Appostli

3. Il-ġemgħa kbira ta’ dawk li kienu emmnu kienu qalb waħda u ruħ waħda.

4. Ħadd minnhom ma kien jgħid li dak li kellu kien tiegħu, iżda kellhom kollox flimkien.

5. B’qawwa kbira l-Appostli kienu jagħtu xhieda tal-qawmien tal-Mulej Ġesu u kulħadd kien iġibhom ħafna.

6. Ħadd minnhom ma kien jeħtieġ xejn, għax dawk kollha li kellhom oqsma jew djar kienu jbigħuhom, iġibu l-flus tagħhom u jqegħduhom f’riġlejn l-appostli.

7. Imbagħad kien jitqassam kollox skond il-ħtieġa ta’ kull wieħed.

8. Inroddu Ħajr lil Alla!

10. għax it-tjieba tiegħu għal dejjem! Faħħru l-Mulej, għaliex hu tajjeb,

11. Ħa jgħid Israel: It-tjieba tiegħu għal-dejjem!

12. Ħa tgħid id-dar ta’ Aron: It-tjieba tiegħu għal dejjem!

13. Ħa jgħidu dawk li jibżgħu mill-Mulej: It-tjieba tiegħu għal dejjem!

14. għax it-tjieba tiegħu għal dejjem! Faħħru l-Mulej, għaliex hu tajjeb,

15. Il-leminija tal-Mulej marret minn fuq! Il-leminija tal-Mulej għamlet ħwejjeġ ta’ ħila!

16. Ma mmutx, imma ngħix, u nħabbar l-egħmejjel tal-Mulej!

17. Ħaqarni tassew il-Mulej imma ma wassalnix sal-mewt.

18. għax it-tjieba tiegħu għal dejjem! Faħħru l-Mulej, għaliex hu tajjeb,

19. Il-ġebla li warrbu l-bennejja saret il-ġebla tax-xewka! Bis-saħħa tal-Mulej seħħ dan: ħaġa ta’ l-għaġeb f’għajnejna.

20. Dan hu l-jum li għamel il-Mulej: ħa nifirħu u nithennew fiħ!!!

21. għax it-tjieba tiegħu għal dejjem! Faħħru l-Mulej, għaliex hu tajjeb,

22. Qari mill-1 Ittra ta’ San Ġwann Appostlu.

23. Egħeżież: Kull min jemmen li Ġesu hu l-Messija hu mwieled minn Alla,

24. u kull min iħobb lill-Missier iħobb lil Ibnu .

25. Min dan nafu li nħobbu lil ulied Alla, meta nħobbu ‘ l Alla u nagħmlu l-kmandamenti tiegħu.

26. Għax din hi l-imħabba ta’ Alla: li nżommu l-kmandamenti tiegħu;

27. u l-kmandamenti tiegħu m’humhiex tqal; għax kull min hu mwieled minn Alla jirbaħ lid-dinja!

28. Din hi r-rebħa li rebħat id-dinja: it-twemmin tagħna.

29. Għax min hu dak li jirbaħ lid-dinja jekk mhux min jemmen li Ġesu hu l-Iben ta’ Alla?

30. Dan huwa dak li ġie bl-ilma u d-demm, Ġesu Kristu;

31. Mhux bl-ilma biss, iżda bl-ilma u d-demm.

32. U l-Ispirtu hu li jixhed, għax l-Ispirtu hu Sewwa.

33. Inroddu Ħajr lil Alla!

34. Tumas , emmint għax rajtni, igħid il-Mulej; ħenjin dawk li ma rawx u emmnu! Hallelujah! Hallelujah! Hallelujah! Hallelujah!

35. Qari mill-Evanġelju skond San Ġwann.

36. Dak il-Ħadd fil-għaxija, meta d-dixxipli kienu flimkien imbeżżgħa mill-Lhud, bil-bibien magħluqa,

37. ġie Ġesu u qagħad f’nofshom;

38. u qalilhom: “ Il-Paċi magħkom!”

39. Kif qal hekk uriehom idejh u ġenbu .

40. Id-dixxipli ferħu meta raw il-Mulej.

41. Imbagħad Ġesu tenna jgħidilhom: “ Il-Paċi magħkom! Kif Missieri bgħat lili, hekk jiena nibgħat lilkom.”

42. Kif qal hekk, nefaħ fuqhom l-Ispirtu s-Santu:

43. “ Id-dnubiet ta’ dawk li taħfru jkunu maħfura u d-dnubiet ta’ dawk li żżommu jkunu miżmuma.”

44. Wieħed mit-Tnax, Tumas, imlaqqam it-Tewmi, ma kienx magħhom meta ġie Ġesu.

45. Għalhekk id-dixxipli l-oħra qalulu: “ Rajna l-Mulej!”

46. Iżda hu qalilhom: “ Jekk ma narax f’idejh il-marka ta’ l-imsiemer, jekk ma nqegħidx sebgħi fuq il-marka ta’ l-imsiemer u idi fuq ġenbu, jiena ma nemminx.”

47. Tmint ijiem wara, id-dixxipli reġgħu kienu ġewwa u Tumas kien magħhom.

48. Il-bibien kollha kienu magħluqa, imma Ġesu daħal, qagħad f’nofshom

49. u qalilhom: “ Il-Paċi magħkom!”

50. Imbagħad qal lil Tumas: “ Newwel sebgħek ‘ il hawn u ara idejja,

51. u ġib idek u qegħda fuq ġenbi: qis li ma tonqosx fik il-fidi, iżda emmen!”

52. Wieġeb Tumas u qallu: “ Mulej Tiegħi u Alla Tiegħi!!!”

53. Qallu Ġesu: “ Emmint għax rajtni! Ħenjin dawk li ma rawx u emmnu.”

54. Hemm ħafna sinjali oħra li Ġesu għamel quddiem id-dixxipli tiegħu u li mhumiex imniżżla f’dan il-ktieb. Iżda dawn inkitbu biex intom temmnu li Ġesu hu l-Messija Bin Alla, u biex bit-twemmin tagħkom ikollkom il-ħajja f’Ismu.

55. Il-Kelma tal-Mulej. Tifħir lilek Kristu !