3. რა არის ნიუტონის პირველი კანონი?
მას ასევე ეწოდება ინერციის კანონი და ესაა
ყველაზე მნიშვნელოვანი რამ, რაც უნდა
გააცნობიეროთ მოძრაობის შესახებ.
4. რატომ მცირდება სხეულების სიჩქარე?
გალილეომდე და ნიუტონამდე ბევრი ადამიანის აზრით სხეულების სიჩქარე
იმიტომ მცირდებოდა, რომ მათ ბუნებრივად თანდაყოლილი მიდრეკილება
ჰქონდათ ამისკენ, მაგრამ ეს ხალხი არ ითვალისწინებდა ბევრ ძალას,
მაგალითად, ხახუნს, გრავიტაციას და ჰაერის წინააღმდეგობას: იმ
ყველაფერს, რაც აქ, დედამიწაზე, იწვევს სხეულთა სიჩქარის შეცვლას. რომ
შეგვეძლოს, დავაკვირდეთ სხეულის მოძრაობას ღია ვარსკვლავთშორის
სივრცეში, შევძლებდით, დავკვირვებოდით ნებისმიერი გარე
ზემოქმედებისგან თავისუფალი სხეულის მოძრაობის ბუნებრივ
მიდრეკილებებს.
5. ღია ვარსკვლავთშორის სივრცეში დავაკვირდებოდით, რომ თუ სხეულს
ექნებოდა სიჩქარე, ის გააგრძელებდა ამ სიჩქარით მოძრაობას, სანამ არ
გამოჩნდებოდა რაიმე ძალა, რომელიც ცვლილებას შეიტანდა ამ მოძრაობაში.
ანალოგიურად, ვარსკვლავთშორის სივრცეში მოსვენებულ მდგომარეობაში
მყოფი სხეული დარჩებოდა მოსვენებულ მდგომარეობაში, სანამ არ
გამოჩნდებოდა ძალა, რომელიც გამოიწვევდა მისი მოძრაობის შეცვლას.