Proposta de traballo para 3 lingua galega

1. 3º ESO (proposta de traballo)
Ante a nova situación creada pola alerta sanitaria, O DEPARTAMENTO DE LINGUA GALEGA
do IES Monte das Moas FAI AS SEGUINTES PROPOSTAS DE ACTIVIDADES:
Para que o alumnado continúe co seu proceso educativo nos seus domicilios, o profesorado
comunicarase con cada grupo a través das seguintes canles nas que terán acceso ás instrucións, aos
traballos encomendados e aos correos das profesoras. Paulatinamente iranse enviando solucións
aos traballos, posibles correccións e novas instrucións.
Os grupos de 3º ESO A, B e C comunicaranse coa profesora a través do enderezo electrónico
matildemosqueraclases@gmail.com
Blog: https://terdeman.blogspot.com
O grupo 3º ESO D comunicarase coa profesora a través do blog alinguademoas.blogspot.com e o
enderezo electrónico linguagalegarosalia@gmail.com.
As tarefas previstas para as próximas semanas son:
- Gramática
Como xa traballamos en todas as clases sobre o PRONOME PERSOAL (tónico, átono, colocación
do pronome átono, etc), o alumnado poderá practicar os seus coñecementos e realizar unha
autocorrección a través dos exercicios interactivos presentes no seguinte enlace:
https://www.ogalego.eu/exercicios_de_lingua/exercicios/morfoloxia/pronome.htm
- Produción textual
O profesorado propón traballar arredor do texto teatral, tal e como fixemos nas anteriores semanas.
Para repasar este contido, repasaranse as características desta tipoloxía textual (páxina 170 do libro
do texto) e aplicaranse a un pequeno texto de creación. Para iso, propoñemos o exercicio da páxina
188 (lectura dun conto e posterior reescritura en forma de diálogo teatral)
- Literatura
As profesoras colgarán nos seus respectivos blogs un esquema de repaso relativo ao xa explicado
nas aulas sobre a literatura galega do século XIX. Cada profesora, ademais, propoñerá algún
comentario de texto ou outras actividades relacionadas co contido literario.

2. **As profesoras poderán ir engadindo material ou traballo complementario.