1. Jatetxearekin haserre
Oiartzun, 2019ko maiatzaren 11n
Jaun/andere agurgarri hori:
Alejandra Arruti naiz, joan den martxoan ezkontza bat ospatu genuen Telleri-
Zahar jatetxean eta erreklamazio honen bitartez, bertan bizi genuen egoera salatzeko
idazten dizut.
Dakizunez, ezkontza bat garrantzia handiko ospakizun bat da. Hala izanda,
jatetxearen zerbitzuak urte bat aurrerago adostu genuen. Momentu hartan dastaketa
bat egin genuen eta produktu guztiak primerakoak iruditu zitzaizkigun, baina
ospakizunaren eguna iritsi zenean ez zen hala izan. Batetik, boletusko krema hartzeko
momentua iritsi zenean, usain oso txarra nabaritu genuen orokorrean; zirudienez,
osagairen bat ez zegoen behar zen bezala. Nire aizpa haurdun zegoela eta, botaka
hasi zen. Aldi berean jatetxeko langileei honen kontu eman genien baina ez ziren ezta
harritu ere egin. Bestetik, aperitiboan bost gauza desberdinak atera behar zituzten eta
hiru besterik ez zituzten eman. Nire iritziz, hasiera oso penagarria izan zen.
Hau guztia gutxi balitz, musika ez zen guk eskatu genuena: dj-ak reggeton
besterik ez zuen jartzen. Hau benetan onartezina iruditu zitzaigun, bi aste aurrerago
berarekin elkartu baitginen abesti zerrenda bat osatzeko. Gainera nire senarrak behin
eta berriro azpimarratu zuen reggeton eta halako musikak benetan gorroto zituela.
Dj-ak barkamena eskatu zigun aldrebes ulertu zuela esanez. Orduan, zertarako
elkartu ginen?
Laburbilduz, jatetxeak ez zuen bete espero genituen zerbitzuak eta orokorrean
jarrera nahiko txarra izan zuten. Horregatik, eguna bukatu zenean gure kexa
erreklamazio-liburuan idatzi genuen. Nire iritziz, beraiek onartu behar dute
kontratuaren zati bat ez zutela bete eta ondorioz, kalte-ordainaren bat eman beharko
litzaigukeela. Ez dakit zenbatekoa edo nolakoa izan beharko lukeen, baina ziur nago
zeozer dagokigula.
Besterik gabe, nire kexa kontuan izango duzulakoan, agurtzen naiz