ინდივიდუალური სამოქმედო და კრედიტქულების დაგროვების გეგმა
1. 1
ინდივიდუალური სამოქმედო გეგმის სისტემაში განთავსება და
კრედიტქულების დაგროვების გეგმის ორგანიზება
,,კრედიტქულების დაგროვების გეგმა“ - მასწავლებელთა შეფასების ელექტრონული
სისტემის შემადგენელი ერთ-ერთი მნიშვნელოვანი კომპონენტია.
აღნიშნული მოდულის საშუალებით, სქემაში განაწილებული თითოეული
მასწავლებელი უზრუნველყოფს, როგორც კრედიტქულების დაგროვების გეგმის
ორგანიზებას, ისე პროფესიული განვითარების ინდივიდუალური სამოქმედო გეგმის
სისტემაში განთავსებას/ატვირთვას.
კრედიტქულების დაგროვების გეგმის ორგანიზება
კრედიტქულების დაგროვების გეგმის ორგანიზების მიზნით, შეასრულეთ
მოქმედებები შემდეგი თანმიმდევრობით:
1. ზოგადსაგანმანათლებლო დაწესებულების მართვის საინფორმაციო სისტემის
(eSchool) ნავიგაციის პანელიდან აირჩიეთ პუნქტი ,,კრედიტქულების
დაგროვების გეგმა“;
2. კრედიტქულების დაგროვების გეგმის ორგანიზება ხორციელდება სპეციალური
ელექტრონული ფორმის მეშვეობით, რომელიც შედგება ორი ნაწილისაგან.
პირველი ნაწილი სრულად მოიცავს ინფორმაციას დამატებითი საქმიანობების
შესახებ. თითოეული საქმიანობის გასწვრივ მითითებულია ასევე კრედიტქულა,
რომელიც მასწავლებელს მიენიჭება აქტივობის წარმატებით განხორციელების
შემთხვევაში.
რაც შეეხება მეორე ნაწილს, ის წარმოადგენს სქემით გათვალისწინებული
სტატუსის შენარჩუნებისათვის/მოპოვებისათვის საჭირო სავალდებულო
აქტივობებისა და მასწავლებლის მიერ არჩეული, დამატებითი საქმიანობების
ერთობლიობას.
3. 3
თითოეული სტატუსის მქონე მასწავლებლისთვის, სტატუსის შენარჩუნების ან
მომდევნო სტატუსის მოპოვებისათვის საჭირო სავალდებულო აქტივობები
განსაზღვრულია მასწავლებლის საქმიანობის დაწყების, პროფესიული განვითარე-
ბისა და კარიერული წინსვლის სქემით.
აღნიშნულიდან გამომდინარე, სისტემა, სქემაში განაწილებულ თითოეულ
მასწავლებელს, მიმდინარე სტატუსის გათვალისწინებით ავტომატურად სთავაზობს
სტატუსის შენარჩუნებისათვის/მოპოვებისათვის საჭირო სავალდებულო აქტივობების
ჩამონათვალს.
3. რაც შეეხება დამატებით საქმიანობებს - სისტემაში სრულად არის განთავსებული
მასწავლებლის საქმიანობის დაწყების, პროფესიული განვითარებისა და
კარიერული წინსვლის სქემით განსაზღვრული დამატებითი საქმიანობების
ჩამონათვალი, საიდანაც სასურველს თავად ირჩევს მასწავლებელი აქტივობის
გასწვრივ განთავსებული დამატების ღილაკის საშუალებით;
დამატებითი საქმიანობებიდან სასურველის ამორჩევის შემთხვევაში, ეკრანზე
გამოდის დიალოგური ფანჯარა, რომელშიც მასწავლებელი პირობითად უთითებს
საქმიანობის განხორციელების სავარაუდო პერიოდს.
4. 4
ვინაიდან დამატებით საქმიანობებს ინდივიდუალურად, სურვილისამებრ ირჩევენ
სქემაში განაწილებული მასწავლებლები, მათ აქვთ უკვე არჩეული აქტივობების
რედაქტირების შესაძლებლობაც. დამატებითი საქმინობების რედაქტირება
ითვალისწინებს საჭიროების შესაბამისად არჩეული აქტივობის წაშლას, ან
პირობითად მითითებული განხორციელების პერიოდის/ვადების ცვლილებას.
ზემოაღწერილი პრინციპით, მასწავლებლები ახორციელებენ კრედიტქულების
დაგროვების გეგმის ორგანიზებას, რომელშიც საბოლოო სახით თავს იყრის
ინფორმაცია მასწავლებლის მიერ, მიმდინარე სტატუსის შენარჩუნების ან მომდევნო
სტატუსის მოპოვებისათვის განსახორციელებელი სავალდებულო აქტვობებისა და
დამატებითი საქმიანობების შესახებ.
ინდივიდუალური სამოქმედო გეგმის სისტემაში განთავსება
კრედიტქულების დაგროვების გეგმის ორგანიზების გარდა, აუცილებელია სქემაში
განაწილებულმა მასწავლებელმა სისტემაში განათავსოს/ატვირთოს ინდივი-
დუალაური სამოქმედო გეგმა.
აღნიშნულის უზრუნველსაყოფად დააჭირეთ ღილაკს ,,სამოქმედო გეგმა“;
ინდივიდუალური სამოქმედო გეგმის სისტემაში განთავსების/ატვირთვის მიზნით,
ეკრანზე გამოსული დიალოგური ფანჯრიდან ისარგებლეთ ღილაკით ,,დამატება“.
5. 5
ხოლო იმ შემთხვევაში თუ გსურთ ატვირთული ფაილის წაშლა, შესაბამისად
ღილაკით ,,წაშლა“.
გაითვალისწინეთ:
- ასატვირთი ფაილის მაქსიმალური ზომა არ უნდა აღემატებოდეს 5 Mb-ს;
- სისტემაში ასატვირთი ფაილის ტიპი უნდა შეესაბამებოდეს ჩამოთვლილთაგან
ერთ-ერთს: *.doc, *.docx, *.xls, *xlsx, *pdf