Nerbio sistema lantzeko baliabidea

1. Nerbio- sistema
*Nerbio sistema zentrala horiz dago; nerbio sistema periferikoa urdinez
Nerbio-sistema gure organismoan dagoen egitura anatomikoa da, kanpoko
estimuluak jasotzen dituena eta estimulu horien aurrean gorputzeko erantzun bat
ematen duena.
Zentzumenen bidez jasotzen ditu inguruneko estimuluak, geroago, garunean
informazioa prozesatu (irakurri eta interpretatu) ondoren, dagokion erantzuna
ematen dio.

2. Nerbio sistema, gorputzeko toki guztietara heltzen da, barneko organoetara ere, hau
da, bihotzera, gibelera, giltzurrunetara eta abar. Izan ere, egitura oso konplexua da.
Sistema honetan bi zati nagusi bereizten dira:
- Nerbio-sistema zentrala: entzefaloz eta bizkarrezur muinaz osaturik dagoena.
- Nerbio-sistema periferikoa: nerbio-sistema zentraletik gorputzeko atal
guztietara hedatzen diren nerbioak osatzen dute.
Funtzioaren arabera ere bi nerbio sistema daude:
- Nerbio-sistema somatikoa: Borondatezko mugimenduak kontrolatzen
dituena.
- Nerbio-sistema autonomoa edo begetatiboa: nahigabeko ekintzak
erregulatzen ditu. Alde batetik daude, gorputz barnean gertatzen direnak,
adibidez, bihotz taupadak, arnasketa eta digestio prozesuan egiten diren
mugimenduak. Bestalde, erreflexuak ditugu kanpoko eragile batek
sortutakoak, hala nola, suaren erredurak eta arantzaren ziztadak.
Entzefaloa da, nerbio sistemaren zuzendaria eta burezurrak babesten du. Izan ere,
garuna, garuntxoa eta bizkarrezur-erraboila entzefaloaren barruan daude.
Nerbio-sistema osatzen duten zelulak neuronak dira. Neuronak oso bereziak dira
gorputzeko beste zelulekin konparatuz. Hauek itxura ezberdina dute, oso delikatuak
dira eta ez dira bikoizten, beraz galtzen direnak ez dira berreskuratzen, horregatik
oso ondo zaindu behar dira.
Jatorrizko dokumentua:
Nerbio sistema (2017). Wikipedia. entziklopedia askea [linean]. [kontsulta : 2018ko
apirilaren 22]
Berreskuratua:https://eu.wikipedia.org/wiki/Nerbio-sistema
Testuaren barruko aipamena ( Wikipedia, 2016).

3. .
Zein “Creative Commons Aitortu- Partekatu Berdin 3.0” izeneko lizentzia pean argitaratua izan dena.