1. BERTSUAK
Zure ezpainak direla nire
eguneroko plazera
mamitsu, ezti eta gozoak
filmetakoen antzera
goizean jeiki, zutan pentsatu
ametsetan murgiltzera
ta bertso hauek idazten ditut
maite zaitut eta zera...
zu zara nire printze urdina
natorrela aitortzera
Ihesi doazen minutuak
zure alboan pasatzen
zuk desio nauzu eta nik zu
zaitudala desiatzen
zenbat segundu pasa ditudan
nostalgian bidaiatzen
zure aurpegi perfektu hura
ondoan imaginatzen
biak gertu-gertu eserita
begitara begiratzen
Zu zara nire pentsamendua
sentitzeko, gozatzeko
ahoan duzun irribarrea,
nahikoa ni alaitzeko
begirada ederra duzu ta
ni neu guztiz txoratzeko
esku leunak, xarmangarriak
gorputza ferekatzeko
hiltzeko falta zaidan denbora
zure alboan pasatzeko.
GAIA: …...... zaitudalako
DOINUA: Itsasoari begira.