1. Engmah lah hi an hre si lo va.....
-Ellis H.Pachuau, 5.2.10
Kan Lalpa pian aanga kum Sanghnih leh Sâwm, Ramtuk thla, Zirtâwpni Fehrehsân vêlah khán
enkawltute lam aangin thu ziak tùra sâwmna ka dawng teh tlat a. Zana an rawn lam nghal tùr thu nèn lam
hriattîrin ka awm a. MLA term khat aia rei Tualchhûng Chanchin Bu ( House Journal) enkawltu-a ka lo
an ve tawh avàngin thuziak tùra kan beisei leh chhuah hun tùra Chanchin Bu-a kan mitthlá-a kan dahkhah
thlap hnu-a an rawn tih leh si loha kan buai hinzia ka ngaihtuah nghal a. Engkhaw sawi set set lo chuan ka
han ‘aw’ ve nghal tháwr mai a.
Ka lo ‘aw’ ve laklawh tawh si a, hnathawk chungin eng nge ka ziah ang aw tiin ka ngaihtuah niléng
ta hak chu a ni mai a. Ziah tùr thupui ber pawh nei lo, tinzawn pawh nei lo chuan Khawlthluaknei hma-ah
chuan tuna i chhiar mêk ang hian Kutzung te û ( zung û ti pawh an awm ), kutzunglai leh kutzungchal chauh
hmangin ka han chhu lût ve tak zung zung a. Tetea of Vanglaini pawhin kutzungchal pahnih hmangin ni tin
chanchin bu ropui leh chhiar hlawh phêk hnih tehmeuh a ziak alãwm le tiin a chhu lai chu ka mitthlá-ah a lo
lang nghal uai’h uai’h a. Pu Mamawia’n kutzungpui tithlep chunga kutzungchal pahnih hmanga a chhut hin
pawh ka mitthlá-ah a lo lang nghal uai’h uai’h bawk a.
Min sáwmtu Joint Editor phur ha tak Tv. Jimmy-a lah chu Computer Science lama keihpui thei hài
chhûng kum zât zet Kolkatta-a zuk zirbing tawh kha a nia! Kei lah Kohhran Chanchin Bu enkawl zára
Computer hmélhriat, chawhma pawh a hrana zirtîrna dawng lo kha ka nia! Computer neih hma hawta
Sofware chi hrang hrang, zái leh thlalâk CD Box hnih lo khãwl hman ka nihte sawi vek dáwn ila....advance
min ti lutuk mai thei bawk a, a hente chuan min nuihzat hial ang chu. Ruata Zadeng of Zohmun-in ka hnên
ata pûr châwk tuma luhai luak chhuak euh chunga thlalák a ente pawh sawi dáwn chuan sawi tùr chu a
tam ve dáwn khawp mai. Zînglam dár 3 pelh hnu-a an in lamah a Laptop, sikul naupang bag ang taka a han
ak puar lah maite kha ka rilru mitthlá chuan a suangtuahin a hmu bawk a.
Mahni aia piang hnuhnung zâwkin inneih ni tùr an han rèl fel meuh chuan Saula pianthar ang êm
chuan thar ta hluai lo mah se U Marinsanga rilru a khawih dàn tùrte leh U Ramchhana táwr a sai’h chuan
loh tùrzia te ka ngaihtuah tel bawk a. Kan véng chhûng hi rinna mitin ka han fang kual ruai ruai a: Kei ngei
pawh hi kumin chhûng ringawt pawh hian ‘Kumin chu...kan ti ve tawh dáwn lo’m ni?’ tih thu ka dawn
tam tawhziate sawi dáwn ila sawi tùr a tam dáwn a. Ka hian henkhatte nupui nei tawh Nixon-a, V.L.
Muana, Makima te hun tawn chhoh mêk ka han dawnpui hian VENGLAI AWARD 2009-a Nupui
ngam lo Award nominee hiau an nite pawhin ngaihtuah a ti thui khawp mai a. Msg-te hi inbox full hak
hak khawpin han dawng mah ila Gupshup aang ringawt a nih chuan awmzia a nei mang si lo va. Kan msg
dawn chhunte lah Hamtea of Abrahama te nula thawn tùr hre loin ‘vawihuihhrui’, full stop (.) etc.tih ringawt
min thawn te leh tute emaw anga senior-a kan ngaih loh vál senior ru tak (kan chung chung leh batch) Tv.
Rka of Non-Mizo hnên aanga Masihi Sangati thil chhut tùr thu min thawnte hi a ni lek fang a! Tv.Maluna
of Traffic-in motor kal dàn tùr a kawhhmuh zing ang zet hian hmélhriat fahrah tê tê min kawhhmuhtu lah hi
an tam! Engmah lah hi an hre si lo va.....
___________________________________________
BENGVARNA - 7.2.2010