1. CERITA RAKYAT MUNA KONTU TIBHOKA
Indefie itu nando tutulano, seise rumah tangga itu bhe anano dorudua, oisa
umuruno fitu taghu bhe morubuno/kampufu. Nando notiti we inano. Kadadihano
de foghalu. Wakutuno ane notolala anoa (amano) no kala ne tomba o rusa welo
katugha. Maka aitu nerako dua o kopunda we sawah, so daomae. Ane mina
nopokawagho o rusa, ne rakomo o kapunda maka no foghonue we ganggano pae,
mo kosono so darunsae we wakutuno do susah kafumaha.
Tora aitu mina nae mpona nokalamo we katugha so nae rako o rusa. We
lambuno nando robhine bhe kampufu nando norubu, padamo aitu anano nesalo
naoma maka mina bhe kafumaha, anano maitu no ghae kansuru neghondohi so
bhino ghotino. Inano kansuru no tudu anano no kala ne ala o kapunda we gangga
motidapo, anahi itu kansuru nokala ne ala katuduno inano. Mina namotindae kadeki
pada neala kapunda nagha, kansuru nokala sabutuhano nosihoro o kapunda, nowolo
kosibhari-bhari hae.
Mina nompona no sulimo amano. Amano nagha peda so mamarano, sababuno
mina naeghawa o rusa mahingga seghulu. Pantasimo ane nomamara nowura dua
kapunda nowolo nohoro sebhari-bhari hae. Amano nagha no kosetani lalono,
kansuru nokala nododoe titino rubhineno, maka notowoe welo ifi so natimbaliane
kafumahano. Kansuru rubhineno nagha ne kadiumu rea. Ampa nolea nagha no
runsae lambuno mina nomandehaane lalono, robhineno nagha nokalamo we kontu
tiboka nagha.
Kontu tiboka dopandehane bhari-bhari hae o mie nopooli netolo mie, nembali
nefumano kontu kotungguno ini. Maka kontu aini ane delagu-lagu ane kontu
tiboka, kontu tilongko nomaimo wakutu indefie itu o lagu-laguno nagha nelagulagu ane kansuru nomboka do fotingke, nelagu robhineno mosusahno nagha
robhineno nagha kansuru nokala we kontu tiboka, anano koruduahae noangkafi
inano nagha nelagu-lagu notilengkamo kontu tiboka ne malu-malu mina nofokiri
ianano nagha nelagu-lagu tilengkamo kontu tiboka ne malu-malu mina nefekiri
inano saratono anano koroduahae nowura inano dotoloe kantu tiboka nagha
doghaemo.
Dotolo inano nagha, bhe nandomo ghuse, tondu pe so kiamamo dhunia ini, maka
mina nompona notieremo. O ai bhe isa nagha nowura kaawu wulu fotuno inano,
inano bhe ghulu-ghuluno titolomo. Noalaemo fitu tangke fotuno inano nagha so do
timbaliane adhimando.