Iñigo Urkullu Lehendakaria buru izan da Euskararen Aholku Batzordearen gaurko bileran eta adostasuna zaintzeko tresna bezala duen garrantzia nabarmendu du
Berria IREKIAn
https://www.irekia.euskadi.eus/eu/news/57268
Percepciones y actitudes hacia la población de origen extranjero
Lehendakariaren hitzaldia - Euskararen Aholku Batzordearen bilera
1. Navarra, 2 – 01007 VITORIA-GASTEIZ
tef. 945 017 972 – e-mail: prentsa@euskadi.eus
LEHENDAKARITZA
Komunikaziorako Zuzendaritza
PRESIDENCIA
Dirección de Comunicación
Euskararen Aholku Batzordearen bilera
2019-10-09 Bilbo 09-10-2019
Lehendakariaren hitzaldia-Intervención del Lehendakari
Sailburua, Euskeraren Aholku Batzordearen kideok, jaun andreok, egun on eta
ongi etorri.
Euskeraren Aholku Batzordea eta Euskararen Legea urte berean sortu ziren,
1982an. Orain, urteek ematen duten ikuspegiarekin, uste dut aipagarria dela
mugarri horiek partekatzen dutela oinarri sendoa, hau da, adostasuna.
Adostasuna funtsezkoa izan da gauden tokira iristeko eta, uste dut, gehiagotan
azpimarratu beharko genukeela adostasun hori landu zutenen meritua.
Larunbatean, Euskaltzaindiaren mendeurrena ixteko ekitaldian aipatu zen
euskara bidegurutzean dagoela. Maiz errepikatzen ari den ideia da. Gaurko
Batzorde hau aprobetxatu nahi nuke azpimarratzeko adostasunak izan behar
duela, bidegurutze honetatik aurrera ere, euskararen aldeko politiken oinarria.
Gizartea atzean izan ez balitz, prozesua aspaldi irtengo zatekeen errailetik.
Aldiz, prozesu hau gizartearekin batera egin denez, sostengu hori sendotu da,
era argian gainera.
Azken Inkesta Soziolinguistikoaren arabera, euskararen eremu osoa kontuan
hartuta, zortzi puntu igo da euskararen erabilera sustatzearen aldeko jarrera
1991garren urtetik. Autonomia Erkidegoaren datuei erreparatuz, biztanleriaren
% 65 daude euskara sustatzearen alde, orain dela 28 urte baino 10 puntu
gehiago. Eta % 9 baino ez daude euskara sustatzearen kontra, inoizko
zenbatekorik baxuena da hori.
Adostasuna lortu delako heldu gara puntu honetara eta sostengu hori sustatu
delako areagotu da adostasuna. Uztartze hori zainduz jarraitu behar dugu.
Larunbateko ekitaldian, bestalde, etorkizunera begira jarri ginen,
Euskaltzaindia lagun. Ate joka ditugun erronken inguruan hitz egiteko aukera
izan genuen.
Gaur ere, Batzorde honetan, erronka horietako batzuen inguruan hitz egingo
dugu.
Aurrenekoa Eremu Sozioekonomikoaren Plan Estrategikoa da, sailburuak
azalduko diguna. Argi dugu apustu hau egiteko momentua iritsi dela. Azken
hamarkadetan ahalegin handia egin da belaunaldi berriak euskalduntzeko. Argi-
2. 2
ilunak gorabehera, gaur egun belaunaldi berriak dira euskara gehien ezagutzen
dutenak eta gehien erabiltzen dutenak. Lorpen handia da. Orain, badira urte
batzuk belaunaldi horiek lan-mundura heltzen ari direla. Orain beraz, bidea
eman behar diegu beren lan-jarduera euskaraz egin ahal izan dezaten.
Beste erronken inguruan ere hitz egingo dugu: helduen euskalduntzea,
hiztunen aktibazioa, genero eta hizkuntza berdintasuna, edota ingurune digitala
euskalduntzeko erronka.
Orain arte bezala, Euskararen Aholku Batzordea izango da adostasuna eta
sostengua uztartzen eta zaintzen jarraitzeko foroa.
Beraz, nire aldetik eskerrik asko zuen parte hartze eta lanarengatik.