2. Մխիթար Գոշը սովորել է ծննդավայրում:
Չափահաս դառնալով՝ ձեռնադրվել է քահանա:
Ստացել է վարդապետի կոչում: Այնուհետև
մեկնել է Կիլիկյան Հայաստան, աշակերտել
վարդապետներին: Վերադառնալով Հայաստան՝
հիմնել է մի շարք դպրոցներ, ի վերջո
հաստատվել է Գետիկ վանքում: Որոշ ժամանակ
անց վանքը և շրջակա գյուղերը երկրաշարժից
ավերվել են: 1191 թ-ին Գոշը, Զաքարյան
իշխանների օժանդակությամբ, Գետիկից ոչ հեռու
կառուցել է Նոր Գետիկ վանքը և մինչև կյանքի
վերջը գործել այնտեղ: Նրա իմաստնության
համբավն այնքան է տարածվել, որ շատերը
անգամ հեռավոր վայրերից եկել են նրան
աշակերտելու:
3. Գոշավանք անունն ստացել է 1213 թ-ին`
Մխիթար Գոշի պատվին: Հնում եղել է
Գետկա վանք, որը գտնվել է Գոշավանքից
ոչ հեռու։ Նա իր անունը ստացել է վտակ
Գետիկից: Սակայն Գետկա վանքը
երկրաշարժից կործանվում է և Մխիթար
Գոշը հիմնում է նորը, որը կոչվել է սուրբ
Աստվածածին:
