Ahozko azalpenerako oso garrantzitsua da eskema ondo egitea; izan ere, informazioaz gain, loturak, testu-antolatzaileak... ere oso modu errazean aurreikus ditzakegu, azalpen argia eta egokia egitea erraztuz.

1. 3. MAILA ONLINE
AHOZKORAKO ESKEMAN INFORMAZIOA ETA LOTURAK AURREIKUSI
(adib. eskoletan diziplina eza?)
1. Sarrera:
• Zabalduen dagoen iritzia azaldu (dirudienez, antza denez, omen…)
• Gaiaren inguruan hainbat jendek dauzkan iritzi ezberdinen berri
eman; orrian emandako datuez baliatu (Lamarkak dioenez, dioenaren
arabera…/ Batzuek diote…; beste batzuek, aldiz,…)
• Aurreko biekiko adostasuna, desadostasuna, zalantza… azaldu, hau
da, zeure iritzia azaldu, argudiatu (nik ere ez dut uste aparteko arazorik
dagoenik; izan ere…)
2. Ideiak garatu:
• Lehen- orain: egoera zertan aldatu den azaldu (lehen irakasleari
errespetu…; orain, aldiz…/ Gurasoen papera
• Hemen- beste nonbait alderatu (Euskal Herria/ estatu mailan/ Europan…
(berriz…)
• Gaiaren hainbat atal garatu: (orrian emandako ideiez baliatu)
i. diziplina eza zertan? (irakaslearen autoritatea ukatu, ikaskideekiko-
eta errespetu falta, puntualitatea, hainbat arau -hitz egitea, eskuko
telefonoak, arretarik ez…- (zerrendak: besteak beste/ adibide batzuk
aipatzearren/ batetik-bestetik-azkenik…)
ii. zerk eragina (umeak babestuegiak, inolako ardurarik ez
izatea, gurasoen jarrera…)
iii. gaiaren garapena (gero eta ….-ago), ondorioak
iv. Adibideak eman, edo gaiarekin zerikusia duten pasadizo
laburren bat aipatu
3. Bukatzeko:
• Ondorioak eman, zeure iritzia laburtu (beraz, hau guztia dela eta, esan
genezake/ esango nuke…)
• Aurrera begirako proposamenak, hipotesiak…
• Galdera irekiak utzi entzuleak hausnar dezan (ez dakit honen
erantzukizuna norena ote den… konponbiderik ote duen…)