Proxecto de empatía activa. CEIP PLURILINGÜE P. ALBINO NÚÑEZ

1. Nos seus za-patos
Proxecto de Empatía Activa
CEIP PLURILINGÜE PROFESOR ALBINO NÚÑEZ
CURSO 2019-20

2. NOS SEUS ZA-PATOS CEIP PLURILINGÜE PROFESOR ALBINO NÚÑEZ – OURENSE
XUSTIFICACIÓN:
Con este proxecto, de empatía activa, queremos promover entre as familias,
os mestres e os alumnos a aprendizaxe de habilidades socio emocionais, a
través do contacto con animais.
Dada a diversidade que presenta o alumnado do noso centro, pretendemos
facer unha proposta de atención á todos e a cada un dos nosos cativos,
ofertándolles un espazo común no que poidan desenvolver as mesmas tarefas.
Intentaremos contar cunha zona na que poidamos apreciar as actitudes, as
capacidades e os valores que a miúdo non se manifestan ao estarmos
traballando materias. Isto permitiranos valorar de maneira positiva a todo
alumnado, e mellorar a súa autoestima, póndonos na pel daqueles nenos aos
que a miúdo lle resulta máis difícil seguir unha clase teórica, pero que teñen
valores impresionantes que poden manifestar fóra da aula.
Tamén queremos que os cativos se poñen na pel dos patos, dun ser máis feble,
e descubran o importantes que poden ser eles para protexelos e para
coidalos.
Os educadores poderemos darlle un uso innovador a diferentes lugares e
espazos do centro, que estimularán aos alumnos a gozar, crear, innovar e
aprender na interacción dos nenos con animais.
Estamos convencidos de que o coidado destes animais terá influencia
directa na súa concentración e na aprendizaxe dos alumnos, fomentando o
desenvolvemento emocional e cognitivo.
A observación, e o coidado dos animais, desenvolverán o sentido da
responsabilidade, ao mesmo tempo que infundirán e aumentarán o respecto
pola vida.

3. NOS SEUS ZA-PATOS CEIP PLURILINGÜE PROFESOR ALBINO NÚÑEZ – OURENSE
Os nenos son capaces de ver que todos os seres vivos necesitan máis
coidados que simplemente proporcionarlles auga e comida ou xoguetes que
compramos nunha tenda de animais. Empezan a entender como o seu
comportamento afecta directamente aos demais.
Axudar a coidar a un animal dálles un sentido de orgullo e de logro,
especialmente cando as mascotas son capaces de devolver ese afecto. Polo
que podemos afirmar que os animais son capaces de subir os niveis de
autoestima dos nenos.
As mascotas axudan a fomentar o desenvolvemento físico porque estimulan
aos nenos a relacionarse cos animais e a moverse, pero aínda é maior o
desenvolvemento social xa que grazas a eles son máis propensos a achegarse
e interactuar con outros nenos da súa clase.
Conforme os alumnos se van facendo maiores, e van tomando conciencia,
poden empezar a preguntar sobre a orixe da mascota e sobre os seus
costumes, polo que tamén se estimula o desenvolvemento cognitivo.
Consideramos que o contacto coa natureza é fundamental durante a primeira
infancia, especialmente na sociedade actual na que a maioría dos cativos
medran na contorna urbana, polo que apenas teñen contacto coas plantas e
cos animais. Polo que queremos darlles a oportunidade de coidar animais na
escola , e de aprender observándoos.

4. NOS SEUS ZA-PATOS CEIP PLURILINGÜE PROFESOR ALBINO NÚÑEZ – OURENSE
MOTIVACIÓN:
Son varios os motivos polos que decidimos desenvolver este proxecto,
entre eles queremos destacar os seguintes:
1. Os beneficios psicolóxicos e físicos que aportan as mascotas na escola,
e que veñen dados polas interaccións que se establecen , e que causan
influencia directa na concentración e na aprendizaxe, ao marcarmos
pautas de traballo que convidarán aos cativos, de maneira pracenteira,
a responsabilizarse da saúde e do benestar doutro ser vivo.
2. O efecto terapéutico positivo que teñan os patos para favorecer
habilidades comunicativas, e mecanismos de relaxación en nenos con
dificultades de conduta, de concentración, de comunicación, autismo e
síndrome de Down.
3. A necesidade de crear novos recursos educativos que lle oferten a
todos os cativos a oportunidade de realizar unha viaxe cara o contacto
coa natureza e cos animais, cara o natural e diferente, cara o respecto
a responsabilidade e a tolerancia, e sobre todo cara a realidade de
formar parte dun todo no planeta que habitamos
4. Os diferentes estudos que demostran que o contacto con patos reduce
o estrés psicosocial, e a
depresión nos cativos.
5. O feito de considerarmos
que o contacto coa
natureza é fundamental
durante a primeira
infancia, especialmente

5. NOS SEUS ZA-PATOS CEIP PLURILINGÜE PROFESOR ALBINO NÚÑEZ – OURENSE
nas sociedades actuais, nas que os cativos medran na contorna urbana,
e a maioría dos nosos nenos apenas teñen contacto con plantas e
animais, máis alá de gatos e de cans.
E xa que temos moito alumnado de educación infantil queremos brindarlles
dende o comezo da súa andaina pola escola a oportunidade de descubrir
por si mesmos o medio natural.
OBXECTIVOS:
1. Conseguir unha zona de relax na nosa escola, na que os cativos se sintan
cómodos e tranquilos, observando, alimentando ou xogando cos patos.
2. Mellorar a autoestima dos nenos dándolles novas responsabilidades.
3. Proporcionar un novo foco de atención para os recreos.
4. Fomentar a aprendizaxe dinámica e participativa no coidado dos animais.
5. Conectar aos nenos coa natureza a través do coidado dos patos.
6. Aumentar o número de actividades educativas que oferta o noso centro.
7. Ensinar e aprender de maneira activa, por descubrimento, observando,
tocando, e investigando.
8. Fomentar o traballo en grupos con nenos de diferentes idades.
9. Asimilar valores medio ambientais baseados no respecto aos animais e á
natureza.
10.Comprender a importancia que ten o noso comportamento a través da
interacción cos patos.
11. Ofertarlle a todos os cativos a oportunidade de realizar una viaxe cara o
diferente (nenos de diferentes idades e con diferentes capacidades) que
se unen para coidar aos patos, e que se darán conta da importancia que ten
cada un deles nesta tarefa.

6. NOS SEUS ZA-PATOS CEIP PLURILINGÜE PROFESOR ALBINO NÚÑEZ – OURENSE
12.Reducir o estres a través do contacto cos animais.
13.Cultivar a paciencia e a calma, valores que sen dúbida imos necesitar para
comunicarnos cos patos.
14.Aprender a esperar, a gozar, e a valorar.
15.Sacar a escola das aulas para deseñar novos espazos de ensinanza e de
aprendizaxe.
PROCESO:
Os patos que viñeron á escola foron criados dende cativos nunha explotación
gandeira, en contacto con seres humanos que os foron alimentando e guiando.
Pouco a pouco fomos dando pasos baseados na confianza e na paciencia para
que se adaptasen ás persoas, ata chegar a un momento no que interpretan aos
seres humanos como a alguén da súa familia, desta maneira conseguimos que
non sintan medo, nin se alteren coa presenza dos humanos.
Cando comprobamos que eran capaces de seguir ás persoas, e incluso de saír
a buscalas,
trouxémolos a escola.
E xa no noso centro
ofertámoslle aos
rapaces a posibilidade
de que os coidasen no
recreo, e no tempo
que temos despois do
xantar.

7. NOS SEUS ZA-PATOS CEIP PLURILINGÜE PROFESOR ALBINO NÚÑEZ – OURENSE
Comezamos con 5 patos, 2 patos de auga e 3 patos mudos, e coa posibilidade
de traer máis en canto estes se atopen completamente integrados na escola.
Temos que destacar a boa acollida que tiveron por parte dos nenos, e a
responsabilidade que demostran cada día ocupándose deles.
En educación infantil as titoras comezaron a desenvolver diferentes
proxectos de aprendizaxe baseados nos patos, ante os que os cativos se
mostran moi motivados.
En educación infantil teremos 1 sesión semanal na que nos adicaremos a
aprender dos patos observando como actúan e interactuando nós con eles.