Libros e outros documentos seleccionados do fondo infantil correspondentes ás novas adquisicións entre abril e xuño de 2016. Boletín número 16 do SOLF (Servizo de Orientación de Lectura ás Familias) da Biblioteca Pública Municipal de Narón.

1. SELECCIONADOS
ABRIL-XUÑO 2016
SERVIZO DE ORIENTACIÓN DE
LECTURA ÁS FAMILAS
XUÑO 2016 (Boletín SOLF número 16)
Biblioteca Pública Municipal de Narón
R/ 25 de Xullo, s/n 15570 Narón, A Coruña
981 382 173
biblioteca.central@naron.es

2. Seleccionados “SOLF” número 16 ABRIL-XUÑO 2016
1
Biblioteca Pública Municipal de Narón
SELECCIONADOS:
CONTOS E OUTROS DOCUMENTOS SELECCIONADOS ENTRE AS ÚLTIMAS INCORPORACIÓNS AO FONDO
INFANTIL-XUVENIL NO TRIMESTRE ABRIL-MAIO-XUÑO DE 2016
“SERVIZO DE ORIENTACIÓN DE LECTURA ÁS FAMILIAS”
Boletín SOLF número 16
Sección infantil I1 (de 3 a 6 anos)
Contos de humor:
Los niños valientes, de Fermín Solís.
Un desfile de nenos e nenas ordeados alfabeticamente. Cada folla do libro
preséntanos unha letra, un neno ou nena e a súa asombrosa e heroica acción (O G
de Gabriel, que cazou unha rata nun hotel; o Z de Zoe, que domesticou un león
cun oboe…).
Estupendo para aprender ou repasar as letras do abecedario. Inclúe un Código QR a partir do cal podedes
descargar unha canción co texto, para o que cantedes a ritmo de rock.
Contos da vida real:
La Calle Mayor, de Alice Melvin.
Este fantástico libro-xogo preséntanos a Sally, que fai un percorrido pola Rúa Maior do
seu pobo na procura das cousas que precisa. En cada páxina do conto entramos nun
establecemento coa intriga de saber se atopará o que anda a buscar ou non, misterio
que resolveremos despregando a solapa.
O conto está escrito en verso, o que lle da moito ritmo á narración.
Tú y yo, el cuento más bonito del mundo, de Elisenda Roca.
Conto rimado que narra todo o proceso dende que un futuro irmán maior sabe que os
seus pais van ter un bebé ata que este nace e comeza a formar parte da súa vida diaria.
Sorpresa, incertidume, impaciencia, celos… unha morea de sentimentos bos e non tan
bos que os nenos e nenas experimentan cando teñen un irmanciño/a.

3. Seleccionados “SOLF” número 16 ABRIL-XUÑO 2016
2
Biblioteca Pública Municipal de Narón
Sección infantil I2 (de 6 a 9 anos)
Contos fantásticos:
Los fantásticos libros voladores del Sr. Morris Lessmore, de William Joyce.
Un conto baseado na curtametraxe co mesmo título gañadora dun Oscar. O
protagonista desta historia é Morris, un gran amante dos libros e da
literatura, que ve como un día o seu mundo se desbarata. Axiña atopará o
xeito de recompoñer a súa vida, adicándoa a aquilo que lle fai feliz e sendo
capaz de transmitir ese mesmo amor a outras persoas.
Contos de animais:
El muro, de Javier Sobrino.
A historia de como os animais do val levantan un muro de árbores que os separa por
clases e asegura o alimento a un dos grupos.
É un conto que os pequenos/as poden entender perfectamente e ao que as persoas
adultas podemos dar unha lectura diferente. Sen dúbida levaranos a reflexionar sobre
todos eses muros que cada día vemos nos informativos.
Contos da vida real:
Tras mi ventana, de Román Belmonte Andújar.
Conto moi duro sobre as circunstancias que pode vivir un neno ata converterse
nun mozo delincuente. Lectura necesaria para desestigmatizar ás persoas que
cumpren condena nos cárceres e velos coma os seres humanos que son.
Para ler acompañados/as.
Contos de humor:
El Ratón que faltaba, de Giovanna Zoboli.
Esta é unha historia moi tenra sobre un gato e a súa obsesión: un rato que non existe
nin siquera na súa imaxinación. Este é precisamente a teima do gato, non ser quen de
imaxinar ese rato que falta para completar a súa colección de ratos nos que pensar.
En clave de humor este conto amósanos o moito que as nosas teimas e obsesións
poden paralizar as nosas vidas .

4. Seleccionados “SOLF” número 16 ABRIL-XUÑO 2016
3
Biblioteca Pública Municipal de Narón
Temático:
Manual para soñar, de Cristina Núñez Pereira e Rafael R. Valcárcel.
Un manual para coñecernos mellor a nós mesmos/as, identificar os nosos soños e
saber como levalos a cabo.
Conta ademáis a historia de 28 persoas (deportistas, inventores/as, artistas,
científicos/as…) que acadaron con moito esforzo as cousas que máis anhelaban.
Nunca sonrías a un mono y otras 17 cosas importantes a recordar, de Steve
Jenkins.
Curiosísimo e divertido “catálogo” de animais acuáticos, terrestres, pequenos,
grandes… que poden resultar letais aínda que de primeiras non parezan moi
perigosos. Para saber o que hai (e sobre todo o que non hai) que facer se nos
atopamos nalgún momento con algún deles.
Sección infantil I3 (de 9 a 12 anos)
Contos de aventuras:
Venres, de Santiago Freire.
Non é necesario ter lido Robinson Crusoe para poder disfrutar deste álbum
ilustrado que narra os feitos da novela de Defoe dende un punto de vista
diferente, o de Venres, o indíxena co que o protagonista se atopa e que acaba
convertendo no seu amigo.
A lectura desta obra neste tramo de idade no que a clasificamos (entre 9 e 12
anos) pode espertar o interese por coñecer a novela de Defoe, un gran clásico da
literatura xuvenil de aventuras.
BOMBÓN