3. ՏՆՏԵՍՈՒԹՅՈՒՆԸ
Մեծ համբավ ունեն ճապոնական նավերը, հատկապես՝ գերհզոր
լցանավերը, էլեկտրոնիկան, ավտոմեքենաները, արհեստական
գործվածքներն ու մետաքսը, ճենապակե իրերը, խաղալիքները։
Զարգացած է էլեկտրոնային և ռադիոտեխնիկական
մեքենաշինությունը։ Ճապոնիային է պատկանում
տեսաձայնագրիչների ու տեսախցիկների, հեռուստացույցների
համաշխարհային արտադրության մեծ մասը, էլեկտրոնային հաշվիչ
մեքենաների 1/10-ը։ Ավտոմեքենաշինությունը կենտրոնացած է
«Տոյոտա», «Նիսան», «Միցուբիշի», «Հոնդա», մենատիրությունների
ձեռքերում։
4. ԳՅՈՒՂԱՏՆՏԵՍՈՒԹՅՈՒՆԸ
Գյուղատնտեսությունը տալիս է երկրի համախառն ներքին արդյունքի
1.7%-ը։ Գյուղատնտեսության գլխավոր ճյուղը բուսաբուծությունն է։
Երկրի տարածքի 11.64%-ը վարելահողեր են, 0.9%-ը՝ բազմամյա
տնկարկներ։ Ոռոգովի հողատարածքները 2.6 մլ հա են։
Մշակովի հողերի կեսը բրնձի ցանքատարածություններ են։ Քիչ
քանակությամբ մշակում են նաև ցորեն, գարի, եգիպտացորեն։
Տեխնիկական մշակաբույսերից են շաքարի ճակնդեղը, ծխախոտը, սոյան։
Մշակում են նաև թեյ։ Զարգացած է ծաղկաբուծությունը։
Անասնապահությունն ունի ընդարձակման միտում՝ կապված
եվրոպական սովորույթների ներթափանցման հետ։ Ավելանում է մսի և
կաթի օգտագործումը երիտասարդների շրջանում։
5. ԿՐՈՆ
Ճապոնիան այն բացառիկ երկրներից է, որտեղ միաժամանակ
գործում են տարբեր կրոններ։ Ճապոնացիների 83.9%-ը դավանում
է շինտո, իսկ 71.4%-ը՝ բուդդիզմ ։ Բացի ավանդական բուդդիզմի և
սինթոիզմի արարողակարգերից, կատարվում են նաև
քրիստոնեական ծիսակատարություններ։ Քրիստոնեությունը
Ճապոնիա է ներթափանցել XVI դարում։
6. ԲՆԱԿՉՈՒԹՅՈՒՆԸ
Ճապոնիան զարգացած երկիր է, և այնտեղ շատ բարձր է
բնակչության կենսամակարդակը։ Կյանքի տևողությունը
Ճապոնիայում աշխարհում ամենաերկարներից է՝ 2009 թ. կյանքի
սպասվող տևողությունը կազմել է 82.12 տարի։ Նորածինների
մահացության մակարդակն աշխարհում ամենացածրերից մեկն է։
Բնակչության քանակով աշխարհում տասներորդն է՝ 127 միլիոն
մարդ։ Մայրաքաղաք Տոկիոն իր մերձակա պրեֆեկտուրաներով
հանդերձ ունի 30 միլիոնից ավել բնակչություն և համարվում է
աշխարհի խոշորագույն քաղաքային ագլոմերացիան։ Երկրի
բնակչության 99 տոկոսը ճապոնացիներ են։
7. ԲՆԱԿԼԻՄԱՅԱԿԱՆ ՊԱՅՄԱՆՆԵՐԸ
Ճապոնիան ծովային երկիր է, երկրի տարածքի 97%-ը գտնվում է Հոնսյու,
Հոկայդո, Կյուսյու ու Սիկոկու կղզիների, իսկ փոքր մասն էլ՝ Րյուկյու,
Օվկիանիա և այլ կղզեխմբերի վրա։ Ընդհանուր առմամբ, Ճապոնիան
գտնվում է 6852 կղզիներից բաղկացած Ճապոնական կղզաշարի վրա։
Ճապոնիան դեռևս տարածքային չլուծված խնդիրներ ունի հարևան
պետությունների հետ և, մասնավորապես՝ Ռուսաստանից պահանջում է
1945 թվականին ԽՍՀՄ գրաված չորս՝ Իտուրուպ, Կունաշիր, Շիկոտան և
Հաբոմաի կղզիները։ Ճապոնիան գտնվում է խաղաղօվկիանոսյան
գեոսինկլինային գոտում այսպես կոչված հրե օղակում, դրանով էլ
պայմանավորված է երկրաշարժերի հաճախականությունը։
Առանձնապես մեծ ավերածություններ և մարդկային զոհեր են
պատճառել 1903, 1923, 1994-թթ-ի երկրաշարժերը։
8. ԱՐԴՅՈՒՆԱԲԵՐՈՒԹՅՈՒՆ
Բարձր զարգացած ճյուղ է էներգետիկական արդյունաբերությունը,
որն օգտագործում է երկրի ածխի և գետերի ջրաէներգետիկական
պաշարները և ներկվող նավթը, հեղուկացած գազը և
ուրանը։Պողպատի ձուլմամբ Ճապոնիան աշխարհում առաջինն է։