2. Հավասարաչափ փոփոխական շարժում։
Արագացում
Այն շարժումը, որի ժամանակ մարմնի արագությունը կամայական հավասար
ժամանակամիջոցներում փոփոխվում է նույն չափով, կոչվում է հավասարաչափ
փոփոխական շարժում։
t ժամանակամիջոցում արագության v փոփոխության և այդ ժամանակամիջոցի
հարաբերությունը հաստատուն մեծություն է՝
v/t=const
Արագացումը հավասար է միավորի, եթե միավորի են հավասար արագության
փոփոխությունը և ժամանակամիջոցը։
Եթե մարմնի շարժման արագացումը և սկզբնական տեղափոխությունն ուղղված
չեն մի ուղղով, ապա մարմնի արագության ուղղությունն անընդհատ
փոփոխվում է․ մարմինը կատարում է կորագիծ շարժում։
Արդյունարար շարժման տեղափոխությունը հավասար է առանձին շարժումների
ընթացքում մարմնի տեղափոխությունների վեկտորական գումարին։
3. Ուղղագիծ հավասարաչափ փոփոխական
շարժման հիմնական հավասարումները։
Շարժման գրաֆիկական պատկերումը։
Եթե մարմնի շարժման արագացումը և սկզբնական արագությունն ուղղված են
մի ուղղով, ապա մարմնի շարժման հետագիծը ուղիղ գիծ է։
Այս դեպքում հարմար է կոորդինատային առանցքն ուղղել այդ ուղղի երկայնքով
և օգտվել այն հավասարումներից, որոնց մեջ մտնում են ոչ թե վեկտորներ, այլ
կոորդինատային առանցքի վրա դրանց պրոյեկցիաները։
Կախված v0x-ի և ax-ի նշաններից մարմնի շարժումը կարող է լինել արագացող,
դանդաղացող կամ դրանց համակցությունը։
Քանի որ արագությունը հաստատուն է, ապա նրա գրաֆիկը ժամանակի
առանցքին զուգահեռ ուղիղ է։
Գործնականում հանդիպում են շարժումներ, որոնց ժամանակ կանգ առնելուց
հետո էլ արագացման վեկտորը մնում է անփոփոխ, ուստի՝ մի ակնթարթ
կանգնելուց հետո, մարմինը փոխում է շարժման ուղղությունը, արագության
պրոյեկցիան դառնում է բացասական, իսկ նրա մոդուլն աճում է։
4. Մարմինների ազատ անկումը։ Ազատ
անկման արագացում
Ազատ անկումը հաստատուն արագացմամբ շարժում է, իսկ արագացումն
ուղղված է ուղղաձիգ դեպի վար և տվյալ վայրում նույնն է բոլոր
մարմինների համար։
Ազատ անկումը այլ արագացող շարժումներից տարբերելու համար
նշանակում են ոչ թե a, այլ g տառով։
Երբ մարմինն առանց առանց սկզբնական արագության ընկնում է H
բարձրությունից, կոորդինատային առանցքը հարմար է ուղղել դեպի ներքև,
հաշվարկման սկզբնակետ համարել այն կետը, որտեղից մարմինը սկսում է
անկումը։
Ուղղագիծ դեպի վեր նետված մարմնի շարժման դեպքում, մարմինը
շարժվում է միայն 0Y, և այս դեպքում, հարմար է առանցքը ուղղել դեպի
վեր, սկզբնակետն ընտրելով գետնի վրա։
5. Հավասարաչափ շրջանագծային շարժում
Կամայական կոր հետագծով շարժում կարելի է ներկայացնել որպես տարբեր շրջանագծերի
աղեղներով շարժումների վերադրում։
Մարմնի շրջանագծային շարժումը հաճախ բնութագրում են նաև այն ժամանակամիջոցով,
որի ընթացքում մարմինը կատարում է մեկ ամբողջ պտույտ։
Այդ մեծությունն անվանում են պտտման պարբերություն և նշանակում են T տառով։
T պարբերությանը հավասար ժամանակամիջոցում v արագությամբ մարմինն անցնում է
շրջանագծի 2R երկարությանը հավասար ճանապարհ։
Մարմնի շարժումը շրջանագծով կարելի է բնութագրել նաև պտտման հաճախականություն
կոչվող մեծությամբ։
Եթե t ժամանակում մարմինը կատարում է N պտույտ, ապա միավոր ժամանակում մարմնի
կատարած պտույտների թիվը կամ պտտման հաճախականությունը հավասար է
n=N/t